VOV4.K’ho- Drim ngai 20/12, Ủy ƀan Mặt trận dà lơgar Việt Nam ƀòn dờng Hồ Chí Minh bơyai lơh dờp dong kờl kes priă Tài cau rƀah bơh ală mpồl cau, mpồl lơh sa kă bro, cau dùl nă să nàng gròi sền sa tềp bơhiàn yau Nhâm Dần 2022 ai làng bol geh rài kis kal ke in. Lơh jat jơnau hòi jà bơh Ủy ƀan Mặt trận dà lơgar Việt Nam ƀòn dờng Hồ Chí Minh dê, uă mpồl lơh sa kă bro bulah pa pờ mpồng lơh broă wơl tơnơ̆ kòp bơtờp mơya neh jơh nùs tă pơgồp tàm kes priă Tài cau rƀah.

Tàm dơ̆ dờp, Ủy ƀan Mặt trận dà lơgar Việt Nam ƀòn dờng neh dờp kờp jơh priă dong kờl rlau 56 tơmàn đong bơh 2 nă cau dùl nă să mờ 20 mpồl lơh broă, mpồl lơh sa kă bro. Bơh bơnah priă dong kờl do, Ủy ƀan Mặt trận dà lơgar Việt Nam ƀòn dờng geh lam lơh broă gròi sền sa tềp bơhiàn yau Nhâm Dần ai làng bol ală jơi bơtiàn kòn cau dùl êt nă cau geh rài kis kal ke; hìu bơnhă ndrờm bè cau rƀah, cau kra kis dùl nă să is; kơnòm dềt kòn đời tài bơh kòp Kovid-19... mờ tơl bơnah phan pà kờp priă 1 tơlak đong.

Cau mblàng K’Duẩn