VOV4.K’ho- Gơ ơm tàm broă lơh Dự án Bác sĩ kơnòm să geh nùs nhơm dong kờl is rê lơh broă tàm tiah kal ke, ngai òr 20/12, Bộ Lơh sơnơm dà lơgar, mờ Hìu bơsram dờng Lơh sơnơm Hà Nội bơyai lơh pờ ơdu\ bơto chuyên khoa I ai 15 nă cau bác sĩ kơ nòm să in.

15 nă bác sĩ kơnòm să lòt bơsram ơdu\ bơto bác sĩ chuyên khoa I lài mờ tu\ rê lơh broă tàm tiah kal ke

Bè hơ\, tus tu\ do Đề án neh pờ 3 ơdu\ bơto chuyên khoa I ai 30 nă bác sĩ in mờ tus pơgăp nhai 5 nam 2017 tus do geh ală bác sĩ bơh sơn rờp rê lơh broă tàm tiah sar lơgar ngài. Ală bác sĩ kơnòm să geh bơto jat broă lơh “bơsram tơn lơh tơn”, ală cau pơgru geh să tờm bơto pơlam mờ gròi sền niam cồng nha pơrlòng jơh bơsram, kờn tu\ lik bơsram gơtùi lơh niam ală bơta chài kham, sơm kòp tàm hìu sơnơm kơnhoàl. Tu\ do, tàm 62 kơnhoàl r[ah tàm gùt lơgar gam ờ tơl rlau 500 nă bác sĩ gơ wèt 15 chuyên khoa, tàm hơ\ uă ngan là tàm ală chuyên khoa kòp đah kòn dềt, đah cau ùr mờ deh dùh, kòp tàm dơlam is să jan, hồi sức cấp cứu mờ kham kòp mờ rùp hin.

Cau cih mờ yal tơngi\t- Lơ Mu K’ Yến