Jơnau ngai do pơnjat tai geh yal ala\ geh cih bè bơtàu tơngguh lơh sa tàm adat dà lềng Việt Nam geh Gơnoar ala mat dà lơgar Việt Nam kơna\ XIII,  tàm dơ\ pơrjum  dơ\ 3 ring bal ngai 21/06/2012 mờ ngan ngồn geh ngui bơh ngai 01/01/2013.

Boơa 42. Kơrnuat pal jat bơtàu tơnguh lơh sa dà lềng:

Bơtàu tơnguh lơh sa dà lềng kơ\ kơljap, geh cồng nha jat ală kơrnuat bè tơ nơ\ do:

Drơng bơt bơtàu mờ bơtàu tơnguh lơh sa mpồl bơtiàn dà lơgar dê.

Gơ jat bal mờ broă lơh sền gàr gơnoar tờm dà lơgar, sền gàr dà lơgar, sền gàr ngap lơngai mờ ờ do ờ dă tàm dà lềng;

Dipal mờ jơnau kờ` atbồ phan geh is mờ sền gàr tiah ơm kis dà lềng.

Gơ jat mờ bơtàu tơnguh lơh sa mpồl bơtìan bơh ală tiah kềng gah dà lềng mờ bồt bơlàu.

Bơta 43. Bơtàu tơnguh ală gah lơh sa dà lềng.

Dà lơgar mut lơh lài tơr gùm bơtàu tơnguh ală gah lơh sa dà lềng tơ nơ\ do:

Lòt jòi, sền gròi, tơnhàu, lơh gơlik nhơm zờu mờ ală bơta phan kuơ geh is, phan kuơ tàm dà lềng;

Pơndiang phan gùng dà lềng, anih ơ hò ơm tàm dà lềng, lơh pa mờ lơh niam, ơ hò, plung, phan lòt rê tàm dà lềng mờ ală broă drơng ala gùng dà lềng ndai;

Nhơl chờ dà lềng mờ lơh sa dà lềng;

Tơnhàu, ròng, tam, lơh gơlik phan tàm dà lềng;

Bơtàu tơnguh, kơ lôi sơ nơng, mut ngui mờ tàm jàu bơta jak chài, công nghệ bè tơnhàu mờ bơtàu tơnguh lơh sa dà lềng;

Bơt bơtàu mờ bơtàu tơnguh cau lơh broă tàm dà lềng.

Bơta 44. Rơndap ù tiah bơtàu tơnguh lơh sa dà lềng.

Bơnàng jă nàng lơh rơndap ù tiah bơtàu tơnguh lơh sa dà lềng la:

Broă lơh, rơndap broă bal bơtàu tơnguh lơh sa-mpồl bơtìan gùt lơgar dê, broă lơh sền gàr tiah ơm kis dà lơgar.

Rơndap broă lơh bơtàu tơnguh kơ\ kơljap mờ broă lơh dà lềng.

Bơta pơn rơ is, ù tiah geh is bơh ală tiah dà lềng, tiah kềng gah dà lềng mờ bồt bơlàu.

cồng nha lùp khàu kuơ màng bè phan geh is mờ tiah ơm kis dà lềng, bơta geh ngan mờ jơnau kờp du\ lài bè jơnau kờ` tơnhàu, ngui phan geh  is mờ sền gàr tiah ơm kis dà lềng bơh gùt lơgar dê, bơh kơnhòal mờ ală càr, bòn dờng kềng gah dà lềng di dà lơgar.

Bơta kuơ phan geh is mờ khà buơn gơtìp aniai bơh tiah ơm kis dà lềng.

Bơta pràn nàng mut lơh rơndap broă.

Tơngume rơndap broă bơtàu tơnguh lơh sa dà lềng:

Mblàng, sền mờ đơs bè bơta geh is, broă lơh sa mpồl bơtiàn mờ bơta geh ngan tơnhàu, ngui dà lềng.

Đal git rơndap broă, jơnau kờ` mờ broă rơndap ngui dipal phan geh is mờ sền gàr tiah ơm kis dà lềng.

Tam cah tiah ngui dà lềng tus mờ ală jơnau kờ` bơtàu tơnguh lơh sa - mpồl bơtiàn, sền gàr dà lơgar, sền gàr ngap lơngai, đal git ală tiah ờ geh tơnhàu, ală tiah tơnhàu geh bơta pal jat, tiah pal geh sền gàr kuơ màng tus mờ jơnau kờ` sền gàr dà lơgar, sền gàr ngap lơngai, sền gàr tiah ơm kis, sền gàr phan geh is mờ ală bồt bơh kòn bơnus lơh gơs, ală bơta phan bơna, broă lơh tàm dà lềng.

Đal git anih, khà ơnàng mờ ai tơng go\ tàm sră sềr ù tiah ală tiah ngui mat dà lềng, tiah đơm dà lềng, bồt.

Đal git mùl màl ală tiah kềng gah dà lềng buơn gơtìp aniai bè mpờl ù, tiah kềng gah dà lềng gơtìp tơrlah, brê rơcang gàr bồ tô, ù ngơr dà, bràs kềng gah dà lềng, đal git tiah geh ù gờl mờ ală broă lơh atbồ, sền gàr dipal.

Broă lơh mờ tơngai mut lơh rơndap broă.

Bơta 45. bơt bơtàu mờ bơtàu tơnguh lơh sa dà lềng:

Dà lơgar geh broă lơh bơcri bơt bơtàu, bơtàu tơnguh ală tiah lơh sa, mpồl lơh sa mờ mai\ mok kềng gah dà lềng, lơh sa ală kơn hòal bồt jat rơndap broă, gàr niam cồng nha, bơtàu tơnguh kơ\ kơljap.

Broă jàu ală tiah dà lềng ală mpồl bal, cau 1 nă să in tơnhàu, ngui phan geh is dà lèng geh mut lơh jat jơnau sồr gơnoar atbồ lơgar dê.

Bơta 46. Pơn jờng, dong kờl bơcri bơtàu tơnguh lơh sa tàm ală bồt mờ broă lơh tàm dà lềng:

Dà lơgar ai lài bơcri bơt bơtàu phan bơna, broă lơh kuơ màng tàm dà lềng, bơtàu tơnguh lơh sa ală kơnhòal bồt, geh broă dong kờl nàng tơnguh jơnhua rài kis phan bơna nùs nhơm bơh làng bol kis tàm ală bồt.

Dà lơgar pơn jờng, dong kờl priă dia, priă bơcri, ai geh bơta niam nàng mpồl bal, cau 1 nă să bơcri tơnhàu bơta pràn bơtàu tơnguh tàm ală bồt.

Dà lơgar pơn jờng, dong kờl bè priă dia, priă bơcri, ai geh bơta niam nàng mpồl bal, cau 1 nă să tơnguh broă lơh ka mờ ală broă lơh ndai tàm dà lềng, bồt, sền gàr broă lơh làng bol dê tàm dà lềng, bồt.

                                                            Cau mblàng K’ Duẩn.