VOV4.K’ho - Jê sun ngko là 1 bơta kòp geh uă ngan mờ ală cau ndrờm gơbàn lơm, bu\ lah ờ ngòt rơgơ\t, mơya di gơlan lơh gơbàn ờ su\k ơm uă, lơh kal ke, glar kòl tus mờ cau kòp, 1 bơnah kung lơh tơmù bơta pràn lơh broă.

Tàm mùl màl, ală dơ\ jê tềng sun ngko geh bơh uă ngan bơta: Tài b^c ờ di pal, kơl dang ha là gơrồt ơră, sơleh ha là kơl dang ơră, tài he pơrlăc ngko ờ di tu\ gam tàp pràn să jan… geh cau mìng gơbàn jê 1 bơnah ngko, geh cau jê gơbàn tus tơn tàm tê, đo tê mờ nao tê. Bơta jê bè do di gơlan tàm uă ngai, geh tu\ tàm uă nhai, nam tơn…

Bơta lơh gơbàn jê ngko:

Ală dơ\ tu\, jê ngko di gơlan là geh bơh uă ngan bơta bè tơnơ\ do:

Lơh broă uă ir ha là lơh ờ di mờ broă lơh bè ală broă lơh geh lơh ti lơh tai uă dơ\ ha là yờ phan `jơ\ ir.

Broă di gơlan gơbàn ờ niam ntìng gòr ngkời, mờng gơbàn tài kơl dang ală ơră mờ che ơră ha là tài gơbàn bơh broă kra să.

Ală bơta gơbàn ni sơna bè as ha là gơlơh jê tàm ntìng.

Ngui bàn phím tàm tơngai jo\ ir kung di gơlan lơh gơbàn ală bơta ờ niam tus mờ ngko

Bơta tơngo\:

Bè ờs, ală dơ\ jê gơbàn tàm tiah gùt dar ngko mờ lơh gơbàn tus tàm ơră ngko. Jê di gơlan geh tus pơnì ha là ntìng tàm gùl 2 đah pơnì. Di gơlan gơbàn tus tàm tê, jơng ha là tus tàm bồ, lơh jê 1 bơnah bồ ha là jơh 2 bơnah.

Ală dơ\ jê di gơlan lơh tơnguh ni sơna di lah tam gơl ngko tàm tu\ he pơrlăc bồ 1 bơnah. Bơta do gam sùm geh sơnđan là jê sơleh ngko.

Gơbàn jê tềng đơm jơng kồt bal mờ broă gơlơh jê mờ ờ pràn 2 đah pơnì, tê. Gơlơh jê hờl bè jrum c^t ha là dơkiăt tềng tê bal mờ ală nao tê.

Broă sơm kòp:

Geh ờ uă broă mờng lơh bè tơnơ\ do geh cồng nha ngan, dong kờl he mhar jơh jê:

Ngui broă ceh duh mờ mrềt pơdar bal, tàm 2 jơ he ceh 1 dơ\ tàm 15 phút tàm jê. Broă lơh do geh tơmù as mờ pleh mờ gơbàn gơrồt tàm ală ơră.

Pơrlăc rơhời bồ 1 bơnah, bơh đah ma tus rơhời hờ đah kiao. Lơh ngan di gơtu\p [ờng tềng ntơh kờ` du^ ngko gơmù ngan, lời sùm bè hơ\ tàm 10 giây hơ\ sồng tam gơl.

Tu\ nggui sền song hờ đăp, pal nggui song bu\t, gàr bồ mờ ngo geh ơm tàm gùl.

Ceh rơhời tềng ngko.

Hùc sơnơm kờ` sơndră mờ as bal mờ jê jăt jơnau bơto sồr bơh bác sĩ.

He pal tus bal tàm broă lơh. Lơh ngan tơnguh sùm broă lơh bè ờs kờ` dong kờl ală ơră tềng ngko sùm geh lơh broă, ba` b^c 1 bă tàm jơnờng. Di lah bác sĩ sồr pal wan kòng kờ` gàr ngko, he pal lơh jăt mờ jơnau sồr do. Lơh ngan wan kòng bơh 2 ngai rơlao kờ` geh niam ntìng ngko.

Broă rơcang sơndră mờ kòp:

He gơtùi sơndră mờ ală dơ\ jê tềng ngko mờ broă:

Lơh niam: tơnguh ntơh, tơmù 2 đah pơnì, tơmù [ờng mờ gàr song bồ. Broă lơh bè do geh dong kờl ngko sùm kơl dang, song mờ geh niam.

B^c: 1 nơm kơnờl bồ dềt geh rơwah di pal ngan mờ ală cau. Ba` sơklu\p să tu\ b^c.

Tu\ lơh broă: pleh ba` kun bồ uă ir ha là sơling bồ 1 bơnah jo\ ir. Pal tam gơl mờ tơl^k khăt gơboh, ơwa` mờ du^ să sùm.

Ba` lơh gơbàn kal ke: tàp ală broă lơh bè pơdar ngko, kun bồ hờ đăp, tơngờ bồ hờ ngkời, sơling bồ đah kiao, đah ma, pơdar bồ mờ ngko, lơh ngko guh mù… lơh sùm geh sơndră mờ kòp do…

Cau cih mờ yal tơng^t Ndong Brawl