VOV4.K’ho- Bơh ngai 27/4, ală cau pơrlòng tàm gùt lơgar sơn đờm tong sră cih mat tus bal pơrlòng jơh bơsram kấp 3 mờ sac rơwah mut hìu bơsram đại học, cao đẳng nam 2021. Nàng lơh gơlik bơta ƀuơn ai cau pơrlòng in, Bộ Giáo dục mờ Đào tạo yal, pờ anih dong kờl yal tơnggit bè dơ̆ pơrlòng jơh bơsram kấp 3 bơh email mờ điện thoại tàm ală dơ̆ cau pơrlòng cih mat tus bal pơrlòng, sac rơwah mut hìu bơsram.

Jat hơ̆, nàng geh dong kờl yal tơnggit bè dơ̆ pơrlòng jơh bơsram kấp 3, cau pơrlòng mờ mè bèp gơtùi pơyua email tus anih hotrothi2021@moet.gov.vn tàm tơngai bơh ngai 27/4 tus ngai 20/8 halà dong kờl bơh điện thoại tàm tŭ jơ lơh broă tàm ngai jat sồ 024.32181386.

Bộ Giáo dục mờ Đào tạo kung tơngkah ală hìu bơsram đại học, cao đẳng crơng gơs mpồl lơh broă sùm nàng hơ ală jơnau lùp gơ rềng tus broă sac rơ wah cau bơsram bơh hìu bơsram dê mờ broă dong kờl tàm broă rơ wah cau bơsram, mờ kung yal sồ điện thoại, email nàng hơ tàm pang yal tơnggit điện tử bơh hìu bơsram, anih yal tơnggit ndai dê.

Cau mblàng K’Duẩn