VOV.K’ho- Bơh ngai 17/8 tus ngai 15/9/2021, Bộ Thông tin mờ Truyền thông bơyai lơh broă lơh “Nùs nhơm tơngai kòp bơtờp, tam pà bal bơta kờñ gơboh” mờ priă tă lơh gơguh tus 160 tơmàn đông. Bộ Thông tin mờ Truyền thông neh hòi jà mờ đơng lam ală mpồl lơh sa kă bro bè Tập đoàn VNPT, Viettel Telecom, T&T Group, Ngân hàng Mbank, Tổng kong ti Bưu điện Việt Nam, Viettel Post tus bal lòt bal mờ broă lơh.

Cau geh dờp bơta dong kờl là cau rƀah, cau geh rài kis kal ke, cau gơtìp gơ rềng tài bơh kòp Covid-19 ờ hềt geh dờp bơnah dong kờl bơh ƀòn dờng Hồ Chí Minh dê. Bơh mat cau geh dong kờl bơh Ủy ban Mặt trận dà lơgar ƀòn dờng Hồ Chí Minh cih, Bưu điện Việt Nam mờ Viettel Post geh pơgồp bal mờ gơnoar atbồ, ală mpồl lơh broă geh gơnoar ƀòn dờng dê nàng lam lơh phàt phan pà. Tơl kơldung phan pà geh ală bơta phan: phe, phan sa pal geh pah ngai bè: 5 kĭ phe, tơngi, sơdàng, boh tĕ biap, dà tương, rơpual, bùm tơi, tap iar nàng gàr bơta niam sàu sa ai làng bol ƀòn dờng Hồ Chí Minh in tàm ală ngai sơndră kòp.

Cau mblàng K’Duẩn