VOV4.K’ho- Broă tă tơm priă lơh broă sền gàr brê geh lơh tàm ù tiah càr Kontum bơh nam 2012. Bơh hơ\ tus tu\ do, broă dờp sền brê geh lơh jat jơnau sồr bơh Kơrnoat bơto pơlam sồ 20 bơh Gah Lơh broă sa mờ bơtàu tơnguh [òn lơgar dà lơgar dê. Jơnau hơ\ pal là lòt sền êt ngan rlau jơh bơh 10% bă brê bơh cau tờm brê mpồl II dê mờ 100% cau tờm brê mpồl I. Bơnah broă lơh ndrờm bal mờ kờp sền brê mờ kal ke ngan lơh. Broă ngui sră nggal yal tơngi\t WebGis tàm broă lơh dờp sền tă tơm priă lơh broă sền gàr brê geh pơgồp bơnah geh cồng nha tàm broă sền gròi ală jơnau yal tơngi\t brê.

Geh lơh tàm 3 càr: Kontum, Lào Cai mờ Thừa Thiên- Huế, Rơndăp broă lơh sơlơ mu\t lơh tai broă lơh tă tơm priă lơh broă sền gàr brê tàm lơgar Việt Nam geh dùl broă, hơ\ là bơtàu tơnguh WebGis kờn sơlơ dong kờl tai broă lơh tă tơm priă lơh broă sền gàr brê. Ồng Hồ Thanh Hoàng, Kuang atbồ Kes priă Sền gàr mờ bơtàu tơnguh brê càr Kontum, pà gi\t: Lơh bal rơndăp broă lơh do, tàm pơgăp mờr 1 nam do, Kes priă do neh pơgồp bơnah dong pơlam dà lơgar lơh ngan lơh gơs sră nggal yal tơngi\t jơnau mờ mu\t lơh ală broă lơh rơcang kờn pal geh nàng ngan ngồn ngui jơh tàm ù tiah càr Kontum. Ồng Hồ Thanh Hoàng, đơs:

“Gam dùl broă lơh tai là geh kơ\p Gah lơh broă sa mờ bơtàu tơnguh [òn lơgar dà lơgar ai dùl kơrnoat bè ală broă lơh dờp sền, den bol he geh ngan ngồn ngui jơh tàm càr. Nàng tơnơ\ do jơh ală broă geh lơh [ươn [oài, di mờ jơnau cih bơh kơrnoat boh lam gam ngui tu\ do dê, Kes priă Sền gàr mờ Bơtàu tơnguh brê càr Kontum neh sồr Mpồl lơh broă brê bơnơm, Kes priă Sền gàr brê Việt Nam kung bè Mpồl atbồ IPfes Dà lơgar pờ ơdu\ bơto pơlam bal mờ jơnau kơ\p kờn là broă dờp sền jat broă lơh pa do, den bol he geh ngui uă tàm ù tiah càr Kontum”.

Bal mờ dùl dơ\ bơto pơlam lài hơ\ neh geh bơyai lơh tàm Hà Nội, tàm tơngai 2 ngai lồi nhai 10 pa do, tàm [òn dờng Kontum, Kes priă Sền gàr mờ Bơtàu tơnguh brê càr Kontum pơgồp bal mờ Rơndăp broă lơh “Sơlơ lơh tai broă lơh tă tơm priă lơh broă sền gàr brê tàm Việt Nam” bơh Anih priă jền Bơtàu tơnguh châu Á- ADB dê dong kờl neh bơyai lơh “Bơto pơlam lài ngui sră nggal yal tơngi\t WebGis tàm broă lơh dờp sền tă tơm priă lơh broă sền gàr brê”. Tiến sĩ Triệu Văn Hùng, Kuang atbồ Mpồl jak chài măy mok lơh broă brê bơnơm Việt Nam, mơkung là Kuang jat jơng atbồ mpồl dong broă Rơndăp broă lơh Sơlơ lơh tai broă lơh tă tơm priă lơh broă sền gàr brê tàm Việt Nam, đơs là: Càr Kontum geh uă bơta [ươn tu\ lơh dờp sền brê jat broă lơh pa. Tiến sĩ Triệu Văn Hùng, đơs:

“Kontum geh dùl bơta [ươn là tus nam 2015 neh geh cồng nha bè kờp sền brê jơh gùt lơgar. Là dùl tàm ală càr bơh sơn rờp khà kờp ngan ngồn bè kờp sền brê geh yal bal mờ ală bơta ndai bè bơta chài măy mok den tàng rơndăp broă lơh neh lơh tơrlòng lài tàm càr. Mờ do là càr bơh sơn rờp kơlôi sơnơng ngui sră nggal yal tơngi\t bơh kờp sền brê gơ jat bal mờ măy mok tơrgùm kờp ală jơnau yal tơngi\t nàng ngui ai broă lơh tă tơm priă lơh broă sền gàr brê”.

Kờn lơh geh bơta ring bal tàm tu\ mu\t lơh broă ngui sră nggal yal tơngi\t jơnau WebGiss tàm broă lơh dờp sền tă tơm priă lơh broă sền gàr brê, tàm dơ\ bơto pơlam dơ\ bàr geh lơh tàm [òn dờng Kontum, ală kuang bàng, cau lơh broă gam lơh broă tàm 10 anih sền gàr brê, Mpồl sền gàr brê, Gah Lơh broă sa mờ bơtàu tơnguh [òn lơgar càr, Kes priă Sền gàr mờ bơtàu tơnguh brê càr Kontum geh yal tơngi\t bè ală WebGis tơrgùm sră nggal ală jơnau yal tơngi\t bơta gơlik geh brê Formis II mờ pang Web sră nggal ală jơnau yal tơngi\t bè lơh broă sền gàr brê; geh bơto pơlam ngui phần mềm tam pà sră nggal ală jơnau yal tơngi\t Gis tơn tàm internet- WebGis mờ bơto pơlam ngui măy tính bảng drơng broă sền gròi, jat sền bơta gơlik geh bơh brê dê. Ồng Nguyễn Thanh Hoàn, cau mờng chài dong pơlam Gis, pà gi\t: ngui sră nggal ală jơnau yal tơngi\t WebGis tàm broă lơh dờp sền tă tơm priă lơh broă sền gàr brê geh tơn jơh geh bơta kal ke bơh broă dờp sền brê jat Kơrnoat bơto pơlam sồ 20 bơh Gah Lơh broă sa mờ bơtàu tơnguh [òn lơgar dà lơgar dê, hơ\ là ờ sền gròi geh ală jơnau yal tơngi\t. Ồng Nguyễn Thanh Hoàn, đơs:

“Dilah kờp sền jat broă lơh lài do, hơ\ là ngui broă lơh lài do nàng tă tơm priă lơh broă sền gàr brê den sră nggal cih yal bơh làng bol dê là ờ gơtùi tam toh bal mờ ală jơnau yal tơngi\t bơta gơlik geh brê bơh cau sền gàr brê dê. Bè hơ\ là gơlik jơnau ờ niam tàm gah lơh broă brê bơnơm geh bàr gah ală jơnau yal tơngi\t geh bal krơi is. Pang WebGis do lơh kơnòl broă tàm tơrbo\ bal đah sră nggal yal tơngi\t bơta gơlik geh bơh brê dê đah mpồl sền gàr brê, tàm dùl pang web sră nggal yal tơngi\t jơnau bè tă tơm priă lơh broă sền gàr brê Hìu bơsram dờng Lâm Nghiệp nàng kờp du\ lơh gơlik sră nggal tă tơm priă lơh broă sền gàr brê. Bè hơ\ là ală jơnau yal tơngi\t geh tơrgùm bal dùl anih. Geh ờ huan roh uă ngan dà kơlhề ai broă tơrgùm kờp sră nggal khà kờp bơh [òn lơgar dê yal”.

Bal mờ bơta rơcang lài niam tơl ngan bè ală bơta pal geh bơh Kes priă Sền gàr mờ Bơtàu tơnguh brê càr Kontum dê, dilah tàm nam do, Gah Lơh broă sa mờ bơtàu tơnguh [òn lơgar dà lơgar geh kơrnoat bè ală broă lơh ngui sră nggal ală jơnau yal tơngi\t WebGis tàm broă lơh dờp sền tă tơm priă lơh broă sền gàr brê, Kontum geh gơ gơs là càr bơh sơn rờp kơlôi sơnơng, ngui khà kờp  kờp sền brê, gơ jat bal mờ măy mok tơrgùm kờp ală jơnau yal tơngi\t nàng drơng ai broă tă tơm priă sền gàr brê in!

Cau cih mờ yal tơngi\t- Lơ Mu K’ Yến