VOV4.K’ho - Nam 2014 geh sền là nam buơn buài nàng ală broă lơh bơh mpồl kuang bàng gơnoar ala mat dà lơgar càr Lâm Đồng gàr niam di mờ rơndap broă, tơngai broă lơh ai tơlik. Ală broă lơh bơt bơtàu adat boh lam, sền gròi, tìp mat cau te\ khà, wă làng bol, bơ song sră nggal pơyua mờ tus bal tàm ală pơrjum gơnoar ala mat dà lơgar bơh mpồl kuang bàng gơnoar ala mat dà lơgar càr Lâm Đồng neh lời wơl bơta kah kir niam tàm nùs nhơm cau te\ khà.

Mpồl kuang bàng tàm Gơnoar ala măt dà lơgar càr Lâm Đồng neh tơnguh broă lơh kờ` bơyai lơh jăt geh cồng nha kơnòl bơ\t bơtàu adăt boh lam. Tàm hơ\, neh geh broă pơgồp bal nền nòn, di pal, tơrgùm geh uă bơta ngăc ngar bơh ală cau jăk chàu, ală cau chài cah rơ`a, ală cau lơh kơlôi sơng, ală kuang bàng lơh broă sền gàr dờng, ală kuang bàng tàm mpồl pơlam adăt boh lam, gah tề lam gùng dră bal càr, mpồl cau chài cah rơ`a càr tàm broă tus bal, pơgồp bal tàm 27 rơndăp broă lơh geh Gơnoar ala măt dà lơgar ring bal tàm ală dơ\ pơrjum dơ\ 7, dơ\ 8 Gơnoar ala măt dà lơgar kơnă 13 dê. Ală tơngu me di pal, di mờ geh khà niam neh geh ală kuang bàng tus bal pơgồp jơnau đơs tam gơl di pal bè ală rơndăp broă adăt sền gàr tiah kis; adăt bơcri priă dà lơgar; adăt tă dia phan blơi mờ tăc mờ lơgar bơdìh; adăt tơn jơh lơh broă; adăt sền gàr ngui priă dà lơgar bơcri tàm broă lơh sa kă bro; adăt tam gơl, bơtơl ờ uă bơta tàm adăt sră kham, sơm kòp ờ sa priă, adăt gùng lòt tàm dà tàm dơlam dà lơgar. Tàm pơrjum dơ\ 7 mờ dơ\ 8, Gơnoar ala măt dà lơgar dê, mpồl kuang bàng tàm Gơnoar ala măt dà lơgar càr Lâm Đồng neh geh 70 dơ\ pơgồp jơnau đơs bơh ală kuang bàng dê tus mờ ală dơ\ cri bơyai tàm mpồl mờ tàm hìu pơrjum dờng; tus bal uă tàm ală dơ\ pơrjum cri bơyai geh anih duh broă sùm Gơnoar ala măt dà lơgar, mpồl duh broă kòn cau, ală anih duh broă tàm Gơnoar ala măt dà lơgar bơyai lơh. Kuơ màng ngan, tàm ală dơ\ lùp mờ hơ jơnau lùp, ồng Nguyễn Bá Thuyền kuang jăt jơng atbồ mpồl kuang bàng tàm Gơnoar ala măt dà lơgar càr Lâm Đồng neh lùp Gơnoar atbồ gah lùp sền Gơnoar atbồ lơgar, Kuang atbồ gah lơh sa mờ tơnguh bơtàu [òn lơgar dà lơgar, Kuang atbồ gah adăt boh lam dà lơgar bè ală broă geh đơs tus tàm broă sền gàr dà lơgar, bè ù tiah, sa kuề sa koà, khà priă phan geh lơh bơh broă lơh sa suơn sre ờ ring niam. Bơh tu\ hơ\, neh pơgồp bal ală jơnau đơs bơh làng bol càr Lâm Đồng tus mờ Gơnoar ala măt dà lơgar, tơl^k nùs nhơm, jơnau kơ\p kờ` di pal làng bol.

Ồng Bùi Gia Quân kuang atbồ anih lơh broă kuang bàng Gơnoar ala măt dà lơgar-mpồl kuang bàng Gơnoar ala măt dà lơgar càr Lâm Đồng pà g^t tai: bơdìh mờ ală broă lơh tòm, broă lơh mpồl bơtiàn kung geh mpồl kuang bàng tàm Gơnoar ala măt dà lơgar càr Lâm Đồng sền gròi ngan, mpồl do neh lam sồr ală anih lơh sa kă bro, anih priă jền kă bro dong kờl lơh 200 nơm hìu ai hìu rơ[ah, hìu geh sră dong kờl bơh dà lơgar tàm càr Lâm Đồng in, hòi jà dong kờl 3 nơm rơndeh lơh sơnơm ai hìu sơnơm càr in. Bơdìh hơ\ tai, mpồl kuang bàng do kung bơyai lơh g^t nđờ dơ\ lòt còp mờ pà phan ală kuang bàng là kuang bàng Gơnoar ala măt dà lơgar ală kơnă lài do, ală hìu nhă geh sră dong kờl bơh dà lơgar, ală kuang bàng cách mạng lài do, ală kuang bàng neh jơh sơnam lơh broă tàm càr Lâm Đồng tu\ do gam kis tàm Hà Nội, cìp kơnòm bơsram, cau bơsram dờng là oh kòn, kòn cau càr Lâm Đồng gam bơsram jăt broă rơwah lòt bơsram tàm Hà Nội di tàm dơ\ mpồl kuang bàng Gơnoar ala măt dà lơgar tus pơrjum tàm ală dơ\ pơrjum Gơnoar ala măt dà lơgar tàm Hà Nội.

Broă lơh tòm, khà niam broă lơh geh ală gah, mpồl lơh broă, gơnoar atbồ càr mờ làng bol sền gròi, hơ\ là broă sền gròi jăt broă lơh bơh mpồl kuang bàng Gơnoar ala măt dà lơgar dê. Tàm nam 2014, mpồl kuang bàng tàm Gơnoar ala măt dà lơgar neh lơh jăt broă sền gròi geh cồng nha broă lơh jăt ală broă dong kờl adăt boh lam bè cau geh màng mờ dà lơgar, sền gròi broă lơh jăt adăt boh lam bè bơto bơtê kơnòm pa lòt bơsram. Bơh tàm broă sền gròi, neh go\ geh uă broă ờ pràn, kal ke tàm broă lơh jăt bè gùt càr tu\ do gam geh 28 hìu rơ[ah pal geh dong kờl, gam di pơgăp 900 nơm hìu, ală cau geh sră dong kờl bơh dà lơgar pal lơh pa, lơh niam wơl mơya khà priă dà lơgar mờ càr ờ hềt tơl. Mpồl kuang bàng tàm Gơnoar ala măt dà lơgar càr Lâm Đồng kung eh dan mờ gah Bơ\t bơtàu dà lơgar, gah Priă jền dà lơgar gờ` tam pà kes priă dong kờl gam tai nam 2013 ndtờm mờ di pơgăp 4 rơbô 660 tơmàn priă kờ` càr Lâm Đồng tơm khà priă neh càn lài bơh ală kes priă ndai tu\ lơh jăt kơrnoăt sồ 22 bơh kuang gơs gơnăp gơnoar atbồ hờ đang rơlao jơh dà lơgar dê nam 2013 bè broă dong kờl cau geh màng mờ dà lơgar in lơh hìu ơm.

Cri bơyai mờ bol a` bè broă sền gròi lơhn jăt broă dong kờ adăt boh lam bè bơto bơtê kơnòm pa lòt bơsram, ồng Nguyễn Bá Thuyền pà g^t: mpồl kuang bàng neh dan mờ Gơnoar atbồ lơgar, Gah bơto bơtê mờ bơsram dà lơgar, Gah rơndăp broă mờ bơcri priă dà lơgar sền gròi, bơtơl priă tềm pềr Gơnoar atbồ lơgar ai càr Lâm Đồng in kờ` bơcri priă broă lơh hìu bơsram, phan bơsram kơnòm pa lòt bơsram in, tài Lâm Đồng là càr tiah kơh bơnơm gam uă kal ke, khà jơdu\ bơsram ing mờ hìu ơm cau pơgru ờ hềt lơh kơl jăp gam uă. Mờ dan gah Bơto bơtê mờ bơsram dà lơgar kơlôi sơnơng, tam gơl, bơtơl rơndăp broă lơh kơl jăp kờ` dong kờl càr lơh hìu bơsram, phan bơsram, tài priă bơcri tơnguh bơtàu tàm broă lơh ndrờm bal càr sền gàr ờ tơl ndrờm bal ai ală kơnòl tă priă in. Mpồl kuang bàng kung dan mờ Dà lơgar pal lời khà priă di pal ai broă lơh ndrờm bal mờ di tu\ bơto sồr tam pà kes priă bơcri blơi phan bơna ai ală jơdu\ kơnòm pa lòt bơsram 5 sơnam tàm càr Lâm Đồng, ală hìu bơsram geh khà dà lơgar, kuơ màng ngan là ai ală kơnhoàl rơ[ah tàm broă lơh 30A bè hìu bơsram kơnòm pa lòt bơsram Dà Tông, kơnhoàl Dam Rông in, kờ` geh bơta niam ngan tus mờ broă bơto bơtê mờ bơsram kơnòm pa lòt bơsram in, wèt tus broă bơto bơtê kơnòm bơsram pa lòt bơsram 5 sơnam geh khà niam mờ di mờ jơnau neh ai.

                                               }au mblàng NdongBrawl.