VOV4.K’ho- Tàm 8 nam do, ngan là tàm tơngai Pơrjum dờng dơ\ 12 bơh Đảng dê, broă lơh tam dră rơcăng sơndră sa kuề sa kùa geh lơh jăt bal mờ bơta lơh ngan chính trị jơh nùs ngan, pơđơl pràn ngan, ờ geh tiah kơryan, ờ geh anih ơm bơdìh, ờ go\ ơm rlô… Sa kuề sa kùa neh bơh sơnrờp geh kơryan, tơrmù, pơgồp bơnah sền gàr Đảng sàng goh, pràn kơldang kơ\ kơl jăp mờ lơh kơ\ kơl jăp bơta pin dờn bơh làng bol dê gơ wèt mờ Đảng mờ Dà lơgar. Mơya, tàm tiah lơi hơ\ “ hơđơm kung gam mrềt sơl”, kung gam sơl nùs nhơm rơngòt ờ khin dilah krà` cê jơh nùs tam dră sa kuề sa kùa geh lơh gơrềng tus bơta bơtàu tơnguh lơh sa- mpồl bơtiàn bơh tiah he dê. Nàng lơh jăt geh cồng nha dơ\ tam dră rơcăng sơndră sa kuề sa kùa pal lơh jăt uă gùng dà broă lơh dùl ròt bal, mơya lài ngan là pal tam gơl bơta lơh ngan jơh nùs gơ gơs broă lơh ngan ngồn bơh tơl nă kuang bàng, đảng viên mờ làng bol dê.

131 rbô nă đảng viên gơtìp lơh glài tàm 8 nam do, mìng is bơh bồ tơngai lơh kơnòl broă Pơrjum dờng dơ\ 12 tus tu\ do neh lơh glài 87 rbô nă kuang bàng, đảng viên, tàm hơ\ geh rlau 3 rbô 200 nă đảng viên gơtìp lơh glài gơrềng tus sa kuề sa kùa; 110 nă kuang bàng gơ wèt Dà lơgar dê ătbồ…Cồng nha do tơngo\ broă lơh jăt niam bồ tơngoh đơng lam, jơnau đơs: “Bơr đơs gơ lòt jăt bal mờ broă lơh, ờ go\ kong bơta rồn bơklơn bơh khăt dùl mpồl lơi, cau dùl nă să lơi dê”. Ồng Nguyễn Mạnh Hùng, lài do là Bí thư Tỉnh ủy Bình Thuận, đơs: Tềl kah pơnrơ ngan rlau jơh bol he neh lơh dùl ròt ală gùng dà broă lơh. Ală broă lơi neh sền go\ geh den neh bơsong, sền bal là krà` ngan, di tu\ jăt di jơnau sồr bơh kơrnoat boh lam dê. Pơndrờm mờ tơngai lài, ală dơ\ broă bơsong ờ gam “ndơ\p ndơr” tai mờ yal loh làng ai jơh tơl nă làng bol in gi\t nàng jăt sền, gròi sền. Pơgồp bơnah bơto tơngkah, pơhìn ală cau geh jơnau kờ` halà geh jơnau kờ` lơh tìs.

Bal mờ hơ\, ală anih lơh broă lùp khàu yal yă neh pơgồp bal niam ngan, bơsong mhar, bơsong jơh tơn uă dơ\ lơh tìs sa kuề sa kùa, lơh sa dờng, kal ke geh mpồl bơtiàn làng bol dùl nùs bal. Ală măt bè: Trịnh Xuân Thanh, Đinh La Thăng, Lê Nam Trà, Châu Thị Thu Nga, Phan Văn Anh Vũ, Đinh Ngọc Hệ…rơhờì kong bơta lơh glài bơh kơrnoat boh lam dê. Jơnau đơs “ờ geh tiah kơryan, ờ geh tiah ơm bơdìh, bulah khăt cau hơ\ là cau lơi” geh gơdờp bơto tơngkah, bơsong jơh, krà` cê uă dơ\ lơh tìs sa kuề sa kùa lơh sa kơn jơ\ ngan. Phó Giáo sư, Tiến sĩ ồng Nguyễn Trọng Phúc, lơh broă tàm Hìu bơsram Học viện Chính trị Dà lơgar Hồ Chí Minh, đơs nền: Lơh krà` lơh glài jăt adat boh lam bơh Đảng dê, lơh krà` adat boh lam bơh Dà lơgar dê jăt nùs nhơm Kơrnoat Dà lơgar 4, khoá 12 nàng tơngkah jơh tơl nă kuang bàng Đảng viên bulah tàm kấp lơi den kung pal kong bơta gơrềng bơh bơta lơh glài bơh adat boh lam Đảng dê, kơrnoat boh lam dà lơgar dê, mờ ờ go\ di là “ờ geh tiah kơryan” mờ ờ geh jơnau “neh jơh sơnam lơh broă rê ơm rlô chờ hờp ờ”. Geh tềl tơngo\ lơh tìs adat boh lam Đảng dê mờ kơrnoat boh lam dà lơgar dê den pơn jăt tai lơh glài mờ geh bơta kuơ bơto tơngkah gơ wèt mờ jơh ală kuang bàng gam ăt gơnoar broă tu\ do.

Bulah kung gam sơl jơnau “Hơđang sồr lơh mơya hơđơm ờ lơh jăt” jơnau mờ geh cau lam bồ Đảng mờ Dà lơgar là ồng Nguyễn Phú Trọng Tổng Bí thư, Chủ tịch lơgar, Kuang ătbồ Mpồl đơng lam rơcăng sơndră sa kuề sa kùa dà lơgar dê neh uă dơ\ tơngkah. Dùl bơta geh ngan tu\ do là kung ờ dùl êt nă kuang bàng tàm kơnă hơđơm kung sơl nùs rơngòt, ờ khin, kơlôi rơcăng dilah krà` cê jơh nùs tam dră sa kuề sa kùa geh lơh gơrềng tus bơta bơtàu tơnguh lơh sa- mpồl bơtiàn bơh tiah he dê. Ồng Lê Bá Hùng, Phó Kuang ătbồ Viện Kiểm sát nhân dân càr Bến Tre yal bè bơta geh ngan bè do: Tàm do ờ hềt đơs jrô bè bơta hàm kờ` gời cồng nha đah bơdìh mơya rơngòt tu\ bơsong bơta tìs cau do, cau ne, broă do, broă ne geh gơrềng bal tus tiah he dê. Uă tu\ gam ờ khin, gam rơngòt nàng bơsong krà` cê jơh nùs. Bơta geh ngan kung pà go\, ală mpồl lơh broă bơh Dà lơgar tus tàm [òn lơgar tu\ neh lòt sền sră nggal tơnơ\ hơ\ den pal đơng lam bơsong krà`, tu\ hơ\ ală anih lơh broă lùp khàu yal yă den hơ\ sồng sền dơ\ broă, tu\ hơ\ den hơ\ sồng sơnđờm lùp khàu yal yă cah r`a.

Chủ tịch Hồ Chí Minh neh geh tu\ bơto: “Bulah [ươn kàr lơi ờ geh làng bol den kung pal kong sơl, kal ke tus kàr lơi làng bol lơh den kung là gơtùi sơl”. Broă lơh tam dră rơcăng sơndră sa kuề sa kùa sùm là dơ\ tam dră bềng bơta bòl glar, kal ke, geh đơs pơnyơu bè là dơ\ tam dră mờ “bol sò tơm tàm dơlam is”, là “he tam lơh is mờ he”. Nàng lơh geh cồng nha broă do tàm tơngai tus kờ` ngan ală Bộ, gah sơnah lơh broă tiah do lơh jăt dùl ròt bal uă gùng dà broă lơh. Bơta kuơmàng ngan rlau jơh là pal gờ` lơh gơs ală gùng dà broă lơh kơrnoat boh lam, dùl gah nàng ngui pràn kơldang rlau tai gơnoar broă bơh làng bol dê, bơta ndai sền gàr làng bol tàm tu\ yal yă ală broă lơh sa kuề sa kùa, nàng dơ\ rơcăng sơndră sa kuề sa kùa ngan ngồn là srơh gơrề pràn kơldang tàm làng bol. Ồng Nguyễn Đăng Dung, Mpồl duh broă bơto pơlam làng bol khăt gơboh tă pơgồp jơnau đơs, kơrnoat boh lam gơ wèt Ủy ban Mặt trận dà lơgar Việt Nam, đơs là: Rơcăng sơndră sa kuề sa kùa geh gơnoar bơh làng bol dê dờng ngan, lài ngan là làng bol mờ sră pồ bơh he dê gơtùi ala cau geh pơneh sa kuề sa kùa, geh broă lơh sa kuề sa kùa, geh nùs nhơm kờ` sa kuề sa kùa, geh jơnau jòi kai kờ` sa kuề sa kùa den ờ go\ di đùh sră pồ ai khi in. Muh mat làng bol dê uă ngan. Cau gơtùi sền go\ broă do, broă ne. Đảng, Dà lơgar mờ ală kấp gơnoar ătbồ pal sền dờng màng jơnau đơs bơh làng bol dê.

Broă lơh rơcăng sơndră sa kuề sa kùa là kơnòl broă kuơmàng, kơnòl broă lơh sùm, jal mhar, kal ke, bòl glar, jo\ jòng pal lơh jăt krà` cê jơh nùs, kơ\ dơn, lơh sùm, ờ go\ ơm rlô tàm jơh ală kấp, ală gah, broă lơh. Lơh niam broă lơh rơcăng sơndră sa kuề sa kùa gơ sồr bơta lơh ngan chính trị jơh nùs ngan, mơkung tam gơl bơta lơh ngan jơh nùs hơ\ gơ gơs broă lơh mờ pal bơ\t bơtàu tus geh dùl gùng dà broă lơh kơrnoat boh lam rơcăng lài krà` cê kơ\ kơl jăp nàng ờ gơtùi sa kuề sa kùa, dùl gùng dà broă lơh kơrnoat boh lam pơhìn lơh glài krà` cê nàng ờ khin sa kuề sa kùa, dùl gùng dà broă lơh kơrnoat boh lam lơh bè lơi nàng ờ duh pal sa kuề sa kùa. Kuơmàng, kuang bàng, đảng viên, lài ngan là cau đơng lam bồ pal gi\t sền dờng màng nùs nhơm song dơ\ pă, gàr niam muh măt să jan, gi\t bàs sìl tu\ să tờm mờ cau pròc mhàm sa kuề sa kùa, pơhì pơhà.

Lại Hoa (VOV1)- Cau mblàng Lơ Mu K’Yến