VOV4.K’ho – Poh lài, tàm Hà Nội, Bộ Lao động Thương binh mờ Xã hội pơgồp bal mờ Ủy ban kòn cau bơyai lơh pơrjum lam lơh broă lơh pơgồp bal bè bơtàu tơnguh lơh sa - mpồl bơtiàn tiah làng bol kòn cau mờ tiah kơh bơnơm, tiah geh broă lơh sa uă kal ke, tă pơgồp jơnau đơs tàm rơndap broă lơh tơr gùm bal bơcri priă bơtàu tơnguh lơh sa - mpồl bơtiàn tiah làng bol kòn cau mờ tiah kơh bơnơm, tiah geh broă lơh sa uă kal ke tơngai bơh nam 2021 tus nam 2025.

Lơh jat Nghị quyết sồ 74 tơlik nam 2018 tàm pơrjum dơ\ 6, Quốc hội khoá 14, chính phủ jàu Ủy ban kòn cau in pơgồp bal mờ ală Bộ, gah lơh broă bơt bơtàu rơndap broă lơh tơr gùm bal bơcri priă bơtàu tơnguh lơh sa - mpồl bơtìan tiah làng bol kòn cau mờ tiah kơh bơnơm, tiah geh broă lơh sa uă kal ke tơngai bơh nam 2021 tus nam 2025, rơcang yal Quốc hội in sền sơwì tàm pơrjum dơ\ 8 tàm nhai 10 tus do, Ủy ban kòn cau neh pơgồp bal mờ ală Bộ, gah lơh broă, ală tiah tơn jơh, sền sơwì broă lơh sa - mpồl bơtìan tiah làng bol kòn cau mờ tiah kơh bơnơm lơh bơnàng jă nàng bơt bơtàu rơndap broă. Tus tu\ do, rơcang cih rơndap broă lơh neh geh 3 dơ\ ai jơnau đơs tă pơgồp bơh Bộ, gah lơh broă mờ 51 càr tiah làng bol kòn cau, tiah kơh bơnơm.

Jơnau kờ` bơh rơndap broă dê là bơcri priă ai bơta bơtàu tơnguh kơ\ kơljap tiah làng bol kòn cau, tiah kơh bơnơm, tiah geh broă lơh sa uă kal ke gơ jat bal mờ tơn jơh jơgloh tơmù r[ah; tơnguh niam rài kis phan bơna mờ nùs nhơm bơh làng bol dê; hời rơ hời tơmù bơta tam cah ngài bè bơta niam rài kis pơndrờm mờ tiah bơtàu tơnguh… Mùl màl, tus nam 2025 khà gơguh lơh sa bơh ală càr tàm tiah làng bol kòn cau, tiah kơh bơnơm dê geh bơh 8 tus 10% pah nam (jơnhua rlau mờ khà kờp bal gùt lơgar dê); priă lơh geh kờp bal tàm 1 nă cau bơh làng bol kòn cau dê gơguh uă rlau 2 dơ\; khà hìu bơnhă r[ah pah nam gơmù bơh 3 tus 4% tàm 1 nam; gơmù 30% khà xã uă kal ke, 50% khà [òn uă kal ke pơndrờm mờ nam 2019; khà cau lơh broă geh bơto bơtê rlau 50% mờ cau lơh broă tus sơnam lơh broă geh priă jền lơh geh kơ\ kơljap rlau 80%; rlau 90% khà xã geh gùng rơndeh dờng geh lă mờ cài; rlau 80% khà hìu bơnhă geh ngui dà sàng kloh…

Ồng Bùi Văn Lịch, Kuang atbồ Vụ chính sách kòn cau, gơ wèt Ủy ban kòn cau sồr:

“Nàng pơn jat tai lơh gơs rơndap broă lơh, sồr Bộ Lao động Thương binh mờ Xã hội sền gròi, pơn jat tai lam lơh ring bal, geh cồng nha ală broă lơh rơndap broă, chính sách bè bơtàu tơnguh bơto bơtê broă lơh, ai geh broă lơh; lài ngan là tơr gùm bơcri priă bơt bơtàu phan bơna, blơi ma\i mok ai ală hìu bơsram bơto broă lơh tàm tiah làng bol kòn cau tiah kơh bơnơm in, ngan là ală hìu bơsram kòn cau ơm wơl tàm hìu bơsram tơn; bơtàu tơnguh ală broă bơto bơtê broă lơh di mờ bơta geh is tàm ù tiah làng bol kòn cau tiah kơh bơnơm, tiah uă kal ke, dong kờl nàng làng bol kòn cau in bơsram broă lơh mờ jòi geh is broă lơh”.

Tàm pơrjum, ală kuang bàng đơs là: Tu\ do, làng bol ală kòn cau geh git mờ dờp ală broă drơng ala mpồl bơtìan kuơ màng tàm khà lơyah pơndrờm mờ khà kờp bal bơh gùt lơgar dê. Gam rlau 21% làng bol kòn cau rlau 15 sơnam ờ hềt git sền sră, ờ hềt chài đơs dà yoan; mờr 30% kơ nòm bơsram kòn cau ờ hềt geh lòt bơsram di sơnam; khà kham kòp mờ thẻ bảo hiểm y tế bơh làng bol kòn cau dê rơp mìng geh 44,8%. Priă lơh geh kờp bal tàm 1 nă cau bơh làng bol kòn cau dê mìng ndrờm 30% pơndrờm mờ khà kờp bal gùt lơgar dê; làng bol kòn cau geh rlau 14,6% khà kờp làng bol gùt lơgar mơya khà hìu bơnhă r[ah den geh tus rlau 56,84% khà hìu bơnhă r[ah bơh gùt lơgar dê.

Bơh bơta geh ngan do, ală kuang bàng đơs là pal tơlik “Rơndap broă bơtàu tơnguh lơh sa - mpồl bơtiàn tiah làng bol mờ tiah kơh bơnơm, tiah geh broă lơh sa uă kal ke tơngai bơh nam 2021 tus nam 2025. Mơya, rơndap broă lơh pal pleh bơta ờ ring bal mờ ală broă lơh, chính sách gam geh ngui tu\ do. Bộ trưởng Bộ Lao động Thương binh mờ Xã hội, ồng Đào Ngọc Dung đơs:

“Rơndap broă lơh kờ` pal lơh loh do là rơndap broă bơcri priă ờ di là chính sách dong kờl. 2, 3 chính sách pa do là chính sách dong kờl, digơlan là dong kờl jat bă tiah, digơlan là dong kờl jat [òn ơm kis, digơlan dong kờl tus tơl nă cau bè broă lơh, mơya jat a` den rơndap broă lơh do là rơndap broă lơh bơcri priă nàng bơtàu tơnguh tiah kơh bơnơm, tiah làng bol kòn cau mờ tiah uă kal ke, nàng bơh hơ\ tơr gùm bơta pràn bơtàu tơnguh. Jat a` tus nam 2025, priă lơh geh kờp bal bơh làng bol kòn cau dê gơguh uă rlau 2 dơ\ là gơtùi, mơya geh 1 bơta, hơ\ là ală khà bè tơl niam rài kis pal sơlơ tơnguh rlau tai. Kờp bal mờ tơl niam rài kis den bơta niam rài kis bè lơi kung là dùl bơta”.

Ồng Đỗ Văn Chiến, Bộ trưởng - Chủ nhiệm Ủy ban kòn cau pà git, mpồl rơcang cih rơndap broă lơh geh cih dờp ală jơnau đơs tă pơgồp bơh Bộ Lao động Thương binh mờ Xã hội nàng lơh gơs rơndap cih rơndap broă lơh bơtàu tơnguh lơh sa mpồl bơtìan tiah làng bol kòn cau mờ tiah kơh bơnơm, tiah geh broă lơh sa uă kal ke tơngai bơh nam 2021 tus nam 2025, rơcang yal Quốc hội in sền sơwì, ai jơnau đơs tàm pơrjum dơ\ 8, Quốc hội khoá 14.

Cau mblàng K’Duẩn