Kuang gơs gơnăp gơnoar atbồ hờ đang rlao jơh dà lơgar pa geh kơrnuat broa\ lơh krơi is bè ntrờn làng bol tus kis, ai ơm kis bòn pa bơh broa\ lơh bơtơt rbòng dà, bơt dà hìu mai\ pờ tơlik ồs đèng nàng geh tơm pria\, dong kờl, ai ơm kis tiah pa tus làng bol tu\ dà lơgar geh ai wơl ù.

Kuang gơs gơnăp gơnoar atbồ hờđang rlao jơh dà lơgar pa geh Kơrnuat broă lơh is rơmis bè ntrờn làng bol, ntrờn ơm kis pa ală rơndăp broă lơh bơ tơt dơng dà, hìu măi pờ tơlik ồs đèng.

Kơrnuat cih mùl màl bè broă rơndăp ù tiah ntrờn ơm kis pa, tơm wơl bè ù; phan bơna tàm ù;  dong kờl lơh hìu ơm, broă bơ\t bơtàu ndai, phan lơh hìu geh bal hìu ơm tàm tiah ntrờn ơm kis pa; dong kờl lơh gùng ing nàng ntrờn cau mờ phan bơna; dong kờl kơ\ kơl jăp rài kis…

Mùl màl bè do, hìu ntrờn ơm kis pa ntrờn tus tiah ntrờn ơm kis pa tơr gùm bal bòn lơgar geh tơm wơl bè ù (ù ơm, ù lơh sa) bơh broă jàu ù geh bal jơnau kờn ngui mờ bơta ù tơm wơl jăt rơndăp ù tiah geh ki\.

Hìu ntrờn ơm kis pa ơm tàm bơrlu\ bal geh tơm wơl bè ù bơh broă jàu ù ơm, ù lơh sa, dipal mờ bă ù bơh tiah ntrờn ơm kis pa geh ki\ mơya ê\t ngan kung pal geh ai tơl ù ai tơl hìu ntrờ` ơm kis pa in ndrờm bal mờ khà kờp bal bơh hìu ơm kis tàm tiah hơ\ dê.

Bè bơsong lin khà priă ù tiah lòt mờ tiah tus, Kơrnuat cih loh, khà priă ù lơh sa sươn sre geh jàu ê\t rlau mờ khà priă ù gơtìp toh wơl den hìu ntrờn ơm kis pa geh tơm wơl bơnah priă lin. Khà priă ù lơh sa sươn sre geh jàu jơnhoa rlau mờ khà priă ù gơtìp toh wơl den hìu ntrờn ơm kis pa ờ duh pal tong bơsir bơnah khà priă lin.

Bal mờ hơ\, hìu ntrờ` ơm kis pa gam geh dong kờl mờ priă nàng lơh hìu ơm, broă bơ\t bơtàu ndai, phan ngui lơh hìu đam geh bal hìu ơm mờ khà dong kờl bè do: Hìu ơm kis is dùl nă să geh dong kờl ndrờm mờ 15 thơk vuông lơh; Hìu geh uă cau den cau dơ\ dùl geh dong kờl ndrờm mờ 15 thơk vuông lơh, bơh cau dơ\ 2 tus hơđăng, tơl nă cau gơguh tai geh dong kờl ndrờm mờ 5 thơk vuông.

Bè dong kờl lơh sa, Kơrnuat cih loh, dong kờl 3 nam priă bơto pơlam broă lơh sa ai hìu ntrờn ơm kis pa geh jàu ù lơh sa sươn sre là ù ờ niam pal lơh niam wơl mờ ù rồ. Khà mùl màl bơh anih duh broă làng bol càr dê ai.

Gơ wèt mờ hìu gơtìp aniai tu\ dà lơgar toh wơl ù lơh sa nàng lơh bòn, tiah ntrờn ơm kis pa geh dong kờl dùl dơ\ jăt bă ù lơh sa gơtìp toh wơl. Khà dong kờl lơh sa ờ uă ir 2000 đong dùl thơk vuông ù toh wơl. Khà dong kờl mùl màl bơh anih duh broă làng bol càr dê ai.

Kơrnuat cih mùl màl broă dong kờl tam gơl tus chi tam, phan ròng geh priă jền lơh sa uă; dong kờl sền gàr brê, bơtàu tơnguh brê mờ lơh sa sươn sre, brê bơ nơm pơ gồp bal; tam gơl broă lơh…nàng làng bol tơ nơ\ ntrờn ơm kis pa kơ\ kơl jăp rài kis mờ lơh sa.

Mùl màl, geh dong kờl dùl dơ\ priă blơi sơntìl mờ dong kờl 3 nam sùm priă blơi phơng sih nàng tam gơl bơh tam chi pah nam tus tam chi jo\ nam; dong kờl priă blơi sơntìl mờ phơng sih ai 3 kàl lơh sa tàm pơn jăt tai in nàng tam gơl rơndăp tăp sèng sơntìl tus mờ chi lơyah ngai; dong kờl 2 dơ\ priă blơi sơntìl iar ada mờ phan tàm dà halà dùl dơ\ priă blơi sơntìl phan ròng, bè sur rơpu kơn rồ, khà dong kờl ờ uă rlau 10 tơlăc priă dùl hìu…

Kuơmàng, gơ wèt mờ hìu rbah jăt khà hìu rbah gam ngui tu\ do, bơdìh mờ geh dờp ală bơta dong kờl jăt jơnau pal jăt gam geh dong kờl priă cồng càn priă ndrờm mờ 50% priă cồng ai càn hìu bơnhă rbah gam ngui tu\ do in nàng blơi sur rơpu, kơn rồ, iar ada, phan tàm dà halà bơtàu tơnguh broă lơh. Khà càn geh dong kờl uă ngan rlau jơh là 50 tơlăc priă ai dùl hìu in...

                                                            Cau mblàng Lơ Mu K’ Yến.