VOV4.K’ho – Poh lài, Quốc hội neh lơh gơs dơ\ lùp mờ hơ jơnau lùp tàm pơrjum dơ\ 7 wèt tus 4 mpồl bơta gơ wèt kơnòl tờm bơh 4 nă Bộ trưởng dê, là Bộ trưởng Bộ Kuang àng, ồngTô Lâm; Bộ trưởng Bộ Xây dựng, ồng Phạm Hồng Hà, Bộ trưởng Bộ Giao thông vận tải, ồng Nguyễn Văn Thể, Bộ trưởng Bộ Văn hoá-Thể thao mờ Du lịch, ồng Nguyễn Ngọc Thiện. Cồng nha dơ\ lùp mờ hơ jơnau lùp ai go\ ală tơngume lùp di ngan tàm ală broă bơh rài kis lơh sa mpồl bơtìan mờ làng bol, cau te\ khà gùt lơgar mờ ală kuang bàng ala mat sền gròi.

Tus bal dơ\ lùp mờ hơ jơnau lùp geh 230 dơ\ kuang bàng ala mat tus bal lùp mờ cribơyai bal. Dơ\ lùp geh lơh tàm nùs nhơm duh hồl, lơh tờm, song dơpă, geh kơnòl mờ cèng bơta bơt bơtàu. Ală kuang bàng ala mat geh jơnau lùp lơyah, tơr gùm tàm broă mờ he sền gròi, mơkung song dơpă đơs tus ală bơta ờ niam, mờ kơp kờ` Chính phủ, ală Bộ, gah lơh broă pơn jat tai geh ală broă lơh di tu\ bơsong.

Tàm dơ\ lùp Bộ trưởng Bộ Kuang àng, ồng Tô Lâm, jơh ală jơnau đơs ndrờm đơs bơta ờ suk gơ rềng tus cau tìs ma tuý, mờ broă gơguh uă khà dơ\, khà cau gơtìp yă mờ uă broă lơh tìs ờ kờp mờ gram, halà kilogram mờ kờp mờ tấn. Ală kuang bàng ala mat neh song dơpă đơs tus kơnòl bơh gah kuang àng dê lời gơguh uă khà broă tac, pơndiang, prap ơn ma tuý mờ khà uă ngan.

Cau te\ khà Tây Nguyên sền gròi ngan tus bơnah lùp bơh Kuang bàng Quốc hội dê wèt tus mờ Bộ trưởng Bộ Giao thông vận tải, ồng Nguyễn Văn Thể. Jat jơnau đơs bơh cau te\ khà dê, gah gùng lòt pơndiang phan gam geh uă ngan bơta ờ niam, sồr Bộ trưởng pal cèng jơh nùs nhơm geh kơnòl, broă lơh ngan hơ\ sồng gơtùi lơh gơs kơnòl broă. Ală broă geh ai tơlik Bộ trưởng in ndrờm đơs di ală bơta kơp kờ` bơh cau te\ khà dê, kuơ màng là gơ rềng tus ală broă bè: crap anih ai priă ờ ơm rơndeh, gơ rềng tus bơta niam broă lơh BOT, pơr lòng lơh sră ma\i rơndeh… Cau te\ khà Đỗ Anh Hiền, ơm tàm thôn Hoà Bình, thị trấn Dran, kơnhoàl Đơn Dương, càr Lâm Đồng geh jơnau đơs:

A` kơp kờ` là Quốc hội, dà lơgar pal sền sơwì, atbồ krà` cê, geh ală broă lơh pràn rlau tai gơwèt mờ ală cau ma\i rơndeh. Kuơ màng bè cau ma\i rơndeh gùng jòng, den geh bơta ci\t ma tuý hơ\ sồng ma\i rơndeh lơh gơbàn ală rềs àr tơm uă rơndeh, uă cau, ngòt rơngơt  ngan.

Cau te\ khà Trần Vinh Thăng, ơm tàm sơnah [òn Nghĩa Đức, thị xã Gia Nghĩa, càr Dak Nông geh jơnau dan, Bộ Giao thông vận tải pal mhar ai anih ai priă is ờ ơm rơndeh lơh broă ngan ngồn mờ pal lơh kơ\ broă atbồ, lơh glài krà` cau `ô ơlak bièr, phan ờ geh ai ngui, ma tuý tu\ ma\i rơndeh:

A` go\ Bộ trưởng hơ di mờ bơta geh ngan ală jơnau lùp mờ cau te\ khà lùp, bal mờ hơ\ a` geh 2 jơnau dan, broă lài ngan là anih ai priă ờ ơm rơndeh, a` kơp kờ` mhar ai ngui nàng cau ma\i rơndeh in ờ huan roh tu\ jiơ ơm rơndeh nàng blơi ve\, bal mờ hơ\ là lơh gơlik bơta loh làng nàng anih ai priă lơh broă geh cồng nha rlau. Broă dơ\ 2 là tàm tơngai pa do, ală cau ma\i rơndeh gùng jòng bè rơndeh kong goa mờ rơndeh nac `ô ơlak, bièr, phan ờ ai ngui bè ma tuý neh lơh gơbàn ală dơ\ rềs àr ngòt rơngơt ngan, den tàng kơp kờ` Bộ trưởng pơ gồp bal mờ Bộ Kuang àng lơh krà` rlau tai nàng rơndeh rơndồ lòt tàm gùng ờ huan lơh gơbàn hoàc huơr bè phan bơna mờ kòn bơnus.

Dơ\ lùp mờ hơ jơnau lùp bơh Bộ truởng Bộ Xây dựng, ồng Phạm Hồng Hà dờp geh bơta sền gròi bơh uă ngan cau te\ khà càr Gia Lai dê. Cau te\ khà đơs, Bộ trưởng neh git broă ai tơlik, mơya bơnah hơ jơnau lùp ờ hềt loh làng, ờ hềt di mờ bơta geh ngan mờ ờ hềt ai tơlik geh broă lơh ngan ngồn, kuơ màng ai ală broă geh sền gròi uă tu\ do tàm gah bơt bơtàu. Mờ bơnah hơ jơnau lùp bơh Phó Thủ tướng, ồng Trịnh Đình Dũng dê, cau te\ khà kơp kờ` Chính phủ geh krà` cê rlau tai lơh broă nàng bơsong ală broă mờ kuang bàng ala mat kung bè cau te\ khà gùt lơgar sền gròi. Cau te\ khà Nguyễn Xuân Anh, ơm tàm sơnah [òn Thắng Lợi, [òn dờng Pleiku, càr Gia Lai geh jơnau đơs:

Tàm gah bơt bơtàu, cau te\ khà kung ờ hềt ngan ngồn pin dờn tàm bơnah hơ jơnau lùp bơh Bộ trưởng dê. Tài ală jơnau hơ bơh Bộ trưởng dê ờ cèng bơta kuơ màng, ngan là bơt bơtàu, mơya ờ ring bal mờ gùng lòt hơ\ sồng phan bơna. Mờ dơ\ 2 tai, tàm bơta geh ngan gam gơlik geh den duh hồl ngan mờ geh tu\ geh ală broă bơt bơtàu a` đơs pơn yơu bè do, cau ai lơh pơn yơu bè brê bê tông den tu\ do pal bơsong bè lơi. Mơya, Phó Thủ tướng kung neh đơs 2, 3 broă lơh kuơ màng. A` mìng kơp kờ` là neh geh broă lơh, mơya broă lam lơh bè lơi nàng gơ in geh cồng nha, bol he ờ gơtùi đơs mờ cau te\ khà hơ\ sồng mìng hơ pơrgon mờ jơnau đơs lơm ờ.

Sền gròi tơngume hơ jơnau lùp bơh Bộ trưởng Bộ Văn hoá, Thể thao mờ Du lịch, ồng Nguyễn Ngọc Thiện dê, cau te\ khà Dương Đăng Cầm, 70 sơnam, ơm tàm hìu sồ 80/2, gùng Nguyễn Đình Chiểu, [òn dờng Kon Tum, càr Kon Tum đơs là, Bộ trưởng Bộ Văn hoá, Thể thao mờ Du lịch kờ` pal sền gròi uă rlau tai tus bơta nùs nhơm gơbàn ờ niam, tài do là jơnau tờm ngan bơh bơta lơh tìs khà tơl niam chài gam gơlik geh pah ngai:

Bộ Văn hoá, Thể thao mờ Du lịch pal geh dùl gùng dà broă lơh bơsong bè lơi bè bơta nùs nhơm tu\ do gơbàn ờ niam ngan. Lik hờ mpồl bơtìan tu\ do, bơh bơta chài boh bơr đah kòn bơnus mờ kòn bơnus ờ gam niam bè lài do tai. Đơs ờ geh bơta niam chài. A` neh sền go\ lài do tàm rài bol a` dê, tu\ tìp cau dờng den he pal lùp còp. Kơ nòm bơsram tìp pơgru den pal ki ngàm mơya tu\ do gơ ờ di ngan. Cau kơ nòm să ờ git ki ngàm cau dờng. Den tàng, a` dan Bộ Văn hoá pal geh gùng dà broă lơh bơsong  bơta do nàng bơ to bơtê bè niam chài tàm rài kis.

Ala mat Chính phủ, Phó Thủ tướng Chính phủ, ồng Phạm Bình Minh neh lơh loh ală broă geh gơ rềng mờ hơ jơnau lùp bơh kuang bàng ala mat Quốc hội dê. Đơs tờm, lơh sa mpồl bơtiàn pơn jat tai geh ală tam gơl niam, Phó Thủ tướng kung neh lơh loh ală bơta [uơn mờ kal ke tu\ Việt Nam tus bal tàm Hiệp định CPTPP; broă lơyài tă priă càn ODA mờ broă atbồ phan bơna ờ git loh anih lơh gơlik bơh lơgar ndai, top mat sơnđan phan bơna Việt Nam. Gơ rềng tus năng lượng lơh gơlik wơl, năng lượng đèng càl mattơngai, Phó Thủ tướng đơs tờm, gùng dà broă lơh pơn jờng bơtàu tơnguh năng lượng lơh gơlik wơl, nàng drơng bơta bơtàu tơnguh lơh sa mpồl bơtiàn in, gàr tơl ồs đèng. Thủ tướng neh geh cơ chế mùl màl nàng pơn jờng bơtàu tơnguh ồs đèng càl, ồs đèng mattơngai:

Chính phủ pơn jờng ngan broă bơtàu tơnguh ồs đèng mattơngai, ồs đèng càl, năng lượng lơh gơlik wơl. Tus nhai 6 nam 2019, kờp du\ là ai ngui ờ do ờ dă 3 rbô MW ồs đèng mattơngai tàm khà 10 rbô MW ồs đèng gam lam lơh ală broă bơcri priă mờ bơt bơtàu rơndap broă. Mờ uă rơndap broă lơh ồs đèng càl kung gam geh ală cau bơcri priă kơ lôi sơ nơng  jơnau sồr kờp jơh rlau 5 rbô MW. Bè hơ\, mờ cơ chế chính sách mờ chính phủ ai tơlik là kờ` pơn jờng bơtàu tơnguh ồs đèng năng lượng lơh gơlik wơl, tàm hơ\ kuơ màng là ồs đèng càl mờ ồs đèng mattơngai.

Tơnơ\ 2 ngai mờ nggùl lùp mờ  hơ jơnau lùp, Chủ tịch Quốc hội đơs, ală kuang bàng Chính phủ hơ jơnau lùp tàm pơrjum dơ\ do ờ pleh ală broă kal ke mờ neh hơ lơh loh ală broă mờ kuang bàng ala mat lùp. Mơkung song dơpă dờp kơ nòl bè ală bơta ờ niam bơh gah broă lơh he dê mờ hơ pơrgon bơsong, lơh gơlik bơta tam gơl niam tàm tơngai tus. Quốc hội sồr Chính phủ, ală kấp, ală gah broă lơh kơ lôi sơ nơng cih dờp tơl làm ală jơnau đơs bơh kuang bàng ala mat Quốc hội, cau te\ khà mờ làng bol dê; lam lơh ring bal ală broă lơh kờ` lơh gơlik bơta tam gơl gơ wèt mờ ală gah broă lơh mờ he atbồ.

Cau mblàng K’Duẩn