VOV4.K’ho - Bơh ngai 01 nhai 7, Adăt ơm kis nam 2020 geh ngui, sră hộ khẩu, sră ơm kis ing gam geh ngui tus jơh ngai 31 nhai 12 nam 2022. Bộ kuang àng ala broă atbồ làng bol mờ broă lơh mờ tê là ai sră hộ khẩu tam gơl mờ broă atbồ điện tử mờ mã số sơnđan măt cau dùl nă să, tŭ hơ̆, tơl nă làng bol geh sồ sơnđan măt să tờm geh là “che khoă” nàng làng bol lơh jăt ală broă lơh mờ anih lơh broă dà lơgar mờ ờ pal tă sră hộ khẩu ha là ală sră nggal ndai.

Gơwèt mờ sră hộ khẩu, sră ơm kis ing neh geh ai lài mờ ngai 01 nhai 7, ală sră do gam geh ngui mờ geh bơta kuơ bè sră nggal, sră dờp bè ƀòn ơm kis tus jơh ngai 31 nhai 12 nam 2022. Mơya, tŭ làng bol lơh jăt ală sră nggal dan ơm kis jŏ jòng, cih wơl jơnau tơngĭt tàm Cơ sở dữ liệu bè anih ơm kis, tam cah hìu ơm, dăn jùt ơm kis jŏ jòng, dan ơm kis ing, tơnjŏ tơngai ơm kis ing, jùt ơm kis ing lơh gơtìp tus mờ tam gơl jơnau tơngĭt tàm sră hộ khẩu, sră ơm kis ing den anih lơh broă kuang àng geh toh wơl sră hộ khẩu, sră ơm kis ing neh ai, lơh jăt broă lơh wơl, tơrgùm jơnau tơngĭt tàm Cơ sở dữ liệu bè anih ơm kis.

Cau mblàng Ndong Brawl