VOV4.K’ho - Jăt ală cau jăk chài yal, broă bơto broă lơh ai cau lơh broă tàm [òn tu\ do in ờ hềt sền kuơ di pal kung bè ờ g^t bè lơi tàm broă lơh den tàng gơbàn hoàc huơr gời, bơto broă lơh ờ di mờ broă kờ` mùl màl. Do là ală kal ke pal bơsong tàm tơngai tus.

Tàm tơngai bơh nam 2010 tus 2016, neh geh rơlao 5 tơlăk nă cau lơh broă tàm [òn geh bơsram broă lơh. Tàm hơ\ geh mờr 3 tơlăk 500 rơbô nă cau lơh broă tàm [òn geh dong kờl bơto broă lơh jăt mờ Quyết định sồ 1956 bơh Thủ tướng Chính phủ dê, mờ rơlao 40% khà bơsram broă lơh sa suơn sre, mờr 60% khà bơsram broă lơh ờ di gah lơh sa suơn sre. Tơnơ\ mờ tu\ bơsram broă lơh, khà cau geh broă lơh pa ha là pơn jăt tai lơh broă lài do kung geh cồng nha, rài kis geh tơnguh rơlao mờr 80%... Bè khà priă bơto broă lơh sa suơn sre, mìng is tàm nam 2016, geh 62 tàm khà 63 càr, [òn dờng geh ai khà priă bơh Dà lơgar mờ ală càr, [òn dờng kờp jơh khà priă 235 tơmàn priă.

Mơya tàm mùl màl, broă bơrlu\ bal bơto broă lơh, ha là bơyai lơh bơto tu\ ờ hềt geh yal lài anih lơh broă mờ khà priă geh bơh broă lơh tơnơ\ mờ tu\ neh bơsram broă lơh gam geh gơbàn uă ir, lơh gơbàn hoàc huơr kes priă bal mờ bơta pràn. Geh go\ ngan bè cồng nha niam bơh broă bơto broă lơh, Bộ trưởng Bộ Lao động Thương binh mờ xã hội – Atbồ đơng lam Dà lơgar bè broă bơto broă lơh cau lơh broă tàm [òn in ồng Đào Ngọc Dung neh đơs ngan, geh ală kuang bàng tàm pơrjum Quốc hội pà g^t, xã bơto broă lơh di pơgăp 600 nă cau mìng lơh “rơklao sur”. Di lah bơto broă lơh ngan, lòt lơh broă ngan den gam gơtùi, mơya di lah là mìng cih măt gời, 1 xã mờ geh 600 nă cau lơh broă là bè lơi?

-Gah lah ờ broă hơ\, là broă lơh is ha là geh uă? Đơs ngan, he bơto broă lơh uă, tàm hơ\ uă ngan là gah lơh sa suơn sre gam kờ` bơto broă lơh sa suơn sre công nghệ cao, ờ bơto, ờ bơsram nền nòn bè rơgơi lơh broă gơtùi. Pal đơs gan tus mờ bơta geh, ờ hềt geh, bơta lơi tòm kờ` tơnguh cồng nha broă bơto broă lơh.

Kờ` pleh mờ hoàc huơr gời mpồl cau lơh broă, ờ pràn broă bơto broă lơh, broă lơh jăt ală cau jăk chài đơs là, bơto broă lơh sa suơn sre ai cau lơh broă tàm [òn in pal geh bơh broă kờ` mùl màl cau lơh broă dê; pơgồp bal mờ broă ai khà rơndăp broă lơh sa suơn sre, tam gơl broă tam phan, ròng phan… Ồng Trần Đức Quý, Phó Chủ tịch UBND càr Hà Giang pà g^t, bơcdìh mờ ală kal ke bal tàm ală càr tiah kơh bơnơm dê bè broă tam pà priă bơto broă lơh, broă lơh sa dềt ờ uă, pờ ơdu\ bơto broă lơh tàm ală tiah sar lơgar ngài gơbàn kal ke, lơh broă bơto broă lơh ờ tơnguh jơh cồng nha den broă lơh cau lơh broă tơnơ\ mờ tu\ neh bơto kung kal ke dờng màng ngan sơl tus mờ càr dê.

-Broă ai broă lơh tu\ neh bơsram broă lơh gam là broă kal ke ngan tus mờ càr dê. Ală ơdu\ neh pờ gơs, cau lơh broă neh bơsram gơs den càr kung ờ geh uă anih lơh sa kă bro dờp cau lơh broă bè tàm tiah ring dê. Den tàng, geh ală kơnhoàl pah nam gam geh tus bơh 4 rơbô tus 5 rơbô nă cau lơh broă tus hờ đah ne nhàr dà lơgar kờ` jòi broă lơh.

Bơh tàm mpồl màl broă lơh sa suơn sre dê, Bộ trưởng Bộ Nông nghiệp mờ Phát triển nông thôn ồng Nguyễn Xuân Cường đơs là, tơngu me bơto broă lơh pal wèt tus broă ai broă lơh, tơnguh rài kis cau lơh broă tơnơ\ mờ tu\ neh bơsram broă lơh in. Broă geh ai bơh gah lơh broă dê gam wèt tus broă lơh sa suơn sre công nghệ cao, kloh, lơh sa suơn sre hữu cơ wèt tus broă lơh sa suơn sre ngăc ngar pơgồp bal mờ hơ\ là broă kờ` bè cau lơh broă tàm [òn neh geh bơto broă lơh là uă ngan. Di lah lơh jăt niam broă bơto broă lơh di pal mờ gùng dà broă lơh gah lơh sa suơn sre dê, geh lơh uă, hòi jà cau lơh broă tàm [òn tơnơ\ mờ tu\ neh bơsram broă lơh. Kờ` lơh geh bơta do, ală sở, gah lơh broă pal sền wơl, bơtơl kờ` lơh jăt rơndăp broă di pal mờ broă kờ` bơsram mờ broă lơh bơh tơl tiah dê. Kuơ màng ngan là pal geh broă ring bal uă bè nùs nhơm g^t wă tàm broă lơh jăt bơh ală mpồl lơh broă suơn sre mờ gah Lao động thương binh xã hội tàm broă bơto broă lơh sa suơn sre mờ ờ di broă lơh sa suơn. Ồng Nguyễn Xuân Cường đơs là:

Bơta tòm àm broă bơto broă lơh kung pal kah tus mờ ală anih lơh broă, mpồl lơh broă bal, anih lơh sa ka bro dềt. Do là bơta tòm bơh broă bơ\t bơtàu wơl broă lơh sa suơn sre, di lah broă bơto broă lơh geh niam den geh ai tơl^k bơta pràn uă tus mờ cau lơh broă sa suơn sre in. Tàm broă đơng lam, 2 Bộ Nông nghiệp mờ Lao động thương binh xã hội pal pơgồp bal nền nòn, bơyai lơh tam jào broă lơh sùm mờ tơn jơh cồng nha lơh jăt kờ` di tu\ bơsong kal ke tàm broă lơh jăt.

Tơngu me tàm tơngai bơh nam 2016 tus 2020 geh bơto 5 tơlăk 500 rơbô nă cau lơh broă tàm [òn in, dong kờl geh bơta ngăc ngar sơ cấp, bơto broă lơh hờ đơm 3 nhai ai 34 tơlăk 800 rơbô nă cau in. Kờp jơh khà priă lơh jăt ai tơngai do in là 12 rơbô 600 tơmàn priă bơh khà priă dà lơgar dê. Tàm hơ\,. Priă bơh dà lơgar 7 rơbô 746 tơmàn priă, kes priă càr 3 rơbô 403 tơmàn priă mờ hòi jà priă tă bơh ală anih lơh broă ndai tai.

Cau cih mờ yal tơng^t Ndong Brawl