VOV4.K’ho-Tàm kơnhoàl ù tiah nhàr lơgar Tây Nguyên, rài kis làng bol tàm [òn gam uă ngan kal ke. Tàm bàr pe tiah mờ tàm ờ uă tu\ tơngai, tài aniai bơh trồ tiah, lơh sa ờ geh cồng nha, làng bol gơtìp tàm bơta jơ gloh r[ah. Bal mờ hơ\, tàm ală tơngai tam gơl kàl kung sùm gơbàn kòp jê mơya làng bol tàm tiah nhàr lơgar den ờ go\ geh tơl ală sơnơm tơm ba.

Sơmbat tê bal dong kờl ală hìu bơnhă r[ah, hìu bơnhă kal ke, ală mpồl lơh broă ling klàng tàm tiah nhàr lơgar neh geh uă broă lơh sền gàr tơl niam rài kis mpồl bơtiàn dong làng bol sơrlèt gan kal ke, kơ\ kơl jăp rài kis tàm tiah nhàr lơgar.

          Xã tiah nhàr lơgar Ia Mơr, kơnhoàl Chư Prông, càr Gia lai là tiah ơm kis jo\ jòng bơh làng bol kòn cau Jarai dê. Tài gùng lòt kal ke mờ bơta trồ tiah, ù tiah ờ niam ai broă lơh sa in, rài kis làng bol tàm tiah do dê gam gơtìp uă ngan kal ke. Ờ uă tu\ tơngai, kung gam geh sùm bơta jơgloh tàm ală [òn.

G^\t geh bơta kal ke do, mpồl ling klàng Trung đoàn 710, Binh đoàn 15, pah nam drờm bơyai lơh pà phe, phan ngui sa kung bè bơyai lơh kham sơm kòp ờ sa priă ai làng bol tàm [òn in.

 Ồng Rơ Mah Planh, ơm tàm [òn Náp, xã Ia Mơr pà gi\t: ală bơta dong kờl bơh mpồl ling Trung đoàn 710 dê là kuơ màng ngan, ngan là gơ wèt tus mờ ală hìu bơnhă r[ah, tàm ală tu\ tơngai gơbàn kal ke bè kàl puh pah den bơta dong kờl hơ\ sơlơ geh bơta kuơ màng ngan. Ồng Rơ Mah Planh, đơs:

          Làng bol bol a` tàm do gam uă ngan bơta kal ke. Geh mpồl ling dong kờl pà phe mờ kham sơm kòp, a` chờ hờp ngan. A` kơ\p kờ` geh uă tai broă lơh bè do, nàng dong làng bol sơrlèt gan kal ke. Kơnờm dà lơgar sền gròi uă rơlau tai nàng làng bol in bơtàu tơnguh lơh sa mờ rài kis.

          Trung tá Lưu Văn Đoàn, Chính uỷ Trung đoàn 710, Binh đoàn 15, pà g^t: mpồl lơh broă lơh jat kơnòl broă lơh sa, sền gàr dà lơgar tàm ală xã kal ke uă ngan bơh kơnhoàl tiah nhàr lơgar Chư Prông, càr Gia Lai dê. Dong làng bol gàr niam rài kis, bơtàu tơnguh lơh sa geh mpồl lơh broă sền là dùl tàm ală kơnòl broă tờm ngan tàm broă hòi jà làng bol nàng nàng bơt bơtàu tiah nhàr dà lơgar pràn kơldang kơ\ kơl jăp. Ală hìu bơnhă r[ah, hìu bơnhă chính sách sùm geh Trung đoàn sền gròi, dong kờl  nàng ờ gơtìp jơgloh.

Tu\ do, trồ tiah tam gơl nisơna ờ niam ngan, uă ngan làng bol tàm tiah nhàr lơgar gơbàn kòp tê jê să mơya tài broă kham sơm kòp ờ hềt pràn den tàng Trung đoàn rơcang lài ai mpồl cau lơh sơnơm tus tơn tàm ală [òn nàng kham sơm kòp ờ sa priă ai làng bol in. Trung tá Lưu Văn Đoàn, pà gi\t:

          Tài tơngai tam gơl kàl den tiah do gơbàn uă ngan bơta kòp. Tàm tơngai pa do den bol a` lơh ngan pơlam làng bol in pơs wàs tiah ơm kis, [ồm sơnơm gơsơ\t sơmack mờ bol a` kung neh hòi jà uă  ngan làng bol tus kham sơm kòp nàng lơh mbè lơi làng bol tàm tiah do in geh pràn kơl dang să jan sùm.

          Bal mờ broă pà phe, kham sơm kòp ờ sa priă, Trung đoàn 710 gam lơh uă broă geh kuơ ngan tàm xã tiah nhàr lơgar bơh kơnhòal Chư Prông dê. Pơnrơ ngan là broă lơh hìu bơta nđàc ai hìu bơnhă r[ah in; dong làng bol lơh niam wơl hìu ơm; bơsong jơnau gơlời wơl bơh trồ tiah lơh aniai bè càl gơ pồt dờng halà dong làng bol lơh kòi sre, ngui ală bơta jak chài tàm broă lơh sa suơn sre.

Trung đoàn kung gơ hòi gơ jà uă ngan làng bol tàm ală [òn làng bol kò` cau mu\t lơh công nhân kau su tàm ală mpồl lơh broă. Ală broă lơh bơh Trung 710 dê neh mờ gam pơgồp bơnah uă ngan tàm broă tơn jơh jơgloh mờ tơrmù r[ah tàm [òn lơgar in.

Cau cih mờ yal tơng^t- K’Hạnh