VOV4.K’ho – Tàm sơnam 45, mơya bi Mã Thế Vinh, ơm tàm [òn 2C, thị trấn Dà Teh, kơnhoàl Dà Teh, càr Lâm Đồng neh geh tus rlau 30 nam ngir ma tuý. Tàm mat sền bơh cau tàm mpồl bơtìan dê, rài kis bi Mã Thế Vinh tồn lah neh pal sang lời… Mơya, mờ nùs nhơm brồ guh is bơh să tờm bal mờ bơta pơn jờng, dong kờl  bơh ală cau tờm tàm hìu nhă dê, bi Vinh neh tơn jơh ngir is ma tuý geh cồng nha tàm [òn lơgar:

Deh mờ dờng tàm Cao Bằng, tu\ gam dềt, bi Mã Thế Vinh neh chu jràu phiện mờ ngir ma tuý. Nam 1990, bi Vinh bal mờ hìu nhă lik bơh [òn tờm Cao Bằng mut tàm thị trấn Dà Teh, kơnhoàl Dà Teh, càr Lâm Đồng nàng lơh broă, bal mờ bơta kơp kờ` lơh sa mờ dong bi tơn jơh ngir ma tuý. Bulah bè hơ\, rài kis bi Mã Thế Vinh dê sùm gơ ơm tàm `hu\ kò, ờ geh broă lơi gơtùi tơn jơh. Tus nam 2014, bulah git bi Vinh là cau ngir ma tuý jo\ nam, mơya tài kờ` gơboh bi ùr Nông Thị Lê neh sang bơta đơs lah dơ `o\ tơnhial, bau mờ bi nàng dong bi bơt bơtàu wơl rài kis. Bi ùr Nông Thị Lê yal: “Bơh sơn rờp a` kung git loh là bi Vinh ngir ma tuý nđờ jo\, tu\ tơngai ngir kàr lơi, mơya bơh tu\ bau mờ bi Vinh, tơngai 2 nă ùr bơklau kis bal den a` neh geh ală jơnau tơngkah bi in. A` sồr den bi Vinh đơs là, bơta do tài bơh ai den tàng geh lơh ngan nàng tơn jơh ngir ma tuý.”

Mờ bơta lơh ngan bơh să tờm, bal mờ bơta pơn jờng, dong kờl bơh ală cau tờm tàm hìu nhă mờ mpồl kuang àng dê, ală mpồl bal, làng bol tàm [òn, bi Mã Thế Vinh neh gơtùi tơn jơh ngir ma tuý tàm [òn lơgar. Bi Vinh pà git, bơta pơn jờng dờng ngan rlau jơh dong bi gơtùi tơn jơh ngir ma tuý, ngan ngồn sang ma tuý bơh 3 nam lài là kờ` cèng wơl rài kis gơboh gơbài ai pơ ùr neh jơh nùs kờ` gơboh he. Bi đơs: “Bơta pơn jờng dờng ngan rlau jơh là pơ ùr, hơ\ sồng tus hìu nhă, să tờm he lơh ngan is mờ gơnoar atbồ tàm [òn lơgar tu\ lơi kung sền gròi pơn jờng. Ngir den bòl ngan, ờ [uơn dùl êt lơi. Mờ kờ` tơn jơh ngir den kung ờ [uơn sơl, bơh să tờm he lơh ngan is. He lơh ngan kờ` tơn jơh là gơ jơh. A` tơn jơh ngir mờ broă, tu\ gơ dan ngui ma tuý den lòt um, tàm 3 ngai sùm. Mrềt, duh pal tuh dà nàng um. Ba` tơn jơh ngir mờ ơlak, bìer, ba` lơh bè hơ\. Tơn jơh ngir mờ ơlak, bìer den lơh ờ diơng tus să jan, ờ go\ di [uơn ờ, tơnơ\ den pal tơn jơh ngir 2 bơta tơn.”

Gơtùi sang ma tuý, ùr bơklau bi Vinh tryang trỳông lơh broă sa, bơh hơ\ rài kis lơh sa hìu nhă dê ngai sơlơ bơtàu tơnguh rlau. Tàm mat sền bơh làng bol tàm [òn lơgar dê, bi Vinh bè dùl cău pơn rơ jak bềng nùs nhơm brồ guh is tàm broă tơn jơh ngir tàm [òn lơgar. Ồnh Huỳnh Thanh Trà, atbồ [òn 2C, thị trấn Dà Teh, kơnhoàl Dà Teh, càr Lâm Đồng pà git: “Bi Vinh neh geh cồng nha tàm broă tơn jơh ngir, sang ma tuý mờ rê wơl mờ rài kis bè ờs. Lài ngan là jờng rơ nùs nhơm bi Vinh dê. Kơp kờ` là cau lơi neh ngir kung sền bơh bi Vình nàng đòm jat, sang lời te\ ma tuý nàng rê wơl mờ rài kis gơboh gơbài hìu nhă dê.”

Rlau 30 nam ngir ma tuý, sùm kờ` sang lời mơya ờ gơtùi, mìng tu\ sền wơl să tờm, sền go\ jơnau pơhìn roh hìu nhă hơ\sồng bi Vinh git mờ lơh ngan tơn jơh ngir. Do là cau sơn rờp tơn jơh ngir is geh cồng nha tàm thị trấn Dà Teh, kơnhoàl Dà Teh, càr Lâm Đồng tàm broă mut lơh broă lơh tơn jơh ngir tàm [òn lơgar bơh gơnoar atbồ tàm [òn lơgar mờ mpồl kuang àng lam lơh. Den tàng, jơnau bè nùs nhơm brồ guh is, să tờm tơn jơh is ngir ma tuý geh cồng nha bơh bi Vinh dê gam geh làng bol tàm tiah do sền ngềr ngan.

             Cau cih mờ yal tơnggit K’Duẩn