VOV4.K’ho - Tàm càr Kon Tum broă lơh jăt geh cồng nha broă tom priă sền gàr tiah kis brê neh ai geh bơta pràn bè priă jền nàng sền gàr mờ tơnguh bơtàu brê kơl jăp.

Bal mờ hơ\ broă lơh do kung pơgồp bal tàm broă tơnguh uă jơnau g^t wă bè bơta kuơ mờ brê cèng wơl ai rài kis in, bơh tu\ hơ\ làng bol, mpồl bơtiàn, mpồl lơh broă tàm càr Kon Tum tus bal niam tàm broă sền gàr brê mờ lơh pas bơh brê.

Tơngai pa do, tàm càr Kon Tum, broă tam chi gơs brê ha là tam chi nàng lơh geh tiah kis niam sùm geh anih lơh broă geh gơnoar bal mờ ală mpồl lơh broă tàm [òn lơgar bơyai lơh.

                             L^k tam brê tàm thị trấn Măng Đen, kơnhoàl Kon Plông, càr Kon Tum

Pa do ngan, bơh ngai 11 tus ngai 17 nhai 9, ơruh pơnu càr Kon Tum neh bơyai lơh mus pès chi che, tờ bơtô nàng tam mờr 2 rơbô tòm nho 3 nha tàm 40 tiah jăt gah gùng jòng 12 kơi sồ tềng koèl kơh Măng Đen gơwèt bàr kơnhoàl Kon Plông mờ Kon Rẫy.

Do là broă lơh bơh ơruh pơnu càr Kon Tum dê nàng chờ gờm pơrjum dờng cau ala măt Đảng bộ càr dơ\ 16, tơngai lơh broă bơh nam 2020-2025. Broă tam tòm nho 3 nha jăt 2 gah gùng tềng koèl kơh Măng Đen pơgồp bal ai geh bơta niam ù tiah tàm tiah sơnrờp tàm tiah đah jum bơh tiah nhơl chờ sinh thái Dà lơgar Măng Đen mờ sền gàr tiah kis sơndră mờ tơrlah ù.

Bi A Xây, Phó Bí thư Tỉnh đoàn Chủ tịch mpồl tam klăc ơruh pơnu Việt Nam càr Kon Tum pà g^t:

-Do là dùl broă lơh kuơ màng ngan nàng lơh geh tiah kis niam tàm tiah nhơl chờ sinh thái Măng Đen. Dơ\ bàr tai là nàng sền gàr tiah kis. Tơnơ\ mờ dơ\ tam do Ban Thường vụ Tỉnh đoàn geh đơng lam pràn ngan gơwèt mờ 2 Huyện đoàn Kon Plông mờ Kon Rẫy tàm broă prăp gàr, phơng sih ai tòm chi tam nàng tòm chi geh hòn gơs niam mờ geh khà uă ngan.

Kơnờm mờ broă geh priă bơh broă tơm priă sền gàr tiah kis brê, mờ g^t loh tus mờ bơta kuơ mờ brê geh cèng wơl ai rài kis in, bal mờ broă tus bal sền gàr brê, geh ờ uă làng bol, mpồl bơtiàn, cau tòm brê tàm càr Kon Tum neh mờ gam lơh ngan lơh pas bơh brê.

Geh pơnrơ ngan bè tàm brê dà lơgar Chư Mom Ray neh bơyai lơh ròng brê hòn is mờ tam wơl uă bơta tòm chi geh kuơ tàm brê, bè trắc, kơmlài, giàng hương… nàng prăp gàr chi brê mờ lơh geh uă rơlao tai phan geh is tàm brê.

Ồng Đào Xuân Thuỷ, kuang atbồ mpồl atbồ brê dà lơgar Chư Mon Ray pà g^t, bơh uă nam do, mpồl lơh broă do neh lơh sùm uă broă lơh nàng geh uă bơta chi brê:

-Bol a` ai tiah ròng mờ wèt tus ai geh tiah hòn is nàng ală bơta brê geh chi dềt, brê kle, brê đơr hơ\ sồng chi mpung nàng gơguh wơl rơhời geh chi brê nàng lơh gơs uă brê.

Broă lơh dơ\ bàr là tam bơtơl nàng lơh geh uă brê. Tam ală bơta tòm chi geh tòm dờng jăt àr, jăt gùng. Gam tai tàm bă ù ờ geh chi ờ geh brê, bol a` geh ai tàm rơndăp broă tam brê pah nam.

Ồng Hồ Thanh Hoàng, kuang atbồ kes priă sền gàr mờ tơnguh bơtàu brê càr Kon Tum pà g^t: mpồl lơh broă do sùm sền wơl, kờp broă lơh jăt broă jào priă bơh ală mpồl ngui broă drơng ala tiah kis brê, lam sồr ală mpồl lơh broă gam dồs opriă, mờ sền gròi ală mpồl pa geh ngui broă drơng ala tiah kis brê.

Mìng is tàm nam do, mpồl lơh broă do neh bơyai lơh 25 dơ\ pơrjum lam sồr bè broă tơm priă sền gàr tiah kis brê pơgồp bal mờ broă atbồ, sền gàr brê pơgồp bal mờ broă bơsram tàp atbồ, ngui priă drơng ala tiah kis brê tàm xã.

Nam do, tài gơrềng bơh kòp Covid-19 den tàng bơnah lơi gơtìp aniai tus mờ kơnòl tă priă drơng ala tiah kis brê, kes priă sền gàr mờ tơnguh bơtàu brê càr Kon Tum lơh ngan tă geh di jăt mờ rơndăp broă bơh nam 2020 neh geh UBND càr Kon Tum k^.

Ồng Hồ Thanh Hoàng, kuang atbồ kes priă sền gàr mờ tơnguh bơrtàu brê càr Kon Tum đơs: Kơnờm mờ broă lơh niam broă tơm priă sền gàr tiah kis brê neh ai geh bơta pràn nàng sền gàr mờ tơnguh bơtàu brê kơl jăp:

-Kờp jơh priă geh tă bơh broă drơng ala tiah kis brê là rơlao 152 tơmàn đong, geh di pơgăp 62,6% khà rơndăp broă geh ai. Di gơlan tus jơh nam do geh lơh gơs rơndăp broă geh ai tàm broă tă geh di pơgăp 244 tơmàn đong.

Tus tu\ do, kes priă sền gàr mờ tơnguh bơtàu brê càr Kon Tum neh tă ai ală cau tòm brê 207 tơmàn đong, tàm hơ\ geh priă drơng ala sền gàr tiah kis brê gam tai bơh nam 2019 mờr  133 tơmàn 500 tơlăk đong, càn ing lài bơh nam 2020 là 73 tơmàn 500 tơlăk đong. Kờp du\ tus jơh nam do geh tă ing lài priă bơh nam 2020 ai ală cau tòm brê là di pơgăp 150 tơmàn đong.

Mờ broă lơh ngan kờ` tơnguh bơtàu broă lơh brê bơnơm jăt broă lơh kơl jăp, bal mờ broă tơnguh broă sền gàr brê hòn is tu\ do geh, 5 nam do càr Kon Tum neh tam pà geh 2 rơbô 900 lồ brê. Bal mờ hơ\ geh rơlao 2 rơbô 100 lồ brê hòn is kung neh geh hòn wơl tài kơnòm mờ broă ròng sền gàr.

Tus tu\ do, bơta kơl dìng bơh chi brê càr Kon Tum dê neh geh 63%, gơguh 0,37% pơn ndrờm mờ pơgăp m do 5 nam. Do kung là ală bơta tơngo\ chờ bơh broă lơh jăt geh cồng nha broă tơm priă sền gàr tiah kis brê càr Kon Tum dê.

Cau cih Khoa Điềm-Cau mblàng Ndong Brawl