Jơnau ngai do, pơnjat tai geh yal ala\ geh cih bè bơsong ala\ bơta lơh tìs adat dà lềng Việt Nam.

Bơta 50. Gròng pơlam mờ anih lơh glài broă lơh tìs:

1.Jat jơnau cih adat boh lam dê, jat bè khà lơh tìs, mpồl lòt sền, sền gròi tàm dà lềng tơlik kơrnuat lơh glài tơn halà gròng pơlam cau, ơ hò, plung lơh tìs rê hờ ù gờl hala sồr anih lơh broă geh gơ rềng bơh lơgar mờ ơ hò cèng bùng bi, lơgar mờ ơ hò hơ\ tus nàng lơh glài.

2.Tu\ gròng pơlam rê hờ ù gờl nàng lơh glài, cau mờ ơ hò, plung lơh tìs pal geh lam rê hờ anih ơ hò ơm rềp ngan rlau jơh geh cih tàm sră cih mat anih ơ hò ơm neh geh anih lơh broă geh gơnoar lơgar Việt Nam dê yal jat jơnau cih adat boh lam dê.

Tu\ tài jơnau kờ` sền gàr ngap lơngai ờ do ờ dă màng kis, phan bơna cau tam ơ hò, plung, mpồl lòt sền, sền gròi tàm dà lềng gơtùi gròng lam cau mờ ơ hò plung lơh tìs hơ\ tus anih ơ hò ơm rềp ngan rlau jơh lơgar Việt Nam dê halà lơgar ndai dê jat jơnau cih adat boh lam dê.

Bơta 51. Broă lơh kơryan:

1.Cau 1 nă să geh broă lơh lơh tìs adat boh lam digơlan gơtìp kup, gơtìp jàm ing, ơ hò plung geh ngui nàng mut lơh broă lơh tìs digơlan gơtìp kup ing nàng kơryan broă lơh tìs adat boh lam hala nàng gàr niam broă lơh glài jat adat boh lam.

2.Broă kup, jàm ing cau geh broă lơh lơh tìs adat boh lan, broă kung ing ơ hò plung geh mut lơh jat jơnau cih adat boh lam dê.

Bơta 52. Yal gah cribơyai broă mờ lơgar ndai dà lơgar in:

Tu\ kup, jàm ing cau geh broă lơh lơh tìs adat boh lam, halà kup ing ơ hò plung lơgar ndai, mpồl lòt sền, sền gròi tàm dà lềng halà anih lơh broă dà lơgar geh gơnuar geh kơ nòl yal mơ gah cribơyai broă mờ lơgar ndai dà lơgar in nàng pơ gồp bal lơh glài.

Bơta 53. Lơh glài broă lơh tìs:

Anih lơh broă, mpồl bal, cau 1 nă să geh broă lơh tìs ală jơnau cih bơh adat do dê den jat bè khà lơh tìs mờ gơtìp lơh glài đơs lah, lơh glài mờ priă, dilah lơh gơbàn hoàc huơr den pal tơm wơl jat jơnau cih adat boh lam dê, cau 1 nă să lơh tìs digơlan gơtìp lah yă lơh tìs kup màng jat adat boh lam.

                                                                        Cau mblàng K’ Duẩn.