VOV4.K’ho- Sơnoa boh lam nam 2013 lơgar he dê ờ mìng geh jơnau cih bè kơnòl bơh Dà lơgar dê tàm broă dong làng ală jơi bơtiàn kòn cau lơm mờ kuơmàng rlau là Dà lơgar ai tơl bơta nàng ală jơi bơtiàn kòn cau in ngui niam bơta pràn is, bơtàu tơnguh bal mờ dà lơgar. Do là bơta kơlôi sơnơng pa, cih dờp mờ đơs nền bơta rcăng lài brồ guh bơh làng bol jơi bơtiàn kòn cau dê, ờ go\ di mìng kơ\p kơnờm lơm tàm bơta dong kờl bơh Dà lơgar dê.

Uă nam do, bơta ờ geh broă lơh, ờ tơl broă lơh tàm tiah kơh bơnơm, tiah sar lơgar ngài kung gam geh khà uă sơl. Tơnơ\ pah nam bơsram, geh gi\t nđờ jơ\t rbô nă kơnòm bơsram ơdu\ 9 tàm tiah kơh bơnơm đah tô dà lơgar ơm tềng đăp bơta sac rwah: pơn jăt tai bơsram kấp pa halà sơrbì bơsram nàng lòt lơh broă taih. Mờ 3 nam do, geh dùl broă lơh bơsram sơrbac mhar neh mờ gam geh ală tiah lam lơh. Broă lơh do sơnđan là “9 cộng”. Jăt broă lơh bơto broă lơh 9+, ală oh là kơnòm bơsram guh ơdu\ 10, gơtùi bơsram sră ndang nàng lơh gơs jơnau bơsram kấp pe mơkung gơtùi bơsram sơl broă lơh nàng geh sră cơng tàng jơh bơsram broă lơh trung cấp. Do gơtùi sền là dùl tàm ală broă lơh ngui niam mpồl cau lơh broă geh cồng nha.

Oh Sằm Thị Chung, cau jơi bơtiàn Dao là kơnòm bơsram nam lồi du\t ơdu\ trung cấp tam phan mờ sền gàr phan tam, hìu bơsram cao đẳng broă lơh jơi bơtiàn kòn cau ơm sa tơn tàm hìu bơsram Bắc Kạn. Bulah sơnam dềt mơya bơh tu\ bơsram kấp 2, oh neh geh jơnau kơlôi sơnơng lòt jăt gùng lòt bơsram broă lơh mờ geh bơsram pơn jăt tai guh tus cao đẳng, tơnguh uă bồ tơngoh jak chài tàm broă lơh. Oh Sằm Thị Chung, đơs: Tơnơ\ tu\ lik klờng den oh kờ` lòt lơh broă hờ ală lơgar geh rài lơh sa sươn sre hữu cơ bơtàu tơnguh pràn, bè Nhờk mờ Đài Loan den oh geh lùp bơsram ală mờng chài, đòm jăt geh bơta jak chài tàm broă bơsram. Tơnơ\ tu\ rê wơl den oh geh sơnđờm mu\t lơh broă.

Bulah bè hơ\, dùl êt nă ngan oh kòn cau jơi bơtiàn kòn cau mhar geh jơnau kơlôi sơnơng bơsram broă lơh bè oh Chung. Tài bơh geh uă tiah lơh sa mờ măy mok rềp bal den tàng jơh ală mpồl cau lơh broă gam kơnòm să tàm tiah kơh bơnơm neh rwah lòt lơh broă tàm đah bơdìh. Tơnơ\ bơh 5 tus 10 nam, wơl rê wơl hờ [òn lơgar tờm, bơta ờ geh broă lơh gơlik geh wơl tai. Klau pơgru Vũ Tố Uyên, Kuang ătbồ Khoa Cơ điện, Hìu bơsram Cao đẳng Broă lơh kòn cau ơm sa tơn tàm hìu bơsram Bắc Kạn, pà gi\t: Ală nam rềp ndo, uă ngan oh jơh bơsram kấp pe den ală oh lòt lơh broă tàm ală công ty. Bè hơ\ den tơnơ\ tu\ lơh dùl tu\ tơngai den ală oh wơl rê wơl hờ [òn lơgar mờ ờ hềt geh broă lơh. Ngan den tàng bè hơ\ mờ tơngai rềp ndo, ală oh hơ\ sồng pa kơlôi là bơsram broă lơh den hơ\ sồng là bơnàng jă kơ\ kơl jăp bơh he dê mờ ală oh geh sac rwah ai he in là gùng lòt bơsram broă lơh.

Nàng tơnguh uă bơta gi\t wa\ cau bơsram kung bè dong sac rwah gờ` ai kơnòm bơsram in bơh ơdu\ 9 tơn, broă lơh 9+ neh dong oh kòn tiah jơi bơtiàn kòn cau geh tu\ niam sac rwah bơsram broă lơh geh tu\ niam broă lơh niam rlau tai. Kơnòm bơsram jơh bơsram kấp 2 lòt bơsram trung cấp broă lơh geh ờ sa priă bơsram tàm jơh ală hìu bơsram cao đẳng. Ala tài sơrbì bơsram nggùl gùng ơm tàm [òn lơgar, dong hìu bơnhă lơh sre halà lòt tus ală tiah drà nàng lơh broă khăt gơboh, priă lơh geh dùl êt, mìng tơnơ\ 2 nam bơsram, ală oh geh sră cơng tàng jơh bơsram sră, mơkung geh dùl sră cơng tàng jơh bơsram trung cấp broă lơh bal mờ priă nhai geh bơh 4 tơlak 700 rbô đong. Oh Hoàng Văn Quang, ơm tàm xã Sơn Nam, kơnhoàl kơh bơnơm Sơn Dương, càr Tuyên Quang pà gi\t: Tàm hìu bơsram geh bơtê lơh broă tơn mờ geh hìu bơsram yal tơngi\t lòt lơh, geh priă nhai sùm mờ broă kung geh sùm sơl.

Jăt ồng Lê Quân, Thứ trưởng Bộ Lao động, Thương binh mờ Xã hội đơs, gơ wèt mờ kơnòm bơsram, broă sac rwah broă lơh “9+” là gùng lòt lơyah mờ dipal mờ bơta pràn jak bơh uă oh dê nàng geh dùl broă lơh mờ priă lơh geh sùm. Tơnơ\ tu\ bơsram geh sră cơng tàng jơh bơsram trung cấp, ală oh gơtùi bơsram guh tus cao đẳng mờ đại học. Ồng Lê Quân, đơs: Bol he gơtùi rơndăp lơh broă bơto bơtê bơh 2 tus 4 nam halà 5 nam, gơ jăt tàm tơl gah broă nàng ală oh in geh sac rwah. Mờ broă bơto bơtê do geh rơndăp lơh jơh ală mờ jàu gơnoar rcăng lài uă ngan ai kuang ătbồ hìu bơsram ală hìu bơsram cao đẳng, trung cấp in nàng rơndăp lơh đah bơto bơtê broă lơh mờ bơto bơtê sră geh pơgồp bal wơl bal mờ gơ\p. Bè hơ\ den ală oh geh bơsram jơh jơnau bơto bơtê broă lơh den kung geh sơl bơta git wa\ bơsram sră ngan ngồn mờ ală oh geh gơnoar mu\t bal tàm drà lơh broă nàng geh dùl broă lơh niam halà bơsram guh ơdu\ dờng pơn jăt tai.

Ala tài roh tai 3 nam jăt bơsram kấp pe, bơh tu\ jơh bơsram ơdu\ 9 tơn, kơnòm bơsram gah trung cấp cao đẳng geh mu\t bal tàm drà lơh broă gờ` rlau. Do là dùl tàm ală broă lơh geh kuơ ngan nàng kờ` sac rwah pràn tơnơ\ bơsram kấp pe, lơh pràn bơto cau lơh broă geh bơta chài tàm broă lơh, ngan là cau lơh broă geh broă lơh jak ngan pơgồp bơnah bơtàu tơnguh lơh sa- mpồl bơtiàn ală tiah kơh bơnơm đah tô dà lơgar in.

Jăt VOV4- Cau mblàng Lơ Mu K’Yến