VOV4.K’ho- Mang ngai 09/01, Mpồl duh broă Sền gàr dong kờl kes priă Sền gàr dong kờl kơnòm dềt Việt Nam gơwèt Ƀộ Lao động, Thương Ƀiñ mờ Xã hội bơyai lơh broă lơh đơs crih tam ya “Sơnam pa ai oh in” dơ̆ 15. Đơs tàm dơ̆ bơyai lơh, Phó Củ tịc lơgar mò Võ Thị Ánh Xuân cih dờp mờ jờng rơ ală nùs nhơm kờñ gơboh kòn bơnus, ală broă lơh nùs nhơm niam dong kờl is bơh ală anih lơh broă, mpồl cau, cau dùl nă să is dê tàm lơgar mờ bơdìh lơgar neh sùm lòt bal, dong kờl Kes priă nàng sền gròi, sền gàr kơnòm dềt.

Tàm broă lơh do, ală mpồl cau, ală mpồl lơh sa kă bro mờ ală cau geh nùs nhơm niam neh jàu pà priă dong kờl kơnòm dềt geh rài kis kal ke bơh Kes priă Sền gàr dong kờl kơnòm dềt Việt Nam mờ kờp jơh priă rlau 104 tơmàn đong. Bơh 14 dơ̆ bơyai lơh, broă lơh do neh hòi jà tă pơgồp geh rlau 1 rbô 200 tơmàn đong mờ dong kờl ai pơgăp 1 tơlăk nă kơnòm dềt in bơh ală broă lơh krơi is. Broă lơh “Sơnam pa ai oh in” dơ̆ 15 nam 2022, mờ tơngume “Tài ngai hìng àng sơrdah” nàng kờñ dong kờl kơnòm dềt gơtìp gơrềng tài bơh kòp dờng Kovid-19.

Cau mblàng Lơ Mu K’Yến