VOV4.K’ho - Tơrglă dà toh mờ bơta dà toh gơmut tàm gùng tă nhơm, lơh kòn pa deh ờ gơtùi tă nhơm, digơlan lơh gơbàn tac nhơm, să jan pàl jơh. Bơta rềs àr do sùm ngan gơtìp tàm rài kis, dilah kơnòm dềt ờ geh dong kờl mhar mờ di tu\ den digơlan lơh gơbàn ngòt rơngơt tus màng kis:

Tài bồ tơngoh mờ ờ uă bơta tàm să jan ờ hềt pràn tơl den tàng kơnòm dềt, ngan là kòn se pa deh sùm gơtìp tơrglă dà toh. Kuơ màng, gơwèt mờ kơnòm dềt gam gơbàn ờ uă kòp bè gơtìp sồt mồr tu\ pa deh, kơnòm dềt deh gờ` ir, pàl să jan, ờ pràn tă nhơm… Bác sĩ Hoàng Ngọc Anh Tuấn, atbồ gah lơh pràn să jan sơm kòp jal mhar kơnòm dềt mờ kòn pa deh, hìu sơnơm dờng càr Daklak pà git: “ Gơwèt mờ dùl nă kơnòm dềt gơtìp tơrglă dà toh, bơta ờ pràn tă nhơm là kơn jơ\ ngan mờ digơlan gơbàn chơt să nisơna. Nam 2015, gah do neh dờp mờr 5 nă oh gơtìp tơrglă dà toh”

Dilah kòn dềt gam pô halà tơnơ\ pô mờ nisơna gơtìp bơsiă uă, pàl jơh să jan, `ggà `ìm, tu\ hơ\, dà toh tàm muh mờ bơr gơlik bơdìh, să jan lơbơn jơh halà kơldang den pal sơnơng mơ tus broă kơnòm dềt gơtìp tơrglă dà toh. Tu\ do, ba` jun kơnòm dềt tus hìu sơnơm mơ, mờ pal dong gơ in mhar mơ nàng kơnòm dềt jơh bơta ngòt rơngơt.

Ai kơnòm dềt bic sơ klup tàm mpàng dê mờ đo tê đah ma, ai mpàng tê tàp pràn mờ mhar 5 dơ\ tềng `gkời kơnòm dềt kờ` tơnguh bơta pràn chồl tàm dàng tơh, kờ` tơlik jơh dà toh bơh gùng tă nhơm. Dilah kơnòm dềt kung gam kan tă nhơm, să jan pàl den ai kơnòm dềt pic sơ plàng, ai 2 nau tê tềng gùl ni sơna klơn pràn 5 dơ\ tềng đơm ntìng dàng tơh, đờm gùng tơrbo\ 2 đah toh bơh 1 tus 2 phơng. Lơh wơl bè do bơh 5 tus 6 dơ\, tus tu\ lơi kơnòm dềt geh tơng go\ pràn wơl, să jan bè ờs wơl. Tơnơ\ hơ\, pờ gùng tă nhơm mờ broă ai bơr, jồp pràn tàm muh, bơr kơnòm dềt, jồp kloh jơh ală dà toh gam jơngkah tềng rơnồng dờ mờ tềng muh sơlơ mhar sơlơ niam. Gơwèt mờ kơnòm dềt go\ ờ gam tă nhơm tai, gơtùi pơ gồp bal ală broă lơh neh yal hơ đang mờ broă tơ lềt muh kơnòm dềt, khồm tềng bơr tus tu\ lơi go\ dàng toh gơguh dùl êt. Tơnơ\ hơ\ jun mơ kơnòm dềt tus hìu sơnơm nàng geh sơm di tu\.

Bác sĩ Hoàng Ngọc Anh Tuấn pà git tai: “ Ală bơta chài git wă do ală cau mè pal git, mờ ală cau lơh broă gah lơh sơnơm pal mblàng yal uă bè bơta do, nàng pleh tìp ală bơta moat jrùm digơlan gơlik geh”.

Bơdìh mờ broă git loh ală bơta git wă sơm bơh sơn rờp tu\ kơnòm dềt gơtìp tơrglă dà toh, ală cau mè, cau bèp kung pal kah:

Ba` ai kơnòm dềt pô ndang bic ndang;

Ba` bơsèl kơnòm dềt tu\ gam pô, lơh kơnòm dềt `o\, [uơn gơtìp tơrglă;

Tu\ ai pô den ỳơ kơ nòm dềt tơnguh bồ, ai kơnòm dềt pồ rơle\ rơlùn, ờ gơ jă gơ jal;

Dilah kơ nòm dềt bơ siă halà `ìm den pal lời mơ broă ai pô;

Dilah go\ dà toh mè gơ hòr uă ir, cau mè gơtùi ai 2 nau tê klơn tềng cồng toh kờ` kơryan dà toh hòr;

Tơnơ\ mờ tu\ kơnòm dềt pô hờm, ba` tơn bic mơ, mờ pal ìơ ntàu, pleh gơbàn tơrglă dà toh, gơlik wơl dà toh tơnơ\ mờ tu\ pô.

                                 Cau cih mờ yal tơngit K’ Duẩn.