VOV4.K’ho - Ờ hềt tu\ lơi mờ bơta kloh niam ờ do ờ dă phan sa geh sền gròi bè tu\ do, tu\ anih lơh broă geh gơnoar sùm git go\ ală broă ngui phan ờ geh ai ngui tàm broă ròng phan, bơta ngui uă ir mờ jơngkah sơnơm sền gàr phan tam tàm broă tam phan.

Tàm càr Daklak, ờ do ờ dă phan sa kung gơs là bơta geh tơl nă cau sền gròi ngan. Nàng gơtùi go\ broă lơh atbồ bơh anih lơh broă geh gơnoar dê, bal mờ hơ\ di nhai lơh broă bè kloh niam ờ do ờ dă phan sa nam 2016, cau ai tơngit jơnau đơs do geh dơ\ boh bơr mờ bác sĩ Trần Văn Tiết, kuang jat jơng atbồ đah ờ do ờ dă kloh niam phan sa càr Daklak bè tơngume do:

Ơ bác sĩ, mờ gơnoar là anih lơh broă atbồ dà lơgar bè bơta ờ do ờ dă kloh niam phan sa, jat bác sĩ, den ală dơ\ lòt sền làm gah gơtùi tơl nàng ală anih lơh gơlik, kă bro phan sa lơh jat ală jơnau cih bơh kơrnuat boh lam dê nàng tac tàm drà kă bro ală phan sa ờ do ờ dă, kloh niam?

Bác sĩ Trần Văn Tiết: Pah nam mìng geh 3 dơ\ lơh broă, den tàng khà lòt sền là dùl êt ngan mờ mìng mut lơh jat tu\ tơngai, mờ ală naih tu\ sền go\ lơh tìs den kơrnuat lơh glài ờ tơl krà` nàng pơhìn, den tàng, ờ hềt tơl nàng lơh geh bơta pràn kờ` sồr ală anih lơh gơlik, kă bro lơh jat jơnau cih kơrnuat boh lam dê nàng tac tàm dră kă bro ală phan sa ờ ờ dă. Den tàng, pal sơlơ tơnguh rlau tai broă lòt sền, sền gròi, pal mut lơh sùm, jat tơngai pơrgon, hơ\ sồng gơtùi lơh geh bơta git wă gàr niam ờ do ờ dă phan sa tus mờ cau lơh gơlik kung bè cau tac phan sa. Bal mờ hơ\, cau ngui sa kung [uơn ir tàm broă ngui phan sa tu\ do kung lơh gơguh uă bơta blac pơrlồm bơh cau lơh gơlik, tac phan sa dê.

Ơi, đơs bè git wă cau ngui sa dê, lài do, Gah lơh sơnơm dà lơgar neh sồr “ gơs te\ là cau ngui sa ngac ngar”, mơya kờ` ngac ngar den lài ngan pal git jơnau yal tơngit. Phan sa tac tàm drà kă bro ngai sơlơ uă, li la ngan, den geh broă lơi gơtùi yal tơn jơnau tơngit, di tu\, dipal bè ờ do ờ dă phan sa tus làng bol in?

Bác sĩ Trần Văn Tiết: Ngan là kờ` ngui phan sa ờ do ờ dă, den cau ngui sa gơs te\ là cau ngui sa ngac ngar. Mờ phan sa tàm drà kă bro ngai sơ lơ uă mờ li la, den tàng tu\ rơ wah phan sa pal sền gròi tus kơldung, mat sơnđan, tơngai geh ngui bơh phan sa dê kung bè khà neh geh yal tàm phan sa.

Bal mờ hơ\, pal iat sền tàm ală anih yal jơnau tơngit mờ tàm ală pang internet bơh anih atbồ dà lơgar dê den ndrờm geh yal ală anih lơh tìs nàng cau ngui sa in git mờ sac rơ wah.

Đah ờ do ờ dă kloh niam phan sa càr Daklak den pah nhai ndrờm pờ tơlik tàm pang yal jơnau tơngit điện tử bơh đah do dê, mat ală anih kă bro neh geh đah do lơh sră cơng tàng geh tơl bơta nàng lơh gơlik, kă bro; mat ală anih halà phan sa ờ niam nàng cau ngui sa in git, sac rơwah ngui phan sa gơ in ờ do ờ dă.

Bè hơ\ ală jơnau yal tơngit là kuơ màng ngan tàm broă sac rơwah mờ ngui phan sa ờ do ờ dă. Gơ wèt mờ anih lơh gơlik phan sa tàm Daklak, đah ờ do ờ dă kloh niam phan sa càr geh lòt sền, sền gròi khà phan bơna mờ phan sa bè lơi nàng gơ in gàr niam ờ do ờ dă?

Bác sĩ Trần Văn Tiết: Bè broă atbồ dà lơgar bè ờ do ờ dă phan sa den tu\ do gơnoar atbồ lơgar mờ gơnoar ala mat dà lơgar neh jàu 3 gah in là gah lơh sơnơm, gah kă bro mờ lơh sa mờ mai\ mok mờ gah lơh sa suơn sre atbồ jat tơl bơta phan sa bơh ală bơta nih lơh gơlik phan sa dê. Mùl màl, gơwèt mờ gah lơh sơnơm den atbồ ală phan ngui sa bè dà hùc ơn tàm khàr, dà khoáng geh is, thực phẩm chức năng tơnguh bơta lơh pràn să jan, ală phan ngui tàm broă lơh gơlik phan sa. Gah kă bro mờ lơh sa mờ mai\ mok atbồ ală bơta phan ơlak, bièr, dà hùc lơh jơh tơhìr, dà toh, tơngi mờ ală phan sa lơh gơlik bơh bòk. Gah lơh sa suơn sre den atbồ ală phan ngui sa poac, biap, plai kơnuh.

Bè rơndap broă sền gròi bal ală bơta phan sa den lài ngan ală anih hơ\ pal geh sră cơng tàng geh tơl bơta geh sồr, phan sa pal geh mblàng bè bơta niam. Broă lơh gơlik, kă bro den ală gah lơh broă geh gơ noar kung lòt sền, ai phan nàng sền gròi bơta niam. Đah ờ do ờ dă kloh niam phan sa mìng mut lơh ală kơ nòl geh sồr, mut lơh jat tơngai pơrgon, jat tơngume mờ lòt sền ni sơna. Bol a` kung bơt bơtàu mờ sơ lơ tơnguh ală broă lơh mblàng yal, pơlam ală anih lơh gơlik nàng ală anih in git mờ mut lơh niam ală jơnau cih kơrnuat boh lam dê.

Ưn ngài bác sĩ uă ngan!

               Cau cih mờ yal tơngi\t- K’ Duẩn.