Pơnjat tai yal  bè tơnggu me  jơnau cih tàm Adat ù tiah nam 2013, geh ai ngui tàm ngai 1/7/2014, jơnau ngai do, bol a` geh pơnjat tai yal bè lơh sra\ ù tiah.

Bơta 195 cih ală sră nggal bè ù tiah, tàm hơ\ geh:

- Sră ai wơl ù, jàu ù, ai ơpah ù, tam gơl jơnau kờ` ngui ù;

- Sră cih mat ù tiah, phan bơna gơ jat bal mờ ù, sră ngui ù, gơnoar ngui hìu ơm mờ phan bơna ndai gơ jat mờ ù;

- Sră tam gơl, lơh wơl, ai wơl sră cơng tàng, sră ngui hìu ơm, sră ngui broă lơh bơt bơtàu;

- Sră nggal mut lơh ală gơnoar bơh cau ngui ù dê;

- Sră nggal kup bơ klơn mut lơh jat kơrnuat kờp sền pal geh, bơ klơn lơh jat kơrnuat ai wơl ù;

- Sră nggal tơr`a bơ song tam pìt ù tiah, sră nggal bơ song tam pìt ù tiah tàm anih lơh broă dà lơgar;

- Sră nggal lơh glài mờ priă tàm gah ù tiah.

Gơnoar atbồ lơgar cih mùl màl bè ală sră nggal do.

Bơta 196 cih bè broă yal loh làng sră nggal bè ù tiah, tàm hơ\ geh:

- Anih lơh broă geh gơnoar dờp sră nggal mờ dờp cồng nha;

- Tơngai bơ song tus mờ tơl bơta sră nggal;

- Ală bơta sră pơ àr tus mờ tơl bơta sră nggal;

- Kơ nòl priă jền, priă tă dờp tus mờ tơl sră nggal.

Broă yal loh làng bè ală tơngume pa yal geh mut lơh mờ broă top sùm tàm hìu lơh broă bơh anih dờp sră nggal mờ dờp cồng nha, yal tàm păng yal jơnau tơngit điện tử dà lơgar bè sră nggal, păng yal jơnau tơngit điện tử bơh anih duh broă làng bol càr, anih duh broă làng bol kơn hòal.

Bơta 197 cih bè broă mut lơh sră nggal bè ù tiah, mùl màl:

- Gah, sơnah lơh broă dà lơgar jat bè gơnoar, kơ nòl broă he dê geh kơ nòl pơ gồp bal tàm broă đơng lam, bơto pơlam, sền gròi broă mut lơh sră nggal bè ù tiah, gàr niam bơta ringbal đah sră nggal bè ù tiah tus mờ ală sră nggal ndai geh gơ rềng.

- Anih duh broă làng bol ală kơnă geh kơ nòl đơng lam, bơto pơlam, sền gròi mờ lam mut lơh sră nggal tàm bòn lơgar, cih bè broă pơ gồp bal đah ală anih lơh broă geh gơ rềng tàm bòn lơgar nàng bơ song sră nggal bè ù tiah mờ ală sră nggal ndai geh gơ rềng.

- Anih lơh broă geh gơnoar bơ song sră nggal lơh broă bè ù tiah pal mut lơh di sră nggal geh cih.

- Cau ngui ù mờ cau ndai geh gơ rềng geh kơnòl mut lơh tơl làm sră nggal bè ù tiah mờ ală kơ nòl priă jền jat jơnau cih bơh adat boh lam dê.

                                                                             Cau mblàng K’ Duẩn.