VOV4.K’ho - Tam wơl kơphe là broă geh uă làng bol sền gròi ngan tu\ do. Ngân hàng Nông nghiệp mờ Thát triển nông thôn càr Dak Lak kung neh hơ ai khà priă càn 3 rơbô tơmàn priă kờ` drơng tàm broă ai càn priă tam gơl kơphe in. Mơya tu\ do, làng bol tàm uă tiah gam ờ gơboh kờ` mờ khà priă càn do. Bè hơ\, bơta lơi là kal ke? Ồng Tăng Hải Châu, Phó kuang atbồ Ngan hàng dà lơgar càr Dak Lak đơs loh rơlao tai tơngu me do:

- Ơ ồng, geh g^t tu\ do tàm càr Dak Lak, kờp jơh khà priă jơnkah dồs ai càn priă tam wơl kơphe mìng rơ\p di pơgăp 51 tơmàn priă. Do là khà priă ờ uă ngan jăt mờ khà geh ai. Bè hơ\, jăt ồng bơta lơi là bơta tòm?

Ồng Tăng Hải Châu: Bơta tòm lài ngan là tài làng bol ờ gơboh kờ` mờ broă tam wơl kơphe tu\ khà priă kơphe gam tàm khà ờ uă, tàm tu\ hơ\, khà priă ờ uă bơta phan tam ndai bè [ơ, tiêu, sầu riêng tàm khà uă den tàng geh ờ uă bă ù tu\ tam gơl làng bol ờ tam wơl kơphe mờ tam ală bơta phan tam ndai. Bơta dơ\ 2, làng bol ờ ngòt broă tam wơl kơphe pal geh 1 tơngai jo\ hơ\ sồng tòm kơphe geh ai tơnhào, ờ hềt kờp di lah lơh di mờ broă tam wơl den pal lời ù ơm rơlô kờ` gơsơ\t ală bơta bơsềt kòp di pơgăp 2 nam tai. Làng bol ờ su\k ơm ngan ală nam hơ\ làng bol ờ geh broă lơh lơi tơnhào kờ` rài kis geh tơl niam. Bơta dơ\ 3 là tài nùs nhơm g^t wă làng bol dê ờ hềt g^t tàm broă pal tam wơl kơphe tu\ suơn kơphe neh kra.

- Bè đah Ngân hàng neh geh ală broă lơh bè lơi kờ` lam sồr làng bol tus càn priă tam wơl kơphe?

Ồng Tăng Hải Châu:  Broă tam wơl kơphe do di lah ơm đah priă cồng bu\ lah Ngân hàng neh ai càn mờ priă cồng ờ uă. Mùl màl tu\ do priă cồng mìng 6,5% tàm 1 nam. Do là khà priă cồng ai càn priă di mơ mờ jo\ tơngai ờ uă ngan. Ờ uă rơlao di pơgăp 3% jăt mờ broă ai càn priă kă bro bè ờs. Ngân hàng kung neh geh broă dong kờl tơngai ai cau tam wơl kơphe in, hơ\ là tàm tơngai dong kờl tơngai hơ\, cau càn priă ờ hềt pal tơm priă tòm mờ priă cồng.

Ngân hàng dà lơgar jào ngân hàng đah ngân hàng nông ngiệp mờ phát triển nông thôn lơh jăt. Tàm càr Dak Lak geh 2 ngân hàng nông nghiệp kơnă 1. Hơ\ là ngân hàng nông nghiệp Dak Lak mờ ngân hàng nông nghiệp Buôn Hồ. Ngân hàng dà lơgar neh sồr 2 ngân hàng do lơh jăt nền nòn. Lài ngan là bơto sồr mờ bơsram broă lơh. Tu\ do, ală ngân hàng neh bơto sồr tơl bè sră nggal mờ broă ai càn priă tus mờ anih lơh sa kă bro kung bè làng bol tam kơphe. Dơ\ 2, bè broă lam sồr, ngân hàng kung neh lơh nền nòn, neh pơgồp bal mờ ală anih yal tơng^t lam sồr. bơdìh hơ\ tai, bơyai lơh uă pơrjum tàm kơnă kơnhoàl, tàm xã mờ l^p ală pang sră kờ` pà ală pang sră do tus mờ cau tam kơphe in.

- Bè hơ\, kờ` broă tam wơl kơphe geh cồng nha, jăt ồng he pal sền gròi tus mờ broă lơi tàm tơngai tus?

Ồng Tăng Hải Châu:  Kờ` chồl pràn tuas broă tam wơl kơphe tàm tơngai tus, bol a` sồr bè tơnơ\ do: Lài ngan, dan mờ chính phủ lơh bè lơi ai broă ai càn priă tam wơl kơphe do bơh broă ai càn priă kă bro gơs broă ai càn priă sa priă cồng ờ uă kờ` broă ai càn mờ khà uă rơlao. Ngui bơta pràn kes priă dà lơgar kờ` ờ sa priă cồng cau tam wơl kơphe in tàm tơngai geh dong kờl tơngai càn priă, hơ\ là tàm tơngai tòm kơphe ờ hềt geh p^c plai den ờ sa priă cồng ai làng bol in kờ` làng bol iang nùs.

Dơ\ 2, dan mờ chính phủ ai sơntìl cau tam wơl kơphe in bè là 1 broă dong kờl kờ` làng bol go\ kờ` lơh jăt broă tam wơl kơphe tơn tài geh chính phủ ai sơntìl. Do kung là bơta niam kờ` he lơh niam wơl suơn kơphe mờ sơntìl niam.

Bè đah càr, pal geh broă tus bal bơh ală gah, mpồl lơh broă, bal mờ ală ròt chính trị. Tài di lah bè he đơs do là 1 bơta phan tam kuơ màng ngan tàm rài kis làng bol Tây Nguyên den pal sền broă lơh do dờng mờ là kơnòl chính trị bơh ală gah, mpồl lơh broă, mìng đah ngân hàng lơh den ờ jai. Den tàng, geh bal ròt chính trị tus bal lam sồr, bơto sồr, yal kờ` làng bol in g^t nền nòn pal lơh jăt broă tam wơl kơphe,

Di lah ờ di tơngai lơh jăt broă tam wơl den bơh 5 tus 10 nam tai, kơphe càr Dak Lak đơs is mờ Tây Nguyên lơgar Việt Nam đơs bal ờ gam là bơngă tàm drà kă bro dunia tai, do là broă ngòt rơgơ\t ngan. Den tàng, bol a` đơs là, di lah geh broă tus bal bơh ală gah, mpồl lơh broă nền nòn den he gơtùi lơh geh cồng nha broă tam wơl kơphe do.

- Ơi, dan ưn ngài ồng!

Cau cih mờ yal tơng^t Ndong Brawl