VOV4.K’ho - Gah lơh broă – cau ling sồt să mờ mpồl bơtiàn dà lơgar pa tơlik kơrnuat sồ 36 ngai 28/9/2015 pơlam sră nggal mut lơh bơta dong kờl tàm broă bơto bơsram tus mờ cau geh màng mờ kac màng mờ kòn khi dê:

Jat mờ hơ\, cau lơh sră nggal dờp bơta dong kờl là;

- Cau ling khin cha jak chài;

- Cau lơh broă khin cha jak chài tàm rài tam lơh;

- Cau ling sồt să, cau dờp bơta dong kờl bè cau ling sồt să, cau ling sồt să khà B;

- Kòn bơh cau ling khin cha jak chài, kòn bơh cau lơh broă khin cha jak chài tàm rài tam lơh;

- Kòn bơh cau lơh broă kac màng lài mờ ngai 01/01/1945;

- Kòn bơh cau lơh broă kac màng bơh ngai 01/01/1945 tus ngai tàu tam lơh nhai 8/1945;

- Kòn cau ling chơt màng, kòn cau ling sồt să; kòn bơh cau ling kòp tê jê să mờ kòn bơh cau lơh broă rài tam lơh gơtìp sơnơm khih điôxin lơh aniai.

- Bơta dong kờl tàm broă bơto bơsram geh mut ngui tus mờ kơnòm bơsram, cau bơsram dờng là kòn cau geh màng mờ kac màng geh cih tàm kơrnuat do gam bơsram tàm ală hìu bơsram ơdu\ bơh sơn rờp, hìu bơsram bè ờs, hìu bơsram kòn cau, hìu bơsram rơcang lài mut kai bơsram dờng, hìu bơsram bơta chài, hìu bơsram ai cau kuet kơlte in di hìu bơsram dà lơgar atbồ; ală hìu bơsram bơto broă lơh geh ơdu\ bơsram bơh 1 nam rlau hơđang halà hìu bơsram dờng di hìu bơsram dà lơgar atbồ;

- Kơnòm bơsram, cau bơsram dờng di cau geh dờp uă bơta dong kờl tàm broă bơto bơsram den mìng geh dờp dùl bơta dong kờl dờng ngan jơnhua ngan rlau jơh.

Cau bơsram dờng dùl dơ\ le\ bơsram tàm uă hìu bơsram bơto broă lơh, hìu bơsram dờng halà uă gah bơsram tàm dùl hìu bơsram bơto broă lơh, hìu bơsram dờng den mìng geh dờp bơta dong kờl jơnhua ngan rlau jơh tàm 1 hìu bơsram bơto broă lơh, hìu bơsram dờng.

Ală khà dong kờl geh mut lơh jat jơnau cih tàm kơrnuat sồ 20 tơlik ngai 14/02/2015 bơh gơnoar atbồ lơgar dê cih bè khà dong kờl tus mờ cau geh màng mờ kac màng.

Sră nggal dờp bơta dong kờl geh:

- Sră yal dan bơsong bơta dong kờl tàm broă bơto bơsram, jat bơta sră sồ 1  (dong kờl bơto bơsram);

- Sră cơng tàng bơh hìu bơsram bè ờs halà hìu bơsram bơto broă lơh, hìu bơsram dờng, (bơta sră sồ 2 – dong kờl bơto bơsram) mờ kơrnuat mut lơh bơta dong kờl tàm broă bơto bơsram, (bơta sră sồ 3 – dong kờl bơto bơsram).

Kơrnuat đơs loh, cơldu\ lơh broă – cau ling sồt să mờ mpồl bơtiàn atbồ, bơyai lơh tơm priă dong kờl ai kơnòm bơsram, cau bơsram dờng geh dong kờl in.

Gơ wèt mờ dong kờl pah nam, tơm priă tàm bồ nam bơsram halà bồ ơdu\ bơsram. Mùl màl, geh tă tơm tàm nhai 10, nhai 11 tus mờ kơnòm bơsram. Tă tơm tàm nhai 11, nhai 12 tus mờ cau bơsram dờng. Dilah kơnòm bơsram, cau bơsram dờng ờ hềt dờp dong kờl pah nam den tơnơ\ geh tong wơl.

Gơwèt mờ dong kờl pah nhai, tă tơm 2 dơ\ tàm nam. Dơ\ 1 tă tơm tàm nhai 10, nhai 11 tus mờ kơnòm bơsram halà nhai 11, nhai 12 tus mờ cau bơsram dờng. Dơ\ 2 tă tơm tàm nhai 3, nhai 4. Dilah kơnòm bơsram, cau bơsram dờng ờ hềt geh dờp dong kờl pah nhai den tơnơ\ geh tong wơl.

Kơrnuat do geh mut ngui ngan ngồn bơh ngai 12/11/2015.

                                                         Cau cih mờ yal tơngit K’ Duẩn.