VOV4.K’ho - Lơh jăt broă tìp mờ cau te\ khà tơnơ\ mờ pơrjum dơ\ 2, Quốc hội kơnă 14, poh lài, mpồl kuang bàng tàm Quốc hội 5 càr tiah Tây Nguyên là Gia Lai, Kon Tum, Dak Lak, Dak Nông mờ Lâm Đồng neh bơyai lơh tìp mờ cau te\ khà tàm ờ uă tiah tàm mpồl do. Tơnơ\ mờ tu\ yal bè cồng nha pơrjum, mpồl kuang bàng tàm Quốc hội ală càr neh iăt jơnau dan, jơnau pơgồp bal bơh ală cau te\ khà dê. Tơnơ\ do là jơnau tơrgùm bơh cau ai tơng^t jơnau đơs Việt Nam:

Tàm ală anih tìp, cau te\ khà neh dan mờ Quốc hội pal geh ală broă lơh pràn tàm broă tam dră mờ phan sa [ơ\, ring niam khà priă tàm drà kă bro, sền gròi nền nòn broă lơh, tăc phơng sih, sơnơm sền gàr phan tam. Cau te\ khà kung pà g^t, ală nam pa do, rài kis, broă lơh sa làng bol gơbàn uă ngan bơh trồ prang mờ broă tơnhào ờ geh uă bơh phan geh lơh bơh broă lơh sa. Tềng đăp mờ mùl màl do, dan mờ Quốc hội, Chính phủ sền gròi tus mờ broă lơh sa suơn sre jăt broă lơh mùl màl, geh cồng nha; tơrgùm tàm broă bơcri priă lơh bơtơ\t rơbòng dà, bơsong drà tăc ală bơta phan geh lơh bơh broă lơh sa suơn sre, tam gơl phan tam mờ tơnguh priă ai càn sa priă cồng ờ uă. Ồng Rahlan Jep, Phó chủ tịch Hội đồng Nhân dân xã Ia Chía, kơnhoàl Ia Grai, càr Gia Lai đơs: “Mờ hìu rơ[ah, priă càn bơh ngân hàng Chính sách xã hội tu\ do là 30 tơlăk priă tàm 3 nam. Khà priă càn do ờ tơl kờ` tă tàm broă lơh sa, làng bol gơbàn kal ke. Den tàng, a` dan mờ Quốc hội, Chính phủ sền wơl tơnguh khà priă ai càn tus mờ hìu rơ[ah kờ` tơl niam broă tă priă lơh sa, sền gàr sơnkah ală bơta phan tam, ring niam rài kis làng bol in”.

Cau te\ khà Tây Nguyên kung dan mờ Dà lơgar sền gròi rơlao tai tus mờ broă dong kờl tàm gah bơto bơtê mờ bơsram ai ală hìu bơsram tàm tiah sar lơgar ngài in, geh broă lơh di pal tus mờ ală kal ke tàm broă lơh hìu sơnơm xã. Bè ală broă mùl màl tàm [òn lơgar, cau te\ khà đơs là, broă tơn jơh jơgloh tơmù rơ[ah ờ hềt mùl màl geh cồng nha. Broă bơ\t bơtàu [òn lơgar pa lơh lơyài. Ală broă lơh dà ngui sa cồng nha geh ờ uă, lơh gơbàn hoàc huơr mờ lơh ờ su\k ơm tàm làng bol.

Tìp mờ cau te\ khà tàm càr Dak Lak

Cau te\ khà Nguyễn Quang Phụ, kis tàm xã Ea Na, kơnhoàl Krông Na, càr Dak Lak dan: “Tu\ do, ală broă lơh drơng rài kis làng bol bè broă lơh dà ngui sa, lài mờ tu\ lơh pal yal làng bol in g^t, kờ` làng bol cri bơyai, làng bol lơh, làng bol sền gròi, geh bè hơ\, hơ\ sồng geh cồng nha uă, di lah ờ bè ờ uă broă lơh lài do lơh geh cồng nha ờ uă, lơh làng bol gơbàn ờ su\k ơm ngan. Bè hơ\, dan mờ ală gah lơh broă, kơnă geh gơnoar pal rềp mờ làng bol rơlao tai kờ` lơh ală broă drơng làng bol in geh mùl màl rơlao”.

Cau te\ khà kung kơ\p kờ` Quốc hội geh ală broă lơh mùl màl bè ală broă gam ờ pràm gah bơto bơtê mờ bơsram dê bè: broă bơto mờ bơsram bơtơl kơnòm bơsram, ală hìu bơsram bơto broă lơh geh uă, mơya ờ geh cồng nha; ală bơta ờ niam tàm broă rơwah cau lơh broă.

Mpồl kuang bàng tàm Quốc hội càr Dak Nông tìp mờ cau te\ khà kơnoàl Krông Nô

Cau te\ khà Hồ Quang Hiền, kis tàm tổ 5, thị trấn Dak Mâm, kơnhoàl Krông Nô, càr Dak Nông dan: “A` dan là pal ai wơl rơndăp broă tus mờ broă bơto bơtê mờ bơsram kờ` di pal, di mờ broă kờ` cau lơh broă tơnguh bơtàu. A` kơlôi là broă bơto cau pơgru là kờ` bơto bơsram mờ broă rơwah kờ` bơto ờ gam tai den a` kơlôi ba` bơto uă rơlao tai, ba` ai bơto hìu bơsram Cao đẳng mờ trung cấp tài jơn kah uă ir ờ geh broă lơh, tài bơto uă ir lơh hoàc huơr tus mờ dà lơgar, lơh hoàc huơr tus mờ cau bơsram tai, jơh bơsram ờ geh broă lơh den lơh ờ su\k ơm tus mờ mpồl bơtiàn, broă do pal kơlôi sơnơng wơl”.

Cau te\ khà dan ală kuang bàng tàm Quốc hội kah tus broă tơl niam ờ do ờ dă tàm broă lơh ală broă, pleh mờ broă lơh hìu măy pờ tơl^k ồs đèng gơbàn hoàc huơr uă tus mờ rài kis mờ lơh sa. Ală kuang bàng tàm Quốc hội tơnguh broă lơh jăt broă sền gròi geh cồng nha ală broă bơcri priă tơnguh bơtàu lơh sa mpồl bơtiàn tàm tiah sar lơgar ngài, tiah làng bol kòn cau; tơnguh rơlao tai broă sơndră mờ sa kuề sa koà, bơsong jơh ală broă yal yă, yal khài gal cau, ai geh uă broă càn priă mờ sa priă cồng ờ uă kờ` tơnguh bơtàu lơh sa tàm [òn lơgar, chồl pràn broă ai sră ngui ù, cau te\ khà Trần Văn Minh, tàm xã Phi Liêng, kơnhoàl Dam Rông, càr Lâm Đồng đơs: “Bơh nam 2013 tus tu\ do, broă dan lơh sră ngui ù làng bol dê tàm [òn gam ờ hềt geh sền gròi mờ bơsong di pal. Tàm tu\ hơ\, kờ` geh priă bơcri tàm broă lơh sa den pal geh sră ngui ù kờ` tơmu\t mờ ngân hàng, geh ai tơl bơta niam kờ` càn priă, den tàng, jơnau kơ\p kờ` làng bol dê tus mờ Quốc hội, Chính phủ sền gròi mờ ai tơl bơta niam kờ` lơh sră ngui ù làng bol in”.

Mpồl kuang bàng tàm Quốc hội ală càr neh dờp ală jơnau đơs, jơnau dan di pal bơh cau te\ khà mờ pà g^t, geh jàu ală broă cau te\ khà gam sền gròi tus mờ anih lơh broă geh gơnoar sền mờ bơsong.

    Cau cih mờ yal tơng^t Ndong Brawl