VOV4.K’ho - Viêm não Nhật Bản B la kòp bơtờp ngòt rngơt ngan, ngan la mờ kơnờm dềt hơđơm 15 sơnam,  geh khà gơbàn chơt  ua\ ngan mờ gal ngan cau kis drờm geh gơ lời aniai kơnjơ\ ngan. Bơh bồ nam 2017 tus tu\ do,  tàm [òn dờng Buôn Ma Thuột neh gơlik geh 2 na\ cau gơbàn kòp viêm não Nhật Bản B, tàm hơ\ geh dùl na\ cau kòp do neh chơt. Tềng gơbàn do, Trung tâm Y tế [òn dờng neh bơyai lơh dơ\ cit sơnơm vaccine rcang sơndra\ kòp viêm não Nhật Bản B jơh ala\ kơnòm dềt bơh 6 tus 15 sơnam tàm [òn dờng, nàng  kơryan bơta bơtờp bơh kòp do.

            Broa\ lơh cit sơnơm viêm não Nhật Bản B tàm kơnòm dềt bơh 6-15 sơnam geh Trung tâm Y tế [òn dờng Buôn Ma Thuột mut lơh bơh ngai 2/10 tus ngai 27/10/ 2017, mờ tơnggu me la sền wơl ala\ cau neh cit sơnơm, cit bơsir tus ala\ cau ờ hềt cit tơl ding mờ cit vét ai tus ala\ cau ờ hềt cit. Pơnjat hơ\,  broa\ lơh  cit sơnơm geh tam pà gơs 2 mpồl. Bác sĩ Lê Văn Thiện, Atbồ Trung tâm Y tế [òn dờng Buôn Ma Thuột, càr Daklak ai git:

            Tàm tơngai pa đơs tàm [òn dờng Buôn Ma Thuột neh geh 2 na\ cau gơbàn kòp viêm não Nhật bản B. Den tàng, broa\ lơh bơh dơ\ cit sơnơm dơ\ do la cit ai tus ala\ kơnòm dềt ờ hềt cit tơl 3 ding vaccine viêm não Nhật bản B. Bơh lòt sền, bol a` geh đơs ala\ trạm y tế mut lơh niam ngan, geh lơh bal niam mờ ala\ hìu bơsram tàm  [òn dờng, ala\ broa\ lơh kung bè broa\ lơh sền gàr vaccine drờm geh lơh di ala\ geh cih.

            Tài cau geh cit sơnơm la kơnòm dềt tàm sơnam gam  lòt bơsram den tàng broa\ lơh cit sơnơm ua\ ngan geh bơyai lơh tàm hìu bơsram kấp hai mờ kấp một. Mờ kơnòm dềt ờ lòt bơsram mờ kơnòm dềt rah rài den geh cih tàm ala\ Trạm y tế xã, sơnah [òn.

            Hìu bơsram kấp một- hai- ba Victory  di sơnah [òn Tân Tiến, [òn dờng Buôn Ma Thuột la dùl tàm hìu bơsram geh gal ngan kơnòm bơsram. Tàm dơ\ cit sơnơm dơ\ do,  hìu bơsram geh rlau 400 na\ oh kờ` pal geh cit sơnơm rcang sơndra\ lài kòp viêm não Nhật Bản B. Tàm bùi cit sơnơm, ala\ broa\ bơyai lơh bơh kơbàng cit, kơbàng dong pơlam, tiah geh sền gròi tơnơ\ jơh cit… drờm geh rcang nền nòn ngan. Tơl mpồl dềt kơnòm bơsram geh sap sèng ìol ngan kơp tus sa\ tờm geh cit bơh bơta pơlam, tơng kah bơh pơgru chủ nhiệm den tàng broa\ lơh do geh lơh niam, nền nòn ngan. Kơnờm bơh hơ\, broa\ cit sơnơm geh lơh niam, ờ do ờ da\, ờ geh gơ lik bơta lơi. Đơs bè broa\ rcang tus cit sơnơm, bi Nguyễn Thành Vũ, cau kuang lơh broa\ tàm Phòng y tế, hìu bơsram kấp một-hai-  ba Victory ai git:

            Tu\ dờp geh công văn bơh Trung tâm y tế [òn dờng, Phòng y tế bơh hìu bơsram Victory neh mut lơh mo broa\ lơh nền nòn ngan: pơyua jơnau yal  tus jơh ala\ mè  bèp kơnòm bơsram nàng geh sền wơl broa\ cih sơnơm bơh ala\ oh, tơnơ\ hơ\ geh pơyua sra\ mat tus Trạm y tế sơnah [òn nàng geh lơh bal mut lơh broa\ lơh do. Mờ kơnòm bơsram, bol a`  kung neh  lơh broa\ lơh bơto pơlam tus mờ ala\ oh tài khi gam dềt den tàng ờ hoan khin mờ ngòt tu\ đơs tus la cit sơnơm rcang lài kòp.

            Tàm dơ\ lơh cit sơnơm dơ\ do, hìu bơsram kấp một Ngô Quyền di sơnah [òn Tân Thành, [òn dờng Buôn Ma Thuột geh 320 tàm 1.138 na\ kơnòm bơsram kờ` cit vaccine. Dờp go\ do la broa\ lơh geh pơrya kuơ màng ngan tàm broa\ sền gàr pràn sa\ ja` ala\ oh, Ban giám hiệu hìu bơsram neh lơh bal mờ Trạm y tế sơneh [òn Tân Thành lơh cih mat, sền wơl ala\ cau kờ` cit. bal mờ hơ\, hìu bơsram neh yal tus mè bèp kơnòm bơsram bè tơnggu me bơh broa\ lơh cit sơnơm nàng geh lơh mo broa\ pơn iang, pơn dờm nùs nhơm  ala\ oh, kờ` gàr niam broa\ lơh do geh niam, geh cồng nha. Mò Phạm Thị Thanh Thủy, Phó Hiệu trưởng hìu bơsram kấp một Ngô Quyền, [òn dờng Buôn Ma Thuột đơs:

            Tàm broa\ lơh cit sơnơm geh lơh,  hìu bơsram neh rcang phan bơna  tơl, bè rcang 2 ơdu\ cit sơnơm mờ dùl ơdu\ ai ơm rlô nàng sền tơnơ\ cit sơnơm. Geh lơh bal mờ Trạm y tế  klài dà sơdàng ai kơnòm bơsram in hùc lài mờ tu\ cit sơnơm kung bè sền gròi tơnơ\ neh cit. Hìu bơsram dờp go\ do la broa\ lơh ngan ngồn, pơ gồp bal rcang sơndra\ mờ lơh tơmù ala\ bơta gơbàn aniai bơh kòp viêm não Nhật Bản B lơh aniai tus mờ kơnòm dềt.

            Tơnjơh  dơ\ cit sơnơm vaccine kòp viêm não Nhật Bản B, [òn dờng Buôn Ma Thuột neh cit tus rlau 30 rbô na\ kơnòm dềt, geh tus rlau 97,6%. Mờ cồng nha do, [òn dờng Buôn Ma Thuột kơp kờ` geh ờ gam gơbàn ngan tus  mờ cau gơbàn kòp viêm não Nhật Bản b pa tàm tơngai tus.

            Jat jơnau yal bơh Trung tâm Y tế dự phòng càr Daklak, bơh bồ nam 2017 tus tu\ do,  gùt càr neh git geh 5 na\ cau gơbàn kòp  viêm não Nhật Bản B, jơh ala\ drờm la kơnòm dềt  hơđơm 15 sơanm, tàm hơ\ geh dùl na\ oh neh chơt. Cau gơbàn kòp gơguh  ua\ tus 2 dơ\ pơndrờm mờ nam 2016.

            Ala\ tiah geh cau gơbàn kòp do la [òn dờng Buôn Ma Thuột mờ ala\ kơnhòal Krông Ana, Cư\ Kuin, Ea Súp, Krông Pach. Jơh 5 na\ cau gơbàn kòp drờm ờ cit sơnơm hala cit sơnơm ờ tơl ding vaccine viêm não Nhật bản B. 4 na\ cau geh dong  kis drờm gơbàn aniai la gơ lời pơ nời la lơng mờ ờ niam tàm tơngoh.

            Gah lơh sơnơm  geh yal lài ala\ broa\ lơh niam ngan rlau jơh tu\ do nàng  rcang sơndra\ kòp viêm não Nhật Bản B la cit sơnơm vaccine rcang sơndra\ kòp di tơngai pơrgon di tơl ding sơnơm, ngan la tàm ala\ tiah lơh kòi sre mờ ròng phan ròng dờng. Tơngai cit nền nòn bè tơnơ\ do: Ding dùl, tu\ kòn dềt tơl dùl nam, ding 2, tơnơ\ cit ding dùl di 1 poh, ding 3 tơnơ\ cit ding  2 di dùl  nam. Tơnơ\ hơ\, sùm tàm 3 nam den cit  wơl dùl ding.

                                    Cau cih mờ yal tơnggit K’ Brọp