VOV4.K’ho - Dà duh ram đe klài bal mờ dà lơwe ờ mìng geh dong kờl tơmù lơmă să geh cồng nha mờ gam cèng wơl uă bơta kuơ tus mờ bơta pràn kơl dang să jan dê, bè jồr să jan, tơnguh bơta pràn să jan, bơta pràn sơndră mờ kòp… Tàm jơnau “Pràn kơl dang să jan mờ rài kis” ngai do, geh đơs bè bơta niam bơh broă hùc dà duh ram đe klài bal mờ dà lơwe pah ngai.

Tơnơ\ do là ờ uă jơnau kờ` kah tu\ he hùc dà lơwe mờ dà duh ram đe pah drim:

Tơnguh bơta pràn sơndră mờ kòp:

Dà lơwe geh uă bơta enzim, vitamin mờ khoáng chất sền gàr să jan ờ gơtìp ală vi khuẩn lơh aniai.

Jồr kloh să jan:

Dà lơwe bal mờ dà duh ram đe geh dong kờl rào kloh phan khih geh tàm să mờ geh niam rơlao di lah he ai dà plai ca` tuh bal.

Lơh hàng niam să jan:

Dà lơwe là phan sơndră mờ oxy hoá geh is, geh lơh kloh mờ sơndră mờ khuẩn, lơh bơdìh să pràn niam.

Mờ tàm hơ\ tai, he gơtùi ngui dà lơwe kờ` lơh ală phan lơh niam tềng bơdìh să.

Tơmù `jơ\ să geh cồng nha:

Dà lơwe geh sơdàng, mơya hơ\ là sơdàng geh is ờ ndrờm bal mờ sơdàng bò. Tàm mùl màl, di lah hùc dà duh ram đe klài bal mờ dà lơwe kờ` ơla mờ dà lơngồt, he geh tềm pềr tus 64% khà calo.

Tơmù jê rơnồng dờ:

Di lah he hùc dà duh ram đe geh klài bal dà lơgar tàm kàl hàm-mrềt tài dà do geh sền gàr rơnồng dờ mờ lơh ram să jan.

Dà lơwe là sơnơm geh is sơm ală kòp nggù bal mờ kòp jê sồt tàm gùng tă nhơm.

Lơh niam khà sơdàng tàm mhàm

Sơdàng geh tàm dà lơwe là sơdàng geh is, pơgồp bal fructose mờ glucose geh dong kờl să jan lơh niam khà sơdàng tàm mhàm mờ tơmù khà cholesterol.

Tơmù broă di gơlan gơtìp kòp nùs, gùng mhàm:

Ală bơta phan geh tàm dà lơwe geh kơrian, tơmù broă gơtìp ală kòp tàm nùs, gùng mhàm.

Dùl jơnau kơlôi sơnơng gam ai tơl^k, dà lơwe lơh lơyaì broă gơtìp oxy hoá choleterol lơh aniai, do là 1 bơta tòm lơh jê nùs mờ gơtìp gơpừ aniai.

        Cau cih mờ yal tơng^t Ndong Brawl