VOV4.K’ ho - Tàm rài kis pah ngai, plai ca` geh ngui uă ngan. Ờ mìng geh lơh jơh tơhìr dà, lơh phan te\ tàm phan sa, là phan lơh gơs ală bơta sơnơm tàm geh lơh sơnơm, plai ca` gam geh uă broă ngui tus mờ bơta pràn kơl dang să jan mờ rài kis. Jơnau “Pràn kơl dang să jan mờ rài kis” ngai do, bol a` geh yal bè broă ngui bơh plai ca` tus mờ bơta pràn kơl dang să jan mờ rài kis dê.

Plai ca` geh lơh [uơn tơrdih phan sa, tơmù duh, tơn jơh khih:

-Păt dà plai ca` 2, 3 ntờc tàm dà toh kờ` hùc, geh dong kờl tơrdih phan sa niam, kuơ màng ngan là tus mờ kòn dềt tu\ broă tơrdih phan sa gam ờ pràn.

-Cau gơtìp kră phơng pal hùc dà plai ca` pah ngai geh đì ndul [uơn niam, ờ mìng bè hơ\ mờ gam tơnguh bơta pràn sơndră mờ kòp să jan in.

-Ală bơta gơl^k geh duh tàm să, geh uă bơta ờ gơtùi sa, sa ờ uă den tàng lơh să jan gơtìp ờ sô, glar. Pal hùc bơh 2 tus 3 ly dà plai ca` klài bal mờ sơdàng pah ngai kờ` geh tơl vitamin C, sơdàng să jan in mờ geh lơh tơmù duh, kòp gơl^k duh mhar bời.

-Dà plai ca` klài bal mờ boh gam geh lơh jơh tơhìr dà, jơh kơnhà, bloh ngko. Dà hùc do gơdờp mờ cau lơh broă `jơ\, uă vitamin mờ khoáng chất gơtìp roh tài gơl^k tàm gùng dà kơlhề.

-Kơmhò plai ca` ris geh ngui kờ` tru\ bal mờ poăc ơda, geh tơmù bơta mrềt bơh poăc ơda.

Plai ca` geh ngui kờ` lơh kloh sồt, lơh kloh ală phan ngui tàm hìu nhă:

-Plai ca` geh lơh kloh sồt gơtìp phan dềt kăp, he gơtùi pih 1 ntờc dà plai ca` tềng tiah gơtìp sồt den geh bơta niam ngan.

-Rào mpiăt kòn dềt in: klài ờ uă boh mờ dà plai ca`, ngui chèo kloh Dyu\ dà plai ca` kờ` rào kloh mpiăt kòn dềt in geh kloh niam ngan.

-Ai dà plai ca` kờ` rào kloh ka, lơh ka kloh rơlao, ris jo\ rơlao mờ ờ [ô ngir.

-Tu\ p^c biăp rơpuơn, cồng bùm lô, tah đo prìt gơtìp đềr bơsơ\t, he ai dà plai ca` nàng rào tê den mhar kloh bơsơ\t.

-Tu\ mpàng tê gơtìp ờ kloh sơ[ong, he rào mờ dà plai ca`, dà sơ[ong jơnkah tềng tê gơtìp jơh, mpàng tê kloh mơ.

-Tu\ phan ngui geh lơh mờ nilon gơtìp [ơ\, he koh plai ca` gơs 2 bơnah, tho tềng tiah gơtìp [ơ\, tho tus tàm tu\ jơh hơ\ sồng ai chèo jùt mờ kloh wơl.

-Tu\ kho\ kơl tao neh klar, kơl tao gơtìp kră, he ngui dà plai ca` tho tềng kho\, tơnơ\ mờ hơ\ ai chèo jùt kloh hơ\ sồng tho tai mờ xi.

-Bàn ủi ngui duh ir gơtìp rơm^t, kờ` bàn ủi kò wơl, he kam ồs đèng bàn ủi nàng duh, hơ\ sồng tă che ồs đèng, ai nggùl bơnah plai ca` tho tềng tiah gơtìp rơm^t hơ\ sồng jùt mờ chèo ra`, bàn ủi geh kloh niam wơl.

-Koh 2 bơnah plai ca` ơn tềng gah tùh mrềt, tùh mrềt ơn phan sa geh jơh [ô ngir phan sa.

Plai ca` gam geh ngui kờ` bơka să niam ngan cau ùr in:

-Plài dà plai ca` bal mờ dà rơco so\, so\ kloh niam, lơbơn, kloh kùh;

-Muh măt gơtìp [ơ\ tài kơl hề: ai 2, 3 ntờc dà plai ca`, klài bal mờ 2 sơ-io\ dà plai kroăc, pih phan do tềng muh măt lời tàm 10 phút hơ\ sồng rào kloh, muh măt jơh [ơ\;

-Mờ muh măt gơtìp sơiàr: ai dà lơwe klài bal mờ 2, 3 ntờc dà plai ca`m tho tềng muh măt tàm 15 phút, hơ\ sồng rào kloh mờ dà.

-Lơh jơh pơnời: dà plai ca` klài bal mờ sơdàng, ha là dà lơwe là phan kờ` lơh jơh pơnời tềng muh măt mờ gùt să bồ geh cồng nha mờ [uơn lơh;

-Lơh jơh [ô pơnoà: tho dà plai ca` tềng pơnoà tơnơ\ mờ tu\ neh um, lời 15 phút hơ\ sồng rào wơl mờ dà ram đe, tơnơ\ 1 tơngai ờ jo\, pơnoà gơtìp [ô geh jơh.

                                                                      Cau cih mờ yal tơng^t Ndong Brawl