VOV4.K’ho - Bơhìan chuê nuê (bơhìan bau tam tơrbo\) la dùl bơhìan tam bau bơh cau Rơđê bơh yau. Bơhìan do geh cih tu\ bơklau chơt, cau pơ ùr geh gơnoar đơs mờ hìu đah bơklau pal geh bau mờ dùl na\ cau klau  ờ hềt bau nàng bau; trơ wơl, tu\ pơ ùr chơt, cau bơklau pal bau dùl na\ cau ùr gam rlùng tàm hìu nha\ pơ ùr. Ờ mìng nàng sền gàr phan bơna mờ gam sùm gàr bau kòn jat đah mè, bơhìan chuê nuê gam ai go\ bơta niam ngan tu\ jòi cau bau tơrbo\ nàng sền gàr  ròng siam kòn gam dềt.

            ‘’Rơng hìu pa\ den pal tam gơl, rơng hìu sèt den pal ơla, chơt cau do den pal bau tơrbo\ mờ cau ndai’’, hơ\ la jơnau pơrya bơh cau Rơđê dê tàm Tây Nguyên bơh yô yau ngan. Tàm hìu nha\, mè bèp la rài kis, la nhơm ram duh, la anih kơl dìng ngan bơh  oh kòn dê. Tu\ mè bèp chơt den ala\ oh kòn ờ geh cau sền gàr, ròng siam. Den tàng, broa\ jòi ala\ oh kòn ờ bơtuah hơ\ dùl na\ cau nàng ròng siam bơto bơtê oh kòn la bơta kờ` ngan. Ồng Huy kis tàm [òn Krơng Prong A, xã Ea Tu, [òn dờng Buôn Ma Thuột, càr Daklak ai git:

            Lài mờ ngai lòt tơp cau chơt, tu\ neh lòt tơp cau chơt, hala tềng đap hìu bồc cau neh chơt…Gơjat ala\ [òn krơi is, ala\ cau geh gơnoar tàm jơi nòi khi geh tam bơyai bè broa\ jòi cau nàng bau tơrbo\ tus cau chơt bau nàng ròng siam sền gàr oh kòn.

            Bulah bè hơ\,  jat bèp Vôl,  kis tàm [òn Kniêr, xã Tân Tiến, kơnhòal Krông Pach, bơhìan bau tơrbo\ ờ bơklơn cau chơt bau pal bau mờ cau pa. Tàm dilah cau geh rwah ‘’bau tơrbo\’’ gơ lin sơnam ua\ ir den khi gơ tùi ờ bài,  hala mìng la ùr bơklau sơnđan lơm:

            Tu\ bơklau chơt, pơ ùr gam den pal jòi cau ‘’bau tơrbo\’’. Dilah bơklau  dềt sơnam, bè bơklau rơp 10 sơnam, ai pơ ùr neh 50 sơnam den la ờ niam. Bơta niam la tam tu\ wa dờng, wa dềt bơh bơklau geh phan bơna, den bơklau geh  kơp bau tơrbo\ nàng sền gàr phan bơna, dilah bau mờ cau ndai den ngòt geh lơh aniai phan bơna hìu nha\’’.

            Trơ wơl wơl, cau  geh rwah  nàng bal mờ cau chơt bau kung gơtùi ờ bài bau dilah go\ ờ gơtùi gơ kờ` bal. Ồng Y Kô Niê, Phó kuang atbồ Phòng atbồ van hoa\ (Sở Van hoa\-Thể thao mờ Du lịch càr Daklak) ai git: Tu\ pơ ùr chơt, jat bơhìan den cau bơklau pal ơm wơl hìu pơ ùr. Cau bơklau geh bau mờ dùl na\ bi ùr hala oh ùr pơ ùr, jơi nòi pơ ùr. Dilah ờ kờ`, ùr ơruh hala hìu nha\ geh ròng siam oh kòn, nàng cau bơklau geh bau pa. Tàm dilah bè do,  cau bơklau pal lời jơh phan bơna mờ oh kòn hìu nha\ đah pơ ùr. Ồng Y Kô Niê mblàng:

            Bơta niam bơh bơhìan bau tơrbo\ la tu\ pơ ùr chơt ờ ai bơklau lik rê bơh hìu nha\, cau bơklau la dùl na\ cau tàm hìu nha\, ờ gơtùi lòt lềng hala jàu wơl jơi nòi ndai in. Jat bơhìan pal gàr ồng hơ\ ơm tàm hìu tus tu\ ồng hơ\ chơt. Ồng hơ\ geh kơnòl bau mờ dùl na\ cau ùr ờ hềt bau tàm hìu pơ ùr, nàng geh kơnòl bal ròng oh kòn. Hơ\ la dùl bơta niam. Dilah  2 na\ khi tam kờ` bau bulah ờ tam gơ boh kung geh kis tài bơh kơnòl ròng siam oh kòn’’.

            Dơ\ bau pa geh cèng wơl ai tus ala\ oh kòn kòn đời mờ bơta ròng siam niam ngan bơh cau geh bal jơi nòi pròt mhàm. Cau chơt bau geh jòi bau cau he pin dờ` nàng sền gàr mờ bơtàu tơngguh phan bơna bơh hìu nha\.

            Tu\ do, bơhìan bau tơrbo\ gam ờs tàm rài kis  mpồl  bơtìan cau Rơđê tàm ala\ [òn tàm tiah sar lơgar ngài. Bơhìan do geh bal mờ bơta sền gàr bơhìan hìu nha\ jat jơi mè, ala\ cau tàm hìu nha\ đềt mềr bal, gơ tam bơr kuat bal. Mờ bơta tam bơrkuat do gam jat bơhìan dùl pơ ùr, dùl bơklau, kờ` is, kờ` gơboh mờ drờm bal.

                        Cau cih H’ Zawut Bya\, cau mblàng K’ Brọp