VOV4.K’ho - Pah tu\ satềp tus, broă kờ` geh phan sa làng bol dê tơnguh uă rơlao mờ pơgồp bal mờ hơ\ là nùs nhơm ờ su\k ơm bè kloh niam ờ do ờ dă tàm phan sa. Tàm càr Dak Lak, tơngai lồi nam, ală anih lơh broă geh gơnoar pơn jăt sùm go\ ală rơndeh pơn diang phan [ơ\, ờ g^t loh anih lơh gơs tus tàm drà kă bro. Gah loh broă geh gơnoar gam lơh jăt ală broă lơi kờ` kơrian mờ ală cau tru\ sa mờ ngui sa geh broă rơwah phan sa bè lơi tàm bơta do. Cau ai tơng^t jơnau đơs do geh jơnau yal!

Tàm ală ngai lồi nam 2015, anih lơh broă geh gơnoar càr Dak Lak sùm go\ mờ ku\p ală dơ\ rơndeh pơn diang poăc phan ròng neh ồm gam tàm gùng tus tăc tàm drà lơh uă cau ngui sa ờ su\k ơm. Rơwah phan sa tàm ală drà mờ ală hìu tăc phan pin dờn mờ tơmù tus mờ khà ờ uă ngan ală phan sa neh lơh lài là broă mờ mò Trần Thị Bích Thuý, kis tàm gùng Lê Hồng Phong, [òn dờng Buôn Ma Thuột, càr Dak Lak kờ` sơndră mờ phan sa gơtìp [ơ\: “Tu\ do phan sa uă anih lơh gơs ngan, lơh he ờ su\k ơm ngan, tu\ ngui den ngòt lơh aniai tus mờ bơta pràn kơl dang să jan, den tàng tu\ do a` tus blơi tàm ală hìu tăc pin dờn di gơlan mờ khà priă kas rơlao mơya niam ờ do ờ dă tus mờ bơta pràn kơl dang să jan rơlao, ha là ală anih geh phan sa mờ he neh ngui uă dơ\ mờ go\ gơlơh niam den he rơwah, ờ di 1 dơ\ mờ uă dơ\  bơh tàm broă kơlôi sơnơng hơ\ sồng ngui”.

Gam ròng kòn dềt mờ kòn gam tàm tơngai bơsram sa, lo\ Hồ Thị Bé, kis tàm kơnhoàl Cư\ Kuin, càr Dak Lak nền nòn ngan tàm broă rơwah ală bơta phan sa kờ` drơng ală dơ\ sào sa hìu nhă in. Lo\ Hồ Thị Bé pà g^t, tu\ rơwah phan sa tàm ală drà bè ờs, broă lài ngan gam là ală phan g^t anih lơh loh làng: “Lài ngan bè phan kờ blơi, tơnơ\ mờ hơ\ tus mờ ală khà măt phan bal mờ tơngui ngui den hơ\ sồng a` blơi. Mìng là sền gròi tus mờ anih lơh mờ di lah go\ phan lơi ris niam den a` rơwah nàng blơi”.

Tềng đăp mờ ală jơnau yal bè broă biăp, kơnuh, plai chi gam gơlời sơnơm sền gàr phan tam, poăc sur geh phan lơh tơnguh `jơ\, phan lơh geh uă pơrlang, poăc iar gan nàhr dà lơgar bơh lơgar bơdìh tus tàm drà mờ ngòt kòp bơh broă ngui phan sa ờ kloh; ờ mìng lo\ Hồ Thị Bé, mờ Trần Thị Bích Thuý mờ ală cau ngui sa tàm càr Dak Lak tu\ do ndrờm ờ pin dờn tàm phan sa geh tăc hờ bơdìh drà, den tàng geh uă làng bol neh rơcang jòi tus mờ phan sa kloh niam hìu nhă in.

Broă kloh niam mờ ờ do ờ dă tàm phan sa sùm là broă ờ su\k ơm sùm bơh ală cau dê, ờ mìng mờr tus tàm satềp bè tu\ do. Kuơ màng ngan là tềng đăp mờ broă go\ ală rơndeh pơn diang phan sa ờ kloh niam gam jòi tơl bơta mu\t tàm drà kờ` tăc sơlơ lơh nùs nhơm cau ngui sa tàm càr Dak Lak ờ su\k ơm ngan bè phan sa tàm drà tu\ do. Den tàng, đah sền gàr kloh niam  phan sa gơwèt gah lơh sơnơm càr Dak Lak neh tơnguh broă sền gròi nền nòn broă lơh kloh niam ờ do ờ dă tàm phan sa, mờ geh ală jơnau bơto sồr tus mờ làng bol. Cau ai tơng^t jơnau đơs do neh geh dơ\ tìp mờ boh bơr mờ bác sĩ Trần Văn Tiết, kuang jăt jơng atbồ đah sền gàr kloh niam ờ do ờ dă tàm phan sa càr Dak Lak bè tơnguh me do:

- Ơ bác sĩ Trần Văn Tiết, di tàm satềp, broă kờ` ngui phan sa geh tơnguh uă, den tàng broă gàr niam ờ do ờ dă tàm phan sa sơlơ pal geh sền gròi ngan. Bè đah sền gàr kloh niam ờ do ờ dă tàm phan sa càr geh lơh jăt ală broă sền gròi bè lơi?

Bác sĩ Trần Văn Tiết: Tus tu\ do, đah sền gàr kloh niam ờ do ờ da tàm phan sa neh lơh rơndăp broă mờ yal anih duh broă làng bol càr tơl^k kơrnoăt kờ` crơng gơs 3 mpồl sền gròi ală gah lơh broă kờ` sền gròi tàm satềp. Tàm hơ\ geh 1 mpồl gah lơh sơnơm càr, 1 mpồl gah kă bro càr mờ 1 mpồl geh đah lơh sa suơn sre brê bơnơm phan tàm dà lam bồ kờ` sền gròi broă kloh niam ờ do ờ dă tàm phan sa, bơyai lơh sền gròi bơh tu\ do tus satềp.

- Pa do, ală mpồl lơh broă geh gơnoar tàm càr Dak Lak sùm go\ ală rơndeh pơn diang phan sa ờ kloh niam tus tàm drà. Bơdìh mờ dơ\ geh sền gròi uă tàm drà kă bro den đah sền gàr kloh niam ờ do ờ dă tàm phan sa geh pơgồp mờ ală gah gơrềng bal bè lơi kờ` broă sền gròi geh lơh sùm kờ` kơrian ală phan sa ờ kloh niam do?

Bác sĩ Trần Văn Tiết: Gơwèt mờ ală bơta phan sa là poăc phan ròng ờ kloh niam, den gơnoar sền gròi là bơh gah lơh sa suơn sre dê. Mơya bè gah lơh sơnơm kung bè ală gah gơrềng bal kung pal tơnguh broă sền gròi tàm gah do sơl mờ geh pơgồp bal. Bè tàm dơ\ pa do, ală gah lơh broă geh go\ rơndeh pơn diang mờr 2 tấn phan sa ờ kloh niam den đah sền gàr drà kă bro kung neh pơgồp bal mờ đah sền gàr kloh niam ờ do ờ dă tàm phan sa mờ neh di tu\ go\ mờ tơ\p pơrgu\c khà phan sa ờ kloh hơ\.

- Bác sĩ geh jơnau bơto lơi tus mờ ală cau ngui sa tàm broă rơwah phan sa đơs bal mờ di tàm satềp tus do đơs is?

Bác sĩ Trần Văn Tiết: Kờ` gàr niam ờ do ờ dă phan sa, bơto sồr làng bol pal blơi phan sa tàm ală anih pin dờn, tơl niam geh ală gah lơh broă geh gơnoar ai ală sră dờp tơl bơta kloh niam ờ do ờ dă tàm phan sa, ha là ală drà, ală drà do geh ală anih lơh broă geh gơnoar tơnguh broă sền gròi den tàng bơta niam phan sa geh uă rơlao. Di lah blơi tàm ală drà ndai den làng bol pal kah tus mờ bơta niam ờ do ờ dă kung bè ală phan sa neh klơm lài den pal geh cih măt phan di mờ kơrnoăt neh ai ha là tơngai ngui gam niam, gam jo\ den hơ\ sồng blơi ală phan sa hơ\. Pleh mờ blơi ală phan sa kas priă mờ neh jơh tơngai ngui den lơh aniai tus mờ bơta kloh niam phan sa.

- Dan ưn ngài bác sĩ bè dơ\ boh bơr do!

Cau cih mờ yal tơng^t Ndong Brawl