VOV4.K’ho - Ca là phan sa geh ală broă ngui kuơ màng tus mờ să jan kòn bơnus, cèng wơl bơta pràn kơl dang să jan in. Ca là 1 bơta phan te\ pal geh tàm broă tru\ sa. Ca geh lơh sơnơm mờ là phan lơh uă phan sa bơkah bơr rơlao.

Ca ờ mìng là 1 bơta phan te\ geh uă tàm ală biăp sa, biăp chàng, ca gam là bơta phan lơh sơnơm geh kuơ tus mờ bơta pràn kơl dang să jan. Tơnơ\ do là ờ uă broă ngui niam bơne\ ngan bơh ca:

Tơmù lơmă să:

Ca dong kờl să jan he tơrdih chất béo. Ca kung geh sền là lơh tơnguh khà tam gơl tus 20%. Bơdìh hơ\ tai, cau kung go\ là dà hùc geh ca duh ngui bal tàm tu\ sào sa, dong kờl lơh tơmù broă gơdan sa. Bơta do, ndrờm bal mờ broă là he gơlơh hờm jo\ rơlao mờ sa ờ uă rơlao.

Tơmù bơta ờ su\k ơm tàm klung:

Ca neh geh sền là 1 bơta sơnơm dong kờl lơh gơl^k geh bơta niam uă, den tàng dong kờl he sơndră mờ hăt ndul. Ca kung dong kờl sơndră mờ ală bơta bơ`ul rơndeh bè gơdăn hă, hă mờ kơrwài. Cồng nha rơlao mờ ală bơta sơnơm tây, ca là 1 bơta phan geh is tu\ he gam lơh ngan kờ` tơmù bơta ờ su\k ơm tàm klung.

Kơrian mờ sơndră mờ ung thư:

Ală broă kơlôi sơnơng pà go\, broă lơh geh bơh 1 kơnuh ca geh lơh sơndră mờ broă gơguh mờ geh cồng nha tàm broă gơsơ\t ală phan lơh ung thư mờ ờ gơrềng tus mờ ală bơta phan pràn kơl dang gùt dar. Tàm tu\ ală broă tơlòng lơh gam pơn jăt tai geh lơh, ca neh pà go\, ờ di bè uă bơta sơnơm sơm kòp ung thư, ca ờ lơh as tam gơl jăt broă gơbàn dờng rơlao mờ ngòt rơngơ\t rơlao.

Niam tàm broă tơrdih phan sa:

Mờ broă te\ tai ca tàm phan sa bal mờ broă sào sa, he geh go\ ală broă bè tơdih phan sa lơi mờ he gam gơbàn kung lơh gơmù. Ca lơh tơnguh broă lơh gơs dà diao mờ dà tơrdih phan sa tàm să he, den tàng dong kờl he klàs mờ broă gơbàn kal ke tơrdih pha sa.

Sơm jê tu\ gơlơh să:

Di lah gơbàn jê ndul tu\ gơlơh să, he gơtùi ờ ngui tus mờ ală bơta sơnơm lơi kờ` tơmù jê, mờ mìng lơh is să tòm in 1 li dà ca duh nàng hùc. Ca neh geh tơlòng mờ 1 mpồl cau ùr gơbàn jê ndul tu\ gơlơh să mờ cồng nha pà go\, kơnuh do geh cồng nha rơlao mờ ală bơta sơnơm tơmù jê lơi.

Broă lơh dà ca nàng hùc:

Geh uă broă kờ` hùc dà ca, mơya 1 tàm ală broă lơh [uơn ngan mờ ờ kal ke ngan là hùc 1 li dà ca duh. Broă lơh do [uơn ngan: koah 2 sơ-io\ ca ris, tuh 2 sơ-io\ dà duh. Tram tàm dà duh di pơgăp 10 phút lài mờ tu\ ta\ să ca. Ai 1 kơl dung ce mờ te\ bal dà ca. he gơtùi te\ 1 sơ-iơ\ dà lơwe kờ` dà ca lơngồt mờ bơkah rơlao.

Pal kah: bơta ờ niam bơh ca là di gơlan lơh gơbàn sơndră wơl tu\ pơgồp bal mờ ờ uă bơta sơnơm, den tàng, tu\ ai bơta sơnơm do tàm broă sào sa he dê, pal lùp bác sĩ.

Cau mblàng Ndong Brawl