VOV4.K’ho-Nam 2016, bulah aniai uă ngan bơh trồ prang, Kes priă sền gàr mờ bơtàu tơnguh brê càr Kontum kung gam lơh geh rlau 100 tơmàn priă, mu\t lơh tă tơm dong làng bol geh priă jền sơngka sền gàr rlau 360 rbô lồ brê.

Broă lơh tam mờ sền gàr brê in neh gơ gơs là dùl broă lơh kuơmàng geh pràn lơh gơrề uă ngan mờ đềt mềr mờ làng bol Kontum, ngan là tàm ală tiah sar lơgar ngài, tiah làng bol kòn cau.

Nam 2016 pa do, Kontum kung bè ală càr tàm tiah Tây Nguyên gơtìp aniai uă ngan tài bơh jơnau El Nino. Dà tàm dà dờng, dà croh soăt uă ngan pơndrờm mờ gi\t nđờ jơ\t nam do. Trồ prang dờng ngan mờ jo\ jòng lơh gi\t nđờ rbô lồ chi tam sơrbì gời mờ tơrmù cồng nha tơnhàu, hoàc hươr gơguh tus gi\t nđờ rbô tơmàn priă.

 Tàm bơta gơtìp bal hơ\, ală hìu măy pờ tơlik ồs đèng tàm ù tiah càr Kontum tài bơh ờ geh dà uă ir den tàng đềng geh pờ ngan ngồn ờ geh jat di bè broă rơndăp lơh. Den tàng bè hơ\, nam 2016 pa do, Kes priă Sền gàr mờ Bơtàu tơnguh brê càr Kontum hơ\ sồng lơh geh rlau 102 tơmàn priă, mìng geh rlau 66% broă rơndăp lơh lơm.

 Mơya, jat ồng Hồ Thanh Hoàng, Kuang atbồ Kes priă Sền gàr mờ Bơtàu tơnguh brê càr Kontum yal, ờ kờp jơnau gơtùi gi\t lài lơh priă lơh geh ờ di bè broă rơndăp lơh, den ală broă lơh ndai bơh Kes priă dê ndrờm lơh geh ală cồng nha pal cih dờp ngan. Ồng Hồ Thanh Hoàng, đơs:

“Nam 2016, ală mpồl ngui mờ mpồl ai Broă lơh tam mờ sền gàr brê in mờ làng bol tàm ù tiah càr Kontum neh lơh broă tă tơm priă ai Broă lơh tam mờ sền gàr brê in niam sơl; bă brê ai Broă lơh tam mờ sền gàr brê in geh sền swì là 360.244 lồ.

Kes priă Sền gàr mờ Bơtàu tơnguh brê càr Kontum neh lơh niam ală kơnòl broă geh Ủy ban Nhân dân càr jàu, bè tă, tơm priă Broă lơh tam mờ sền gàr brê in bơnah bơh Kes priă Sền gàr mờ Bơtàu tơnguh brê càr Kontum să tờm tă neh sơrlèt mờ broă rơndăp lơh”.

Nàng broă tơm priă broă lơh tam mờ sền gàr brê ngai sơlơ lơh geh cồng nha tàm broă sền gàr mờ bơtàu tơnguh brê mờ bơtàu tơnguh rài kis làng bol dê, tàm nam lài, tàm 37 xã tàm càr, Kes priă Sền gàr mờ Bơtàu tơnguh brê càr Kontum neh bơyai lơh Pơrjum mblàng yal bè broă lơh tơm priă Broă lơh tam mờ sền gàr brê; cih tơngume mblàng yal tềng pang bơdìh sră cih mờ pà ai ală kơnòm bơsram in; pơgồp bal mờ Sở Nông nghiệp mờ Phát triển nông thôn, Sở Tài chính sền swì broă atbồ, ngui priă Broă lơh tam mờ sền gàr brê gơ wèt mờ ală mpồl cau, gơnoar atbồ kơnă xã, kơnă kơnhoàl…

Kơnờm ală broă lơh do, jơnau gi\t wa\ bè broă lơh cồng nha mu\t lơh broă lơh tơm priă Broă lơh tam mờ sền gàr brê bơh ală mpồl cau mờ cau dùl nă să is dê tàm càr sơlơ loh làng ngan. Ồng Nguyễn Duy Hoàn, Phó Kuang atbồ Công ty Trách nhiệm hữu hạn Một thành viên Đăk Glei, pà gi\t:

“Mu\t lơh broă lơh tơm priă Broă lơh tam mờ sền gàr brê, Công ty neh geh priă nàng rơcang tơm ai ală broă lơh sền gàr mờ bơtàu tơnguh brê. Mùl màl là neh jàu atbồ sền gàr pah nam là 2.364 lồ ai 99 hìu bơnhă ơm kis mờ tam phan rềp brê. Do là priă lơh geh sùm ai ală hìu bơnhă do in. Mờ Công ty kung geh priă nàng bơcri tàm broă tam brê lơh sa.

Bơh broă lơh tam mờ sền gàr brê, rài kis bơh kuang bàng, cau lơh broă tàm công ty dê, ngan là mpồl cau sền gàr brê sùm lơh kơnòl broă geh sơlơ tơnguh uă tai. Công ty geh priă nàng bơcri blơi phan ngui dong kờl, phan soh, ki\ pơrgon mờ ală mpồl lơh broă geh gơnoar ndai, bè dân quân xã, kuang àng xã nàng mu\t lơh kơnòl broă sền gàr mờ bơtàu tơnguh brê”.

Pal chờ hờp rlau là tus tu\ do tơm priă Broă lơh tam mờ sền gàr brê neh gơ gơs là dùl broă lơh kuơmàng geh pràn lơh gơrề uă mờ rềp mềl mờ làng bol Kontum, ngan là tàm ală tiah sar lơgar ngài, tiah làng bol kòn cau.

Tu\ do, jơh gùt càr Kontum neh geh 175 [òn, bal mờ 160 mpồl hìu bơnhă mờ rlau 5 rbô hìu bơnhă, cau dùl nă să is geh jàu sền gàr brê kơ\ kơl jăp jo\ jòng mờ kờp jơh bă brê là mờr 154 rbô lồ. Priă lơh geh kờp bal pah nam bơh tơl hìu dờp sơngka sền gàr brê là pơgăp 5 tơlak priă, tơl [òn là pơgăp 88 tơlak mờ tơl mpồl hìu bơnhă là pơgăp 37 tơlak priă.

Bơta geh ngan pà go\, kơnờm rềp mềl mờ brê mờ geh priă bơh brê den tàng làng bol neh sền gàr brê niam rlau. Bi A Tiên, kis tàm [òn Pêng Siêl, xã Đăk Pét, kơnhoàl Đăk Glei, pà gi\t:

“{òn dờp Broă lơh tam mờ sền gàr brê bơh nam 2014. Làng bol dờp sền gàr brê mpồl bơtiàn geh cồng nha ngan. Tàm [òn tam pà 2 mpồl sền gàr, di dùl mpồl là 3 nă cau. Tàm 2 mpồl di dùl mpồl lòt dùl poh. Geh bàr pe hìu làng bol [òn rềp bal mus brê tàm bă brê bơh [òn dê atbồ sền gàr tàm mpồl di tu\ kơryan gờn ờ ai [òn rềp bal in mus brê ai ù lơh mìr”.

Nam 2017, kờp jơh broă rơndăp lơh tă priă Broă lơh tam mờ sền gàr brê geh Ủy ban Nhân dân càr Kontum ai là mờr 120 tơmàn. Kờp tus jơh nhai 5 pa do, Kes priă Sền gàr mờ Bơtàu tơnguh brê càr Kontum neh lơh geh rlau 50 tơmàn priă, geh pơgăp 42% broă rơndăp lơh nam.

 Ồng Hồ Thanh Hoàng, Kuang atbồ Kes priă Sền gàr mờ Bơtàu tơnguh brê càr Kontum, đơs, nam do càr geh tơl pràn lơh geh priă sơrlèt rlau mờ broă rơndăp lơh. Tu\ do, mpồl gam jơh nùs pơgồp bal, sồr ală tiah mu\t lơh broă lơh tă tơm priă Broă lơh tam mờ sền gàr brê lơh geh cồng nha ngan rlau jơh:

“Dơ\ dùl là tơngkah bal ai ală cau tờm brê in jat di broă rơndăp lơh tă, tơm priă Broă lơh tam mờ sền gàr brê geh Ủy ban Nhân dân càr ki\ ai mờ ală jơnau cih bơh adat boh lam gam geh ngui tu\ do bơh dà lơgar dê nàng lơh broă rơndăp lơh mờ lam lơh jat di jơnau sồr.

 Dơ\ bàr là sồr Ủy ban Nhân dân ală kơnhoàl, [òn dờng bơyai lơh, lòt sền gròi sền broă atbồ ngui priă Broă lơh tam mờ sền gàr brê bơh Ủy ban Nhân dân ală xã, thị trấn dê; gròi sền broă lơh tă tơm priă bơh ală cau tờm brê dê ai ală hìu bơnhă, cau dùl nă să, mpồl hìu bơnhă, [òn lơgar dờp atbồ sền gàr brê in wil tơl, di tu\, ngui niam ngan rlau jơh cồng nha priă Broă lơh tam mờ sền gàr brê ai broă lơh sền gàr mờ bơtàu tơnguh brê bơh tơl anih dê in”.

Cau cih mờ yal tơngi\t- Lơ Mu K’ Yến