VOV4.K’ho - Tơn jơh pơrjum dơ\ 3 Quốc hội kơnă 14, uă kuang bàng tàm Quốc hội đơs là, pơrjum neh iăt, tơnguh ală bơta pràn mờ tơmù ală broă ờ pràn bơh pơrjum lài. Dùl pơrjum lam lài tus mờ ală tam gơl pa Quốc hội dê, tơl^k broă tam gơl bơh Quốc hội yal jơnau tus Quốc hội tàm kơ dang.

Mờ nùs nhơm tam gơl pa, ală tơngu me broă lơh bơh pơrjum neh geh kơlôi sơnơng di pal kờ` lơh gơs broă neh ai. Tàm dơ\ lùp mờ hơ jơnau lùp, cau lùp mờ cau hơ ndrờm geh kơlôi sơnơng ală broă, geh broă rơwah tơngu me kờ` lùp mờ hơ jơnau lùp. Ồng Dương Trung Quốc, mpồl kuang bàng tàm Quốc hội càr Đồng Nai đơs:

- Sơlơ ngai sơlơ pal geh 1 bơta niam uă rơlao tàm tu\ tơngai sơlơ ngai sơlơ ờ uă. Do là broă lơh niam. Dơ\ 2 tai là geh tus tàm ală broă bè broă lơh jăt bơta ngăc ngar.

Den tàng he go\ ală broă sền gròi bè dơ\ lùp mờ hơ jơnau lùp geh gơguh jăk sùm, go\ geh tơngai uă rơlao, geh nùs nhơm tàm kơn dang tơn. Bơta ngăc ngar tàm jơnau đơs niam rơlao, loh làng tàm do nùs nhơm bơh ală bộ trưởng geh nùs nhơm di pal tu\ dờp broă tìs, broă lơh ờ hềt pràn.

Jăt ồng Cao Đình Thưởng; mpồl kuang bàng tàm Quốc hội càr Phú Thọ yal, broă đơng lam bơh cau atbồ tàm ală dơ\ pơrjum kung geh ală bơta pa; kờ` gàr niam geh bơta niam tơngu me pơrjum mơya kung gam gàr niam geh tơngai ai ală kuang bàng tàm Quốc hội in cri bơyai ală broă gam geh jơnau đơs ờ ndrờm bal:

- Broă đơng lam bơh cau atbồ pơrjum, là 1 bơta tơngo\ pa. Hơ\ là ală jơnau đơs bè ală broă gam ờ ndrờm bal den neh geh cau atbồ sền gròi. Ờ mìng cri bơyai tàm hìu pơrjum mờ gam cri bơyai tàm ngai dơ\ 7, bè broă pơgồp jơnau đơs tàm adăt lơh glài ku\p màng tam gơl, hơ\ sồng cri bơyai bè broă tơnguh bơtàu lơh sa mpồl bơtiàn tài geh uă jơnau đơs ờ ndrờm bal den tàng pơrjum geh bơyai lơh tai 1 jơ nggùl, tus 6 jơ 30 phút mho. Den tàng a` đơs là broă đơng lam bè do là niam ngan.

Ồng Lưu Bình Nghưỡng mpồl kuang bàng tàm Quốc hội càr Bến Tre yal, bơta niam ngan tàm pơrjum do là nùs nhơm song dơ pă bal, `hăp `har bal bơh ală kuang bàng dê tàm 3 ngai pơrjum lùp mờ hơ jơnau lùp.

Broă kơlôi sơnơng kờ` rơwah ală jơnau ai tơl^k kờ` lùp mờ hơ jơnau lùp, kờ` tàm kơn dang mờ lùp tai tus gùng tus dà bơh 1 broă neh lơh loh rơlao tai uă broă gam geh cau te\ khà bal mờ làng bol gùt lơgar sền gròi:

- Gơtùi đơs, jăt jơnau kơlôi să tòm a` dê là 1 dơ\ lùp mờ hơ jơnau lùp geh cồng nha ngan bơh lài tus tu\ do, geh tơl^k uă ngan broă, ală kuang bàng geh 1 bồ tơngoh kơlôi sơnơng, geh kơnòl tàm broă rơcang lùp mờ hơ jơnau lùp tus mờ chính phủ, mờ să tòm ală kuang bàng kung lùp bal tơn kờ` jòi geh broă lơh niam ngan tus mờ ală broă. Broă đơng lam geh uă kơrnoăt mơya kung geh nùs nhơm niam ai tơl^k nùs nhơm lơh tòm bơh cau atbồ dê.

Jăt mò Lê Thang Vân, mpồl kuang bàng tàm Quốc hội càr Cà Mau yal, broă tơnguh ală dơ\ tàm kơn dang tàm hìu pơrjum là 1 bơta niam kờ` tam gơl bơh Quốc hội mìng geh jơnau yal tus mờ broă tàm kơn dang, lơh loh mờ gờ` jòi geh broă lơh niam ai ală broă broă geh ai tơl^k in:

- Kơnă 13 neh geh ờ uă broă lơh niam, bơh pơrjum lài, Uỷ ban thường vụ neh yal mờ Quốc hội bè broă tam gơl broă đơng lam hơ\ là tàm kơn dang. Pơrjum dơ\ do pơn jăt tai lơh jăt broă tàm kơn dang hơ\, do là bơta niam ngan tàm broă pơrjum, tài mìng geh tàm kơn dang hơ\ sồng gơl^k jơh nùs nhơm, ală nùs nhơm tìp bal den gùng dà broă lơh pa geh go\ tơl^k geh.

Broă geh sền gròi ngan bal bè bơta naim ală dơ\ lùp mờ hơ jơnau lùp mờ pơrjum do, Tổng Thư ký Quốc hội ồng Nguyễn Hạnh Phúc đơs là, ală kuang bàng tàm Quốc hội kơnă 14 lùp mờ hơ jơnau lùp rơle\, mơya jrô ơnàng; tơngu me di pal, tơl^k tơl nùs nhơm kơlôi sơnơng, jơnau kơ\p kờ` làng bol dê kung bè ală jơnau gam ờ su\k ơm tàm rài kis mpồl bơtiàn.

Cau cih mờ yal tơng^t Ndong Brawl