VOV4.K’ho- Nàng kờñ tam pà bal mờ làng bol geh rài kis kal ke tài gơrềng bơh kòp dờng Covid-19 dê, Mpồl cau lơh sa kă bro kơnòm să càr Dăk Nông dê neh bơyai lơh “ATM phe je ro đông” pà gĭt nđờ jơ̆t tấn phe ờ sa priă nàng dong kờl làng bol.

Jơh ală cau lòt ai phe ndrờm lơh jăt niam broă lơh rơcăng sơndră kòp Covid-19

Ală ATM do gam pơn jăt tai geh lơh uă tus ală ƀòn lơgar gam gơtìp gơrềng tài bơh kòp Covid-19 tàm càr. Mờ jơnau đơs cau lơi geh lòt pà, cau lơi kal ke lòt ai “ATM phe je ro đong” bơh Mpồl cau lơh sa kă bro kơnòm să càr Dăk Nông dê bơyai lơh tơnơ̆ 4 ngai neh pà geh rlau 6 tấn phe ai rlau 2 rbô nă làng bol geh rài kis kal ke tàm ƀòn dờng Gia Nghĩa in. Jăt bi Nguyễn Ngọc Chính- Kuang ătbồ Mpồl cau lơh sa kă bro kơnòm să càr Dăk Nông yal, bơdìh mờ pà phe tàm ƀòn dờng Gia Nghĩa, ATM phe je ro đong geh bơyai lơh pà phe ờ sa priă ai làng bol kal ke in tàm ală kơnhoàl Dăk R’lấp, Tuy Đức mờ Dăk Glong in.

Cau mblàng Lơ Mu K’Yến