VOV4.K’ho - Wă nền nòn jơnau bơto sồr bơh Bác Hồ dê “Lam sồr chài den broă lơi kung geh cồng nha”, tơl nă kuang bàng, cau ling sền gàr tiah nhàr dà lơgar càr Kon Tum ndrờm g^t jơnau yă tàm broă lơh jăt broă lam sồr làng bol. Tàm mpồl đơng lam ling sền gàr tiah nhàr dà lơgar càr Kon Tum, bu\ lah mpồl cau ùr mìng geh 17 nă cau, mơya ală oh mi cau ùr kung neh lơh niam broă do.

Mpồl cau ùr tàm mpồl đơng lam ling sền gàr tiah nhàr dà lơgar càr Kon Tum mìng geh 17 nă cau. Mơya, tàm broă lam sồr làng bol, ală cau ùr do kung ndrờm bal mờ ală cau klao tàm mpồl ling dê sơl. Pah tu\ mpồl ling bơyai lơh dơ\ lòt lơh broă lam sồr làng bol, ală oh mi cau ùr ndrờm tus bal. Bơdìh mờ hơ\, ală oh mi cau ùr gam dờp lơh broă lam sồr làng bol tàm [òn Kon Tu 01, xã Đăk Blà, [òn dờng Kon Tum. Thượng uý Bùi Thị Hoa, Chủ tịch mpồl cau ùr mpồl ling sền gàr tiah nhàr dà lơgar càr Kon Tum pà g^t:

-Lơh jăt jơnau bơto sồr bơh Bác Hồ, lam sồr chài den broă lơi kung geh cồng nha, mpồl cau ùr cau ling sền gàr tiah nhàr dà lơgar càr bol a` ai geh lam sồr, bơ\t bơtàu broă ròng kơnrồ tàm mpồl lơh oh mi bal mờ [òn Kon Tu 01. Lài ngan, bol a` kung neh dong kờl oh mi cau ùr tàm broă ròng, tơnơ\ mờ hơ\ là lơh wàng ròng kờ` tus lồi nam oh mi cau ùr geh 1 cồng nha dong kờl oh mi klàs mờ rơ[ah.

Kờ` geh priă ai lơh ală broă lam sồr làng bol, oh mi cau ùr tàm mpồl cau ùr mpồl đơng lam ling sền gàr tiah nhàr dà lơgar càr Kon Tum neh lơh jăt broă tềm pềr mờ gùng dà broă lơh, tềm pềr ală tu\, ală bơta, ală tiah. Bơh broă tềm pềr ngui sa pah ngai tus mờ broă tềm pềr pơ-àr, gai cih, sră, [ăo klar… kơnờm mờ hơ\, ală oh mi cau ùr neh bơ\t bơtàu geh kes priă mpồl rơlao 40 tơlăk priă.

Kờ` geh nùs nhơm đềt mềr mờ ală oh mi tàm [òn Kon Tu 01, mpồl cau ùr mpồl đơng lam ling sền gàr tiah nhàr dà lơgar càr Kon Tum sùm bơyai lơh ală broă di tàm satềp, ngai chờ dờng, còp să ală cau gơbàn kòp tê jê să; geh măt tam pà bal, lam sồr mờ dong kờl bal oh mi cau ùr àm [òn tu\ chờ kung bè tu\ geh jơnau moăt jrùng. Lo\ Y Blah, atbồ mpồl ca ùr kòn Kon Tu 01, xã Đăk Blà, [òn dờng Kon Tum đơs tòm, bơh ngai geh oh mi cau ùr tàm mpồl đơng lam ling sền gàr tiah nhàr dà lơgar dong kờl, cau ùr tàm [òn pin dờn rơlao tàm rài kis mờ broă lơh sa:

-Mpồl cau ùr cau ling sền gàr tiah nhàr dà lơgar sùm tus còp oh mi tàm do, tàm hơ\ uă ngan là tàm ngai chờ. Tus bal pơrjum cri bơyai mờ ală oh mi geh sền gròi ngan. Cau ùr cau ling sền gàr tiah nhàr dà lơgar dong kờl bè broă ròng phan. Lài ngan là ròng sur mờ tơnơ\ mờ hơ\ kung lam sồr làng bol in ròng kơnrồ. Lam sồr oh mi bè broă sào sa kloh niam, ròng mờ bơto kòn pràn kơl dang. Kung kơnờm cau ùr ling sền gàr tiah nhàr dà lơgar dong kờl oh mi cau ùr tàm do g^t jơnau, wă rơlao tai tàm rài kis hìu nhă kung bè bơto bơtê oh kòn.

Bơh broă lam sồr, dong kờl mờ attê sơnđio broă bơh oh mi cau ùr tàm mpồl ling sền gàr tiah nhàr dà lơgar dê, uă oh mi cau ùr tàm [òn Kon Tum 01, xã Đăk Blà, [òn dờng Kon Tum neh khin tàm broă càn priă tơnguh bơtàu lơh sa. Phan geh lơh gơs geh oh mi cau ùr tàm mpồl ling sền gàr tiah nhàr dà lơgar dong kờl blơi ngui sa den tàng rài kis bơh ờ uă cau ùr tàm [òn neh ờ hoan kal ke rơlao mờ lài.

Bơta kuơ màng rơlao tai là kơnờm geh broă lơh bal jơh kơnòl bơh ală cau ùr tàm mpồl ling sền gàr tiah nhàr dà lơgar, oh mi cau ùr tàm [òn Kon Tu 01 neh g^t jơnau rơlao tàm broă tơnguh bơtàu lơh sa hìu nhă, lơh ngan sơlèt klàs mờ rơ[ah mờ bơ\t bơtàu hìu nhă gơboh gơbài. Lo\ Y Bư, geh cồng nha mờ broă ròng phan, pà g^t:

-Cau ling sền gàr tiah nhàr dà lơgar neh tus tàm do bloh, làng bol tàm [òn chờ hờp ngan tài iăt ală oh mi cau ùr tàm mpồl ling sền gàr tiah nhàr dà lơgar lam sồr bè hìu nhă, lơh sa. Iăt jơnau lơi wă jơnau hơ\. Dong kờl kơnrồ den lơh ngan lơh jăt kờ` ròng kơnrồ geh tơnguh bơtàu tai broă lơh sa.

Bal mờ broă lơh ngan tàm broă lơh, `hăp `har tus bal mờ lơh jăk broă lam sồr làng bol, Mpồl cau ùr mpồl đơng lam ling sền gàr tiah nhàr dà lơgar càr Kon Tum geh gơnoar atbồ bal mờ ală cấp mpồl cau ùr tàm [òn dờng Kon Tum dờp mờ đơs niam.

Uă nam tơn, ală oh mi cau ùr geh mpồl tam klăc cau ùr càr Kon Tum pà sră jờng rơ. Ală oh mi cau ùr ndrờm geh khà cau ling jăk chài tàm broă pơrlòng lơh ngan geh cồng nha tàm mpồl ling. Ală broă lơh bơh ală cau tàm mpồl ling sền gàr tiah nhàr dà lơgar càr Kon Tum, neh pơgồp bal tàm broă lơh niam tai rùp rài cau ùr cau ling wa Hồ dê pin dờn, pơnyờ să, đềt mềr, tơryang tơryồng tàm rài pa.

Cau mblàng Ndong Brawl