VOV4.K’ho - Rơndăp broă adăt lơh broă tam gơl gam geh Bộ Lao động Thương binh mờ Xã hội ai kờ` geh ală bộ, gah lơh broă pơgồp bal jơnau đơs bè jơnau tơnguh sơnam ơm lơh broă bơh nam 2021.

Rrơndăp broă geh ai 2 gùng dà broă lơh kờ` tơnguh sơnam ơm lơh broă mờ bè jo\ jòng di gơlan geh tơnguh rơhời tus 65 sơnam, kờ` ndrờm bal kes priă jơh sơnam lơh broă tàm jo\ jòng. Thứ trưởng Bộ Lao động Thương binh mờ Xã hội ồng Doãn Mậu Diệp yal loh rơlao tai bè tơngu me do.

      Ồng Doãn Mậu Diệp, Thứ trưởng Bộ Lao động - Thương binh mờ Xã hội gam hơ jơnau lùp bơh cau lơh [ăo

-Ơ ồng, ồng gơtùi pà g^t nùs nhơm kơlôi sơnơng bơh Bộ Lao động thương binh mờ Xã hội tu\ ai tơl^k jơnau kờ` tơnguh sơnơm ơm lơh broă tàm rơndăp broă adăt lơh broă tam gơl?

Ồng Doãn Mậu Diệp: Tàm rơndăp broă adăt lơh broă tam gơl, Bộ Lao động Thương binh mờ Xã hội geh jơnau ai tơl^k tơnguh sơnam ơm jơh lơh broă cau klao tus 62 sơnam mờ cau ùr 60 sơnam. Tu\ sơn đòm lơh jăt broă tơnguh sơnam jơh lơh broă là bơh nam 2021, broă do geh bơh uă bơta.

Bơta lài ngan, sơnam ơm jơh lơh broă 55 sơnam gơwèt mờ cau ùr mờ 60 sơnam gơwèt mờ cau klao geh ai bơh nam 1961. Kờp tus tu\ do kung neh rơlao 50 nam.

Dơ\ 2 là gơwèt mờ ală lơgar, ală lơgar ndai ndrờm jăt broă tơnguh rơhời sơnam ơm jơh lơh broă. Geh uă ngan lơgar lơh jăt sơnam ơm lơh broă tu\ do là bơh 65 tus 67 sơnam.

 Dơ\ 3 là he kơ\p kờ` tơmù bơta ngài bè sơnam ơm jơh lơh broă bơh cau klao mờ cau ùr. Do kung là 1 tơngu me tàm Công ước CEDAW bè broă ờ tam cah is tàm broă lơh bơh cau klao mờ cau ùr.

Dơ\ 4 là geh uă ngan jơnau kơlôi sơnơng bơh Mpồl bơyai lơh broă dunia mờ Ngân hàng dunia ndrờm pơlam sồr lơgar Việt Nam kờ` gàr niam broă ndrờm bal kes priă bảo hiểm xã hội jo\ jòng pal tơnguh sơnam ơm jơh lơh broă. Broă tơnguh sơnam ơm jơh lơh broă geh uă gùng dà kờ` lơh.

Gùng dà broă lơh tu\ do geh ai tàm rơndăp broă adăt lơh broă là pah nam tơnguh 6 nhai mờ tus tàm tu\ cau klao geh 62 sơnam, cau ùr tus 60 sơnam den hơ\ sồng ơm, mơya bè jo\ jòng kung geh tơnguh rơhời tus 65 sơnam. Mơya kung geh 1 gùng dà broă lơh tai là pah nam den sơnam ơm jơh lơh broă cau klao mờ cau ùr tơnguh rơhời là 3 nhai.

Geh bơta do là di lah lơh mhar ir den di gơlan gơbàn ờ niam bè drà kă bro cau lơh broă. Uă jơnau đơs geh đơs là, khà cau ờ geh broă lơh tàm ơruh pơnu là uă ngan mờ pah nam gam geh ală mpồl tus bal tàm drà kă bro broă lơh mơya kung pal sền tàm tu\ khà kờp làng bol lơgar Việt Nam tu\ do gam kra rơhời.

Lài do, pah nam geh 1,5 tus 1,7 tơlăk nă cau tus bal pah nam tơnguh tai, mơya tu\ do khà do mìng gam bơh 800 rơbô tus 900 rơbô mờ tơnơ\ do tu\ mờ bơta kra jơh khà kờp làng bol, lơgar Việt Nam gơmu\t tàm khà kờp làng bol kra den khà cau l^k bơdìh mpồl cau lơh broă bè jo\ jòng geh mờr ndrờm mờ khà cau rơ\p mu\t tàm sơnam lơh broă. Den tàng, tàm do lơh niam wơl bè broă lơh jo\ jòng ờ go\ di là lơh mơ sơn sơna.

-Bè hơ\, broă tơnguh sơnam ơm jơh lơh broă geh lơh mờ ală cau, ha là tam cah is jăt mpồl broă lơh ơ ồng?

Ồng Doãn Mậu Diệp: Tàm adăt lơh broă tam gơl gam geh ai gùng dà broă lơh tơnguh rơhời sơnam ơm jơh lơh broă. Ngan là ờ di ală mpồl lơh broă, ală gah lơh broă ndrờm geh tơnguh bơh 60 tus 62 sơnam mờ tàm rơndăp broă geh ai kung geh ală mpồl sơnam di gơlan tơnguh uă rơlao sơnam tai, geh mpồl broă lơh geh sơnam ờ jo\ rơlao, mơya khà ờ ndrờm bal den ờ uă ir 5 nam.

He geh ai bơh 60, 62 sơnam, mơya gam geh mpồl broă ơm jơh lơh broă tàm bơh 55, 57 sơnam , jăt mờ tơl broă mờ ală cau do lơh. Bơdìh hơ\ tai, tàm broă sền kờ` g^t bơta pràn kơl dang să jan, di lah gơbàn ờ pràn tàm khà lơi den cau lơh broă gam geh gơnoar ơm jơh lơh broă lài mờ sơnam.

Tàm broă lơh bè broă dong kờl bảo hiểm xã hội tus do geh tơnguh bơta kuơ bơh ală cau pơn jăt tai pră ha là tus bal mờ broă lơh bảo hiểm xã hội kờ` tơnguh rơlao tai broă lơh priă nhai cau neh jơh sơnam lơh broă.

Lơh niam wơl broă lơh bảo hiểm xã hội geh ală broă lơh niam wơl priă nhai cau neh jơh sơnam lơh broă kờ` gàr niam broă tam pà bal. Tàm gùng dà broă lơh tam gơl priă nhai cau geh jơh sơnam lơh broă nam do tơnguh ndrờm mờ khà priă nhai tòm den kung geh lơh di pal sơl.

-Ồng gơtùi đơs loh rơlao tai ală gah lơh broă lơi gơtùi tơnguh sơnam ơm lơh broă, gah lơh broă lơi gơtùi tơmù sơnam ơm lơh broă?

Ồng Doãn Mậu Diệp: Lài do he gam yal ală gah broă glar bòl, hkih, ngòt rơngơ\t là ală gah broă mờ tus sơnam lơi hơ\ den cau lơh broă ờ gam di pal tai lơh broă tàm gah broă hơ\ den sơnam jơh lơh broă di gơlan gờ` rơlao.

Ală gah broă kờ` geh bơta niam tàm broă lơh uă, ală cau jăk chài, ală gah broă tu\ do bè kiểm sát, anih cah rơ`a… den tàm adăt cau cah rơ`a, kiểm st1 kung neh tơnguh sơnam. Ngan là mờ broă đơng lam bơh Chính phủ dê den Bộ Lao động Thương binh mờ Xã hội kung pơgồp bal mờ ală bộ, gah lơh broă dà lơgar tàm broă sền wơl bơta niam tàm broă lơh, ală gah broă kờ` pal geh bơta ngăc ngar, broă mờng chài mờ broă gơrềng bal uă kờ` ai geh ală gah broă lơi hơ\ di gơlan geh tơnjo\ sơnam ơm lơh broă uă rơlao mờ kơrnoăt bal bơh adăt lơh broă dê.

-Ală gah broă lơh tơn, bè tà` may, kho\ kơl tao, phan tàm dà sơnam lơh broă neh ờ jo\, di lah tơnguh tai sơnam ală cau lơh broă gah broă do kal ke ngan kờ` ơm jơh lơh broă lài mờ sơnam kờ` dờp priă nhai neh jơh sơnam lơh broă, bè hơ\ bơta do di pal lah ờ ơ ồng?

Ồng Doãn Mậu Diệp: He gam kơ\p kờ` tam gơl pa broă lơh sa mờ tam gơl pa cau lơh broă. Lơgar Việt Nam den sùm ờ gơtùi tam pơlòng mờ cau lơh broă ờ kas priă mờ tàm tơnơ\ do ala gah broă lơh mờ jơng tê geh robot ơla.

Tàm broă dong kờl bảo hiểm xã hội kung geh lơh tai uă broă dong kờl ndai tai. Tàm ală gah broă mờ cau lơh broă mìng lơh broă mờ jơng tê geh priă nhai ờ uă, tus 1 sơnam lơi hơ\ den cau lơh broă ờ lơh broă tai, geh ală broă lơh kờ` dong kờl anih lơh sa kă bro tă 1 bơnah priă bảo hiểm xã hội, dong kờl 1 bơnah priă nhai kờ` cau lơh broă pơn jăt tai geh broă lơh.

Bu\ lah cồng nha broă lơh bơh ală cau do dê ờ uă rơlao mờ jơnau kơ\p kờ`, mơya kuơ màng ngan gam là geh broă lơh sùm. Bè hơ\, geh dong kờl anih lơh sa kă bro geh sùm broă ai cau lơh broă in, cau lơh broă gam pơn jăt tai tus bal mờ broă blơi sră bảo hiểm xã hội, ală cau do pơn jăt tai geh tơngai lơh broă mờ bè hơ\ sùm den cau lơh broă geh gơnoar dờp ală broă dong kờl tu\ neh jơh sơnam lơh broă.

-Ơi, dan ưn ngài ồng uă ngan.

Cau cih mờ yal tơng^t Ndong Brawl