VOV4.K’ho - Tơngai do, ală cấp, bộ đoàn neh lơh jăt uă broă lơh pràn ai ơruh pơnu in tơl^k gơnoar, kơnòl să tòm mờ [òn lơgar, dà lơgar, ai geh rùp rài niam bè rơnàng ơruh pơnu tàm rài pa. Kờ` pơn jăt tai tơnguh ală cồng nha neh lơh geh, Đoàn ơruh pơnu Cộng sản Hồ Chí Minh neh tơl^k uă rơndăp broă bơ\t bơtàu rùp rài ơruh pơnu tàm rài pa geh “Nùs nhơm niam – Bồ tơngoh ngăc ngar – Kơ\p kờ` dờng” tơngai bơh nam 2018 tus 2022.

Uă ơruh pơnu đơs là, rùp rài ơruh pơnu tàm rài pa pal tơrgùm tơl bơta ngăc ngar, nùs nhơm niam, pal lam lài tàm ală broă lơh tài mpồl bơtiàn, bơceh pa tàm ală broă lơh mờ pơgồp broă lơh pa bơh dunia kờ` tơrgùm bal.

                                              Ơruh pơnu lơh ai mhàm dong kờl is

Mơya, kờ` tơnguh geh bơta niam hơ\ bơh ơruh pơnu dê, ală mpồl đoàn tàm ală tiah pal tơnguh broă bơto bơtê nùs nhơm niam, rài kis niam, bơta niam broă lơh kăc màng, nùs nhơm kờ` gơboh mờ dà lơgar bal mờ nùs nhơm lơh ngan bơh ơruh pơnu gơwèt mờ Dà lơgar dê.

Mờ lam sồr ơruh pơnu tus bal tàm broă bơ\t bơtàu bơta ngăc ngar Việt Nam kờ` di pal mờ broă bơ\t bơtàu công nghệ 4.0, lam sồr nùs nhơm kơ\p kờ`, kờ` gơboh mờ khoa học công nghệ. Jăt bơyô Lê Thị Hồng Nhung, Chủ tịch cau bơsram dờng tàm hìu bơsram Học viện Tài chính yal, bu\ lah ală broă lơh lơi ơruh pơnu kung pal lơh ngan jơh pràn mờ bơh ală broă lơh dềt tàm anih bơsram sră mờ lơh broă:

-Rùp rài niam bơh ơruh pơnu tàm rài pa hơ\ là pin dờn, tơrgùm bal, bơceh pa, lơh broă nùs nhơm dong kờl. Oh kung gam tàm gùng dà wèt tus rùp rài niam bơne\ hơ\, kờ` lơh gơs să jan sơlơ uă sơlơ niam.

Bơh ală broă dềt ngan là ală broă lơh tàm anih he bơsram mờ lơh broă, oh sùm bơyai ală broă lơh tìp bal, tam pà bal bè bơta ngăc ngar tàm broă bơsram sră, broă lơh mpồl, broă lơh nùs nhơm dong kờl, ha là ală dơ\ cri bơyai bè ală kal ke tu\ tus bal bơsram sră. Bơdìh hơ\ tai, là broă chồl pràn ală broă lơh nùs nhơm dong kờl geh broă lơh mùl màl dong kờl tàm anih gam bơsram sră, hòi jà gal ală bơyô cau bơsram dờng tus bal.

Mơya, mùl màl pà go\ gam geh ờ uă ơruh pơnu geh nùs nhơm mìng geh dờp, ờ sền gròi mờ ală broă geh pơnrơ tàm mpồl bơtiàn.

                                     Ơruh pơnu tus bal dong kờl lơh gùng tàm [òn

Den tàng, kờ` lam sồr ơruh pơnu bơ\t bơtàu nùs nhơm să tòm, tus bal uă tàm ală broă lơh nùs nhơm dong kờl, ală chi đoàn tàm ală tiah neh lơh jăt uă broă lơh, lơh broă kờ` ai tơl bơta niam đoàn viên, ơruh pơnu in tơnguh nùs nhơm niam, bơta ngăc ngar, bơceh pa să tòm.

Bi Dương Minh Tuấn, Bí thư đoàn sơnah [òn Xuân Đỉnh, quận Bắc Từ Liêm, [òn dờng Hà Nội pà g^t: Đoàn ơruh pơnu sơnah [òn neh lơh jăt uă broă lơh di pal mờ tơl nă cau, kờ` tơnguh jơnau g^t wă bơh ơruh pơnu bè bơyai lơh geh mpồl lài mờ bao, mpồl cau ùr kơnòm să ha là broă lam sồr ơruh pơnu kis geh kơnòl mờ mpồl bơtiàn bè: ai mhàm dong kờl is, còp mờ pà phan làng bol kis tàm tiah kơh bơnơm. Bơh tơl broă lơh geh tơnguh nùs nhơm geh kơnòl, khin kơlôi khin lơh broă bơh đoàn viên ơruh pơnu. Bi Dương Minh Tuấn đơs là:

-Tu\ do geh ờ uă ơruh pơnu gam geh nùs nhơm kơ\p gơn tài ală bơyô gam kis tàm rài geh tơl ală bơta, den tàng ờ hềt g^t tàm broă lơh ngan mờ tus bal lơh broă, tus bal lơh broă mpồl bơtiàn.

Hơ\ kung là broă đoàn ơruh pơnu sơnah [òn ờ su\k ngan mờ bơyai uă broă lơh ai ai gùng dà broă lơh ơruh pơnu in kờ` g^t bơta krơi is mờ să tòm bal mờ mpồl bơtiàn, bơh tu\ hơ\ geh hòi jà ală bơyô tus bal lơh broă đoàn, ba` kơlôi ờ geh kơnòl mờ geh dờp gời. Đoàn sơnah [òn geh uă broă lơh di pal tus mờ tơl nă cau bè đoàn viên ơruh pơnu anih lơh broă dà lơgar ha là ơruh pơnu tàm [òn ơm kis…

Jăt Bí thư dơ\ dùl Đoàn ơruh pơnu Cộng sản Hồ Chí Minh bi Lê Quốc Phong yal, đoàn ơruh pơnu dà lơgar neh ai geh rơndăp broă bơ\t bơtàu rùp rài ơruh pơnu Việt Nam bơh nam 2018 tus 2022, mùl màl lơh gơs 12 khà broă, tàm hơ\ geh khà broă niam kăc màng, khà broă bè bơta pràn kơl dang să jan, nùs nhơm bơsram sră, nùs nhơm lơh broă dong kờl is, nùs nhơm kờ` gơboh mờ dà lơgar, nùs nhơm lơh jăt adăt boh lam…

Bơh tu\ hơ\, ală cấp đoàn geh rơwah ală broă lơh tòm di pal mờ broă lơh krơi is tus mờ tơl tiah dê kờ` ală đoàn viên, ơruh pơnu tus bal. Bi Lê Quốc Phong đơs tòm mpồl đoàn geh lơh mùl màl broă đơng lam bơh Thủ tướng Chính phủ ồng Nguyễn Xuân Phúc tàm broă bơ\t bơtàu rùp rài ơruh pơnu Việt Nam tàm rài pa geh Nùs nhơm niam – Bồ tơngoh ngăc ngar – Kơ\p kờ` dờng:

-Bol a` geh ală broă lơh kờ` lam sồr di pal, go\ geh uă cau geh pơnrơ jăk, ală cau lam lài geh pơnrơ jăk kờ` yal tus mờ gal bơyô đoàn viên ơruh pơnu lam lài ală bơyô tàm ală gah broă mùl màl să tòm dê, jòi geh ală bơta ờ hềt niam, bơta mờng ờ di pal bơh ơruh pơnu Việt Nam kờ` pơn jăt tai tam gơl pa broă lơh, jơnau g^t wă bơh ală bơyô dê. Hơ\ là broă mờ đoàn ơruh pơnu geh tơrgùm lơh tàm tơngai tus.

Kờ` bơ\t bơtàu rùp rài ơruh pơnu tàm rài pa, ală cấp bộ đoàn pal lơh jăt uă broă lơh, broă lơh mùl màl kờ` hòi jà đoàn viên tus bal, bơh tu\ hơ\ đoàn viên ơruh pơnu geh dơ\ kờ` tơl^k go\ bơta pràn, bơta ngăc ngar, bơceh pa mờ broă tơrgùm bal mờ dunia.

Cau mblàng Ndong Brawl