VOV4.K’ho - Gah lơh sa suơn sre gam lơh jăt uă broă bơ\t bơtàu wơl broă tơnguh lơh sa. Jăt mờ ală cau jăk chài đơs, broă bơsong kal ke bơh tam gơl trồ tiah, broă lơh sa dềt mờ pơlòng tàm broă tơrgùm bal uă, broă lơh niam wơl broă lơh sa tàm ală gah pal geh sền kuơ tus mờ broă pơgồp bal mờ tơnguh uă khà priă phan geh lơh.

Ồng Lê Văn Bình, Phó Vụ trưởng Vụ Kinh tế, Văn phòng Quốc hội pà g^t, tơnguh GDP bơh broă lơh sa suơn sre, brê bơnơm, phan tàm dà ală nam pa do tơngo\ gơmù. Nam 2014 tơnguh 4%, mơya gơmù pơn jăt tơn 2 nam bơh nam 2015 tus 2016 mờ ndrờm mờ khà 2,6% mờ 1,3%.

-Gah lơh sa suơn sre kal ke kờ` tơnguh geh bè ală nam pa do, tài ală bơta geh tus mờ broă tơnguh bè bơta dờng ơnàng ờ gam geh tai, mơya he gam geh ù tiah tơnguh niam bè bơta niam. Tàm do, di lah bơcri priă uă bè khoa học công nghệ, sơntìl, broă tam, bè broă pơgồp bal den broă lơh gam gơtùi tơnguh, wèt tus gah lơh sa suơn sre geh khà niam.

Bơdìh mờ broă bơsong ală kal ke bè ù tiah bal mờ priă càn sa priă cồng ờ uă anih lơh sa kă bro in, broă lơh kuơ màng ngan mờ gah lơh sa suơn sre pal lơh tàm tơngai tus là tơl^k loh mùl màl drà kă bro mờ lơh nền nòn kờ` tơnguh bơta kuơ phan geh lơh bơh broă lơh sa suơn sre, do là 2 broă lơh tòm ngan tu\ do dê. Ồng Nguyễn Xuân Dương, Phó Cục trưởng Cục chăm nuôi, gơwèt Bộ Nông nghiệp mờ Phát triển Nông thôn đơs, tàm tơngai tus, ală Hiệp định kă bro bal, uă gah mùl màl geh ngui, phan geh bơh broă lơh sa suơn sre pal tàm pơlòng bal mờ phan blơi bơh lơgar bơdìh, lơh gơbàn ờ niam tus mờ broă tơnguh khà niam phan geh lơh bơh broă lơh sa suơn sre đơs is mờ khà tơnguh lơh sa gah do dê.

-Ba` đơs uă ir tus mờ bơta niam bơh gah lơh sa suơn sre dê tàm bă ù, cồng nha mờ khà lơh geh tai, he tơnguh bơta kuơ mờ broă lơh gơs phan ngui sa. Di lah ờ, he lơh gơbàn broă lơh sa suơn sre pờ ơnàng bă ù, cồng nha geh rơlao tai, mờ hoàc huơr phan geh is mờ roh tơngai lơh, lời gơbàn ală bơta lơh aniai dờng. Ba` lơh uă ir, mơya lơh gơs mờ tăc geh priă uă rơlao tus mờ làng bol in kung niam bơne\ rơlao. He lơh mờ tăc phan tơnơ\ mờ tu\ neh lơh gơs niam.

Viện trưởng Viện Chính sách mờ Chiến lược tơnguh bơtàu broă lơh sa suơn sre, [òn lơgar ồng Nguyễn Đỗ Anh Tuấn đơs là, gah lơh sa suơn sre pal tam gơl bồ tơngoh kơlôi sơnơng tàm broă lơh sa, mờ tus bal niam tàm broă tam gơl kờ` tơnguh bơta niam bal mờ bơta kuơ… Kuơ màng là tơnguh niam wơl ală broă lơh, lơh geh cồng nha tàm tơngai do bè: tơl [òn 1 phan geh lơh, ngui broă lơh sa suơn sre công nghệ cao, broă pơgồp bal bơto broă lơh bơh ală anih lơh sa kă bro mờ làng bol lơh sa…

- Pal sền wơl ală cơ chế broă lơh tàm broă lơh sa suơn sre bơh lài tus tu\ do bè: tam gơl ù sre, tam wơl kơphe pa mìng rơ\p geh bơcri 700 tơmàn priă, tàm tu\ sră nggal bơh dà lơgar jào ngân hàng nông nghiệp in là 12 rơbô tơmàn priă, Nghị định 68, Nghị định 210 bè broă hòi jà bơcri priă lơh sa suơn sre gam lơyaì. Bè broă ai càn priă, khoa học công nghệ pal tơnguh bơcri priă mờ pal pơgồp bal broă lơh bal- cau lơh is mờ anih lơh sa kă bro. Tơl^k loh anih ngui kờ` ai anih lơh sa kă bro tus bal, di lah broă kơlôi sơnơng bè tu\ do den kal ke ngan kờ` geh cồng nha.

Tàm pơrjum geh pờ tơl^k tơn tàm internet tơn jơh gah lơh sa suơn sre nam 2016 mờ lơh jăt rơndăp broă nam 2017, Thủ tướng Nguyễn Xuân Phúc sồr gah lơh sa suơn sre pal sền kuơ broă tơnguh niam phan geh lơh. Broă lơh sa suơn sre pal gơdờp mờ tam gơl trồ tiah, tơrgùm bal lơh sa mờ dunia uă, wèt tus broă tăc phan mờ lơgar bơdìh pràn. Den tàng, pal bơ\t bơtàu broă lơh sa suơn sre ngă ngar, ngui khoa học công nghệ cao, ai tơl^k bơta kuơ uă, bơsong broă lơh bal mờ rài kis mpồl bơtiàn, tơnguh rài kis làng bol in, ngan là tàm tiah sar lơgar ngài. Ù tiah tơnguh lơh sa suơn sre gam uă, broă geh ai di lah geh cơ chế, broă lơh, gùng dà broă lơh, broă đơng lam di pal den gah lơh sa suơn sre geh tơnguh bơtàu pràn rơlao.

Cau cih mờ yal tơng^t Ndong Brawl