VOV4.K’ho - Tàm ala\ nam rềp do,  slơ geh ua\ ngan làng bol cau Bahnar tàm càr Kon Tum mut lơh jun bau jat bơhìan Et rok. Do la broa\ lơh jun bau bal hia\ ngan, ờ lơh hòac hươr pria\ jền, mờ  gam bơ tòm gal ngan làng bol  oh mi jơi nòi. Tơnơ\ do, bol he geh  jòi wa\ nàng git bè  bơhìan Et rok tàm  jun bau bơh cau Bahnar dê tàm càr Kon Tum.

Jun bau Et rok bơh cau Bahnar geh lơh bal hia\ ngan, ờ pơ yòm ua\ phan kơt bau, ờ duh phan kơt bau bè ala\ kòn cau ndai tàm Tây Nguyên. Jun bau geh bơyai lơh jat bơta geh bơh 2 hìu nha\,  bơta sồr kờ` geh la tơrnờm,  poac iar, poac sur. Mờ dơ\ jun bau geh bơyai lơh dùl dơ\ tàm hìu  đah klau hala  đah ùr drờm di lơm.

Nàng bơyai lơh jun bau Et rok, hìu  cau klau mờ cau ùr pal rcang lài, êt ngan kung pal geh 5 drap tơrnờm, drờm mờ 5  sơnđan la tơrnờm hìu nha\ bau,  tơrnờm ùr ban, klau bơrtơu,  tơrnờm kra [òn, tơrnờm ơruh pơnu, tơrnờm jà nac `ô. Gơ jat tàm  hìu nha\ geh, gơtùi lơh poac dùl hala   bàr nơm sur kờ` geh poac  yờ nac mờ tam pà ai   cau nac in cèng rê. Dilah hìu nha\ pas, làng bol gơtùi sa kơnrồ hala rpu tàm jun bau. Dilah 2 đah hìu  cau klau, cau ùr drờm  rbah, jun bau gam lơh geh,  bơh geh bal mpồl bơtìan,  jơi nòi, [òn lơgar, tơl cau ta\ dùl êt kờ`  bơyai lơh `ô  sa jun bau.

Jat mò Pưk kis tàm Plei Do\n, sơnah [òn Quang Trung, [òn dờng Kon Tum, càr Kon Tum: Tu\ lòt ai jun bau den  bơrtơu, mờ ùr ban lòt lài mờ jơh ala\ oh mi 2 đah lòt jat tơnơ\. Ala\ klau pơnu den lòt jat bơrtơu,  ala\ ùr ơruh den lòt jat ùr ban.  Jat jơng ala\ mpồl ùr bau, klau bơrtơu la  tus mờ mpồl cau  tàm hìu  bau. Mè bèp  bơklau, pơ ùr lòt lài, jơh ala\ jơi nòi 2 đah geh lòt bal lòt Et rok. Ala\ cau  lòt jun bau ai li ơlak, jàu phan ùr bơklau pa bau in,  geh bơyai lơh jun bau Et rok. Mò Pưk yal:

Jun bau Et rok geh bơh yô yau ngan. Lài do,  tus jun bau mờ jơi nòi 3 rài den êt ngan pal geh tơrnờm, iar, ai jơi nòi rềp ngan kung pal geh  sur. Dilah hìu nha\ rbah ngan kung pal geh dùl nơm iar. Mơya tu\ do neh lơh balhia\ rlau, dùl khàr ơlak sàng, tap iar tơm bà hala kơldung kèo kung di sơl.

Jun bau bal hia\ mơya gơ geh bơhìan mpồl bơtìan ua\ ngan. Den tàng,  bulah làng bol cau Bahnar kis tàm sơnah [òn Quang Trung, [òn dờng Kon Tum, càr Kon Tum, neh jat yàng Bàp rlau  rhiang nam do, mơya jun bau Et rok gam geh sùm lơh gam bè yau. Mờ bơh cau Bahnar ờ geh mat sơnđan jơi kờ` pleh broa\ bau mờ cau jơi nòi rềp bal, jun bau Et rok la tu\ nàng làng bol, jơi nòi, bulah geh lòt lơh broa\ sa ơm kis tàm [òn ndai geh rê tòm wơl. Lo\ Mari kis tàm [òn Plei Do\n boh bơr:

Oh mi  ơm [òn ngài geh tìp ua\  dơ\ kung ờ git la oh mi tờm bal. Tu\ geh tus lòt jun bau Et rok hơ\ sồng git.  Bơh mò ồng mè bèp neh lời wơl  tus tu\ do, he kung pal bơto pơlam oh kòn kòn sau tơnơ\ do in, kờ` bơhìan niam do ờ gơbàn roh hiu\ mờ nàng jơi nòi rềp ngài 4, 5  rài gam git ờs, tus lòt jồ, lùp còp  bal, tam pà bal tàm tu\ moat kung bè ala\ ngai chờ.

La cau jòi  sền prap  bơhìan yau mờ  wa\ ngan bơhìan bơh kòn cau Bahnar,  ồng A Jar kis tàm Plei Do\n, sơnah [òn Quang Trung, [òn dờng Kon Tum, càr Kon Tum ai git,  jun bau Et rok lài do mìng geh ala\ [òn đah mat tơngai mut [òn dờng Kon Tum bè Plei Do\n, Plei Tơngia... lơh. Mơya tàm ala\ nam do,  ờ ua\ [òn bơh cau Bahnar kis hờ đah mat tơngai lik [òn dờng  Kon Tum kung neh lơh wơl Et rok. Ồng A Jar mblàng:

Bơh tài bơhìan do gam  sùm lơh geh tus tu\ do? Lài jơh la  bơta mpồl bơtìan [òn lơgar la  ua\ ngan. dơ\ 2 la ờ hòac hươr phan bơna di pal mờ rài kis gam  ua\ kal ke bơh làng bol he. Bơh jun bau Et rok do, làng bol jơi nòi 2 đah bau git bal, geh jơnau dờng, broa\ dềt drờm geh drơng bal. A` kơp kờ`, bơhìan Et rok do sùm geh làng bol bơyai lơh pah tu\ jun bau.

Mờ ala\ cau ờ sơnđan jơi bè kòn cau Bahnar, làng bol kan ngan git oh mi jơi nòi dilah ơm hờ [òn ngài, ờ hoan tìp, êt  yal tơnggit bal, ngan la  mờ  ala\ rnàng kòn sau. Den tàng,  jun bau Et rok kung la dùl tàm  gah  ai tơnggit jơnau nàng kon sau git bal, dờp git cau  jơi nòi, pròt mhàm. Do kung la broa\ lơh tam klac mpồl bơtìan, ờ mìng  la 2 đah geh cau bau, bơh đah ùr đah klau mờ jơh mờ jơi 2 đah kung gơs oh mi rềp. Den tàng ngan,  mờ bơhìan  jun bau Et rok, geh làng bol cau Bahnar sền ngềr, prap gàr,  ngan la rài kis pa bè tu\ do.

             Ama Zưt cih, K’ Brọp mblàng mờ yal tơnggit