VOV4.K’ho - Tàm nùs nhơm chờ bơh nam pa, gùt lơgar rơcang wă rò satềp Kỷ Hợi 2019, làng bol kis tàm [òn Buôn Wiâo A, thị trấn Krông Năng, kơnhoàl Krông Năng, càr Dak Lak bơyai lơh duh khoai dà mbòr, gam sơnđan là satềp dà mbòr, kờ` ưn ngài yàng dà tài dùl nam do broă lơh sa geh tơnhào tơl, răc dan mờ yàng dùl nam pa kòi geh bềng đam, tơngời geh bềng hìu, ală cau tàm [òn ndrờm pràn kơl dang.

Bơh yau, làng bol kòn cau Rơđê kis tàm kơnhoàl Krông Năng neh sền kuơ dà mbòr, sền dà mbòr là bơta kuơ màng tàm rài kis.

Dà mbòr dờng ngan kơnhoàl dê, jăt jơnau yal, là tài ùr H’ Năng jòi go\ tơnơ\ mờ 7 nhai jòi sùm. Măt sơnđan Krông Năng tu\ do geh sơnđan jăt măt ùr do dê, kờ` kah tus broă lơh jăk chài bơh ùr ơruh neh lơh ngan tài [òn lơgar mờ phi să tềng gah dà mbòr mờ ùr do pa jòi go\.

Tàm [òn Wiâo, dà mbòr sùm geh gàr niam, mờ ù tiah gùt dar geh uă tòm chi, dà sùm sàng.

Kờ` ưn ngài yàng tài dùl nam geh bơtoah, ồng Y Cho Mlô, cau tòm dà mbòr neh rơcang sur. Phan duh khoai tàm hơ\ geh ală phan bè sur geh: bồ sur, să sur, jơng sur, tiang sur, klung klờm sur, mhàm sur. Bal mờ hơ\ tai là 3 drăp tơrnờm, 1 nơm sơ\, 1 nơm yoas, ală phan ngui kờ` lơh mìr cau Tây Nguyên dê.

Tu\ măt tơngai neh guh tam toh tềng bồ, broă rơcang neh gơs. Cau kra, cau kơnòm, ơruh pơnu soh phan ờs mờng niam bơne\ ngan, l^k tàm dà mbòr [òn dê.

Lài mờ tu\ l^k tus tàm dà mbòr, làng bol geh se\ tềng hìu pơrjum [òn, tus bal pơs wàs hìu, [làng hìu mờ jùt cing, sơngơr, jơnờng Kpan bal mờ ờ uă bơta phan kờ` rơcang lơh yàng. Kờ` rơcang tơl ală bơta niam, cing neh geh dròng mờ mpồl ơruh pơnu tàm [òn l^k hờ bơdìh [làng tamya jăt săp ntas cing dê.

Tus hờ dà mbòr, ồng Y Wơn Niê răc dan hòi yàng tus `ô sa mờ ưn ngài yàng neh dong kờl [òn lơgar geh rài kis lơngăp lơngai. Tơnơ\ mờ tu\ tơn jơh jơnau răc dan, geh ai drăp tơrnờm klài bal mờ mhàm sur, lòt tơl mbòr dà kờ` siah dà tơrnờm mờ nùs nhơm kờ` dan mờ yàng ai [òn lơgar in kàl lơh sa pa dà sàng niam, hòr sùm ba` soăt.

Tơnơ\ mờ tu\ broă lơh yàng neh gơs, ală cau nggui bal `ô tơrnờm. Ală ùr ơruh đơ dà tàm plai nhồng mờ cèng rê hờ [òn kờ` tam pà dà ai ală hìu in kờ` geh bơta bơtoah yàng pà.

Tàm bơta chài rơgơi ờs mờng kòn cau Rơđê, lơh yàng duh khoai dà mbòr là dùl tàm ală broă lơh yàng kuơ màng ngan. Lài jơh là kờ` ưn ngài yàng neh sùm sền gàr kàl lơh sa mờ làng bol geh dùl nam mìu nhàc niam mờ kơ\p kờ` geh bơta pràn kơl dang să jan.

Pơn jăt mờ hơ\ là tơl^k nùs nhơm tam pà bal, ring bal, tam klăc bal lơh sa kờ` geh dùl rài kis hờm ram mờ gơboh gơbài rơlao.

Cau mblàng Ndong Brawl