VOV4.K’ho - Boh là 1 bơta phan te\ tu\ lơi kung geh tàm broă tru\ phan ală bơta phan sa pah ngai, mơya di lah sa uă ir boh den ngòt rơgơ\t ngan tus mờ să jan. Tài broă sào sa hang ir boh tàm 1 tơngai jo\, he gơbàn gơguh mhàm, kòl, bơcah gùng mhàm, dồr mhàm nùs, ờ pràn nùs, ờ pràn leh… Lơh jăt 1 bơta phan sa di pal, ba` sa hang ir geh pơgồp bal tàm broă gàr niam bơta pràn kơl dang să jan, sơndră mờ ờ uă bơta kòp.

Jăt jơnau bơto pơlam bơh mpồl lơh sơnơm dunia yal, cau dờng pah ngai mìng sa ờ uă rơlao 6 gram, ndrờm mờ 1 sơio\, di lah sa uă rơlao den geh sền là sa hang. Cau lơgar Việt Nam kis tàm ờ tiah tiah geh bơta mờng sa hang, sào pal geh dà màn, geh rơpung, geh blơn sràt… khà boh tơl nă cau ngui sa bơh 18 tus 22 gram tàm 1 ngai. Bè hơ\, khà boh sa neh uă ir bơh 3 tus 4 dơ\ jăt mờ jơnau bơto pơlam.

Ờ mìng sa uă boh bơh tàm dà cik geh tàm ală dơ\ sào sa tòm, broă sa plai chi cik mờ boh kung lơh he gơbàn tơmu\t boh tàm să. Broă kờ` sa hang bơh cau lơgar Việt Nam gam tơl^k loh tàm ală phan sa geh uă boh, bè ală ka ro, ba` hang… Kuơ màng ngan, tài tềm pềr tơngai, phan sa geh lơh lài gam là phan geh ngui uă ngan bơh uă cau dê tàm tơl dơ\ sào sa. Ờ geh uă cau g^t là, ală bơta phan sa do geh uă ngan boh. Boh geh ngui kờ` gàr phan sa jo\.

Mờ broă sào sa uă boh, dà geh gàr tàm să lơh tơnguh khà mhàm lòt, tơnguh mhàm tàm gùng mhàm lơh tus gơbàn gơguh mhàm. Broă ngui sa uă ir boh lơh gơbàn ờ uă bơta ờ niam ndai tus mờ să jan bè: ờ pràn nùs, leh gơbàn tơngi; gơprồ; tơnguh broă gơrồt, tơnguh dơ\ hian… Uă broă kơlôi sơnơng pà go\, broă sào sa uă boh lơh tơnguh gơbàn kòp gơgoh mhàm loh làng ngan. Làng bol kis tàm tiah dà lềng geh khà cau gơbàn kòp gơguh mhàm uă rơlao jăt mờ ală cau kis tàm tiah ring mờ tiah kơh bơnơm.

Kò` tơmù sa hang, mờ gam geh sùm bơkah tàm broă sào sa, pal pơlam sa bơsàp rơhời, ba` tơmù ni sơna, mìng geh di lah bác sĩ sồr. he pal tơmù sa hang bơh tàm ală dơ\ sào sa mờ broă te\ ờ uă boh tàm biăp, ha là ngui dà cik geh broă lơh bơsàp ờ uă boh, te\ boh bơsàp rơlao mờ broă mờng sào sa bè ờs; tơnguh tai uă bơta phan te\ ndai kờ` lơh tơmù bơsàp bè te\ tai phan sràt, phan hòi, phan lơngồt, tơmù khà boh hờ đơm 5 gram tàm 1 ngai mờ broă rơwah phan sa ris, kis, kờ` tru\ phan sa ơla mờ sa phan neh geh lơh lài bè [ung mi, giò chả, lạp xưởng, phan ơn tàm hộp… tơmù ală phan sa mhar, phan sa neh lơh lài tài ală bơta phan sa do sùm geh uă boh. Ba` prăp ală phan sa hang tàm hìu.

Mờ kòn dềt, pal tơrgùm bơta mờng sa bơsàp bơh tu\ gam dềt kờ` tơmù ală bơta aniai bơh kòp tê jê să tài broă mờng sa hang lơh gơbàn.

  Cau cih mờ yal tơng^t Ndong Brawl