VOV4.K’ho - Poh lài, tàm Hìu Quốc hội neh bơyai lơh pơrjum pah nam dơ\ 26 cri bơyai Nghị viện châu Á – Thái Bình Dương (APPF). APPF dơ\ do pơn jăt tai tơnguh ală cồng nha bơh Poh cri bơyai dờng màng APEC 2017 tàm broă lơh Nghị viện, pơgồp bal tàm broă tơnguh broă lơh bal bơh ală lơgar tài broă tơnguh bơtàu mờ pas gơs bal châu Á – Thái Bình Dương dê.

Bơdìh mờ broă chồl pràn khăt gơboh kă bro mờ pơgồp bal lơh sa, Quốc hội lơgar Việt Nam neh ai tơl^k mờ dờp geh broă kờ` bal uă bơh Quốc hội ală lơgar tàm mpồl bè tơnguh me cri bơyai dơ\ 26, hơ\ là: “Broă lơh bal Nghị viện tài bơta lơngăp lơngai, bơceh pa mờ tơnguh bơtàu kơl jăp”.

Mờ gơnoar là Chủ tịch APPF -26, Chủ tịch Quốc hội mò Nguyễn Thị Kim Ngân đơs tòm, pơrjum APPF – 26 geh bơyai lơh tàm tu\ châu Á bal mờ dunia gam sền go\ ală tam gơl mhar ngan mờ kal ke, tơlòng mờ bơta niam geh bal, ờ g^t lài.

                     Chủ tịch Quốc hội mò Nguyễn Thị Kim Ngân geh jơnau đơs tàm dơ\ pơrjum

Lơh sa tàm châu Á mờ dunia gam tơnguh wơl, mơya gam geh uă bơta rềs àr bè di mơ mờ jo\ tơngai. Ală dơ\ tam lơh, kal ke tàm tiah do pơn jăt tai geh ală kal ke dờng màng gơwèt mờ broă ring niam mờ lơngăp lơngai, bơta lơngăp lơngai tàm gùt tiah do dê.

Ală broă sền gàr bơta lơngăp lơngai ờ di bè ờs bè tam gơl trồ tiah, sò tơm iơh bơsăk, kòp tê jê să, bơta geh tơl phan sa, bơta geh tơl dà hùc… pơn jăt tai kal ke tus mờ broă tơnguh bơtàu kơl jăp tus mờ tơl lơgar bal mờ bơta niam rài kis bơh tơl nă làng bol.

                                     Chủ tịch lơgar ồng Trần Đại Quang geh jơnau đơs tàm pơrjum

Broă bơ\t bơtàu broă lơh sa mờ măy mo\k dơ\ 4 bal mờ ală broă gơguh jăk bè công nghệ gam lơh tam gơl mpồl bơtiàn kung bè broă pơgồp bal. Kă bro, bơcri priă neh cèng châu Á – Thái Bình Dương in bơta pas gơs ai uă lơgar in.

Broă pơgồp bal lơh sa bu\ lah geh uă tam gơl, mơya gam pơn jăt tai là broă lơh tòm tàm broă lơh kă bro dunia dê. Mò Nguyễn Thị Kim Ngân đơs là, 1 broă tơrgùm bal, APPF gam tàm tơngai tam gơl kuơ màng, ai geh ală lơgar tàm mpồl in ală kơnòl pa kờ` tơnguh rơlao tai ală cồng nha mờ APPF neh lơh geh mờ ai pơrjum cri bơyai do guh tus khà pa:

-Tàm pơrjum pah nam APPF 26 do, bơdìh mờ broă cri bơyai bal bè ală broă sền gàr bơta lơngăp lơngai chính trị, lơh sa, kă bro, lơh broă bal tơnguh bơtàu, bơta chài rơgơi mpồl bơtiàn, tiah kis…

Dùl tàm ală khà broă lơh ngan tòm bơh Pơrjum do dê là bơ\t bơtàu 1 nùs nhơm kơlôi sơnơng pa tàm tơngai pơn jăt tai tơnơ\ mờ 25 nam crơng gơs mờ tơnguh bơtàu mpồl APPF dê, lơh jăt tơngu me bơh pơrjum APPF 26 dơ\ do là “Lơh broă bal Nghị viện tài bơta lơngăp lơngai, bơceh pa, tơnguh lơh sa kơl jăp”.

Nùs nhơm kơlôi sơnơng hơ\ pal geh ai bơh tàm broă lơh bal Nghị viện kơl jăp mờ nền nòn rơlao, geh cồng nha rơlao, mờ đơs tòm ală jơnau hơ bal lơh broă pa kờ` chồl pràn rơlao tai cơ chế lơh broă bal tàm mpồl APPF, bơh APPF mờ ală kơrnoăt mùl màl tiah ndai tài bơta lơngăp lơngai, ring niam mờ tơnguh bơtàu kơl jăp, tơrgùm bal.

Chủ tịch mpồl tam klăc Nghị viện dunia mò Gabriela Cuevas Barron đơs là, tiah châu Á – Thái Bình Dương `hăp `har ngan dunia dê mờ uă bơta pràn; sùm jòi geh bơta lơngăp lơngai bơh broă cri bơyai; geh 1 bơnah kuơ màng tàm broă lơh sa (GDP) dunia dê.

             Chủ tịch mpồl tam klăc Nghị viện dunia mò Gabriela Cuevas Barron geh jơnau đơs tàm pơrjum

Mơya, mò kung đơs tòm, châu Á gam pal gơbàn mờ kal ke mờ pơrjum cri bơyai APPF là dơ\ niam kờ` ală lơgar geh bơsong bal kal ke do:

-Châu Á – Thái Bình Dương kung gơbàn mờ ală kal ke mờ pal geh 1 mpồl bơtiàn ring niam, ntrờn ơm kis, khà tơnguh bơtàu lơh sa gam ờ uă rơlao jăt mờ jơnau kơ\p kờ`, tam hơl trồ tiah, tam dră mờ sò tơm iơh bơsăk…

Den tàng, mờ gơnoar là Nghị viện ală lơgar, he pal geh jơnau đơs mờ geh nùs nhơm pin dờn bơh làng bol mờ he kung geh kơnòl mờ di gơlan wèt tus ală broă bơsong kal ke do.

Bơh tàm nùs nhơm kơlôi sơnơng să tòm, mò Jiko Luveni, Chủ tịch Quốc hội lơgar Fiji đơs tòm, APPF neh tơnguh bơtàu pràn bơh tu\ lơgar Fiji là lơgar mu\t bal tàm mpồl do, mờ geh tơl bơta pràn, geh uă bơta niam mờ `hăp `har.

                              Mu\t pơrjum mpồl tam klăc Nghị viện châu Á - Thái Bình Dương

Tài do ờ di là bơta niam kờ` tơnguh broă lơh bal bơh ală Nghị viện tàm mpồl dê, mờ gam chồl pràn gơnoar bơh ală kuang bàng làng bol pồ dê tai.

Mò Jiko Luveni kung pà g^t, lơgar Fiji neh geh uă broă lơh gơguh jăk bơh tu\ mu\t bal mờ mpồl APPF, kuơ màng ngan là ală broă lơh ngan bơh lơgar Fiji dê tàm broă lơh jăt ală Nghị quyết mpồl APPF dê, tàm hơ\ geh Nghị quyết sồ 25 bơh APPF bè kơrian tam lơh pù pờng gơwèt mờ cau ùr:

-Rơndăp broă tơnguh bơtàu lơgar Fiji dê wèt tus kơrian broă tam lơh pù pờng, 1 tàm ală bơta tòm là jơgloh rơ[ah. Tàm hơ\ geh jơnau yal bơr là “Ờ ring bal cau klao mờ cau ùr bal mờ broă tam cah is tàm rài kis geh sơbì, ai cau ùr in geh broă rơwah mờ khăt gơboh rơlao tus mờ broă lơh bơh cau ùr dê tàm hìu nhă mờ mpồl bơtiàn.

Cau ùr geh tus bal mờ broă bơsram sră geh dong kờl bè jơnau kơ\p kờ` cau ùr dê kờ` lơh gơs broă lơh mờ gơguh jăk broă lơh.

Chủ tịch Danh dự APPF ồng Takuji Yanagimoto đơs tòm, tàm 25 nam bơh tu\ crơng gơs, APPF gam sùm tơl^k nùs nhơm pin dờn, g^t jơnau bal mờ g^t wă bal bơh ală lơgar tàm mpồl dê. Tàm tu\ do, gơnoar bơh broă lơh bal Nghị viện sơlơ kuơ màng rơlao.

Hơ\ geh là anih ai lơh geh bơta niam kờ` cri bơyai song dơ pă bal bè ală broă lơh jo\ jòng geh ai tàm broă sền gròi tus mờ kòn bơnus, tàm ală broă lơh mùl màl. Ồng kung kơ\p kờ` pơrjum APPF nam do geh gơs là anih tơnguh sơn pòl ồs pơn đàng nùs nhơm kơ\p kờ`, ờ mìng ai châu Á  Thái Bình Dương mờ gam ai dunia in tai.

Cau cih mờ yal tơng^t Ndong Brawl