Mut lơh broa\ lơh tìp mat cau te\ khà tơnơ\ dơ\ pơrjum dơ\ 8, Gơnoar ala mat dà lơgar kơna\ 13, poh lài, mpồl kuang bàng Gơnoar ala mat dà lơgar càr Kon Tum, Lâm Đồng, Gia Lai neh tìp mat mờ cau te\ khà tàm  [òn lơgar nàng yal cồng nha pơrjum mờ cih dờp ala\ jơnau đơs bơh cau te\ khà.

Bơh tàm mùl màl tàm ală tiah, cau te\ khà tàm ală tiah sar lơgar ngài càr Kon Tum bè: ntum Đak Pne, kơnhoàl Kon Braih; ntum Pơ-ê, kơnhoàl Kon Plông; ntum Đak Nhoong, kơnhoàl Đak Glei dan mờ Đảng, mờ Dà lơgar, gơnoar atbồ tàm ntum sền gròi lơh tai broă lơh gùng lòt tàm [òn, ai bơta [uơn lơh sa mờ kă bro phan bơna.

Cau te\ khà kung dan mờ dà lơgar sền wơl khà ù geh ală anih lơh sa sền gàr, ngui ờ geh cồng nha, jàu wơl làng bol ờ tơl ù lơh sa in; tơnguh khà dong kờl kuang bàng lơh broă tàm ală gah, mpồl tàm ntum in; bơsong di, tơl ală broă dong kờl tus mờ cau geh màng mờ dà lơgar, cau ling sồt să, cau ling kòp tê jê să, tàm hơ\ uă ngan là broă dong kờl tus mờ cau gơtìp sơnơm khih tàm rài tam lơh mờ Mỹ lơh aniai; kơrian phan ờ ngan, phan ờ tơl khà niam tus tàm [òn lơgar. Bơdìh hơ\ tai, cau te\ khà càr Kon Tum kung dan tus mờ ờ uă broă dờng dà lơgar dê bè: ai tơl bơta pràn sền gàr gơnoar bồt dà lềng, dà lềng, lơh ngan rơlao tai tàm broă tam dră mờ sa kuề sa koà. Cau te\ khà Nguyễn Xuân Thực kis tàm [òn 7, sơnah [òn Quang Trung, [òn dờng Kon Tum đơs: Pơrjum dơ\ 8, Gơnoar ala măt dà lơgar kơnă 13 pa do kung neh đơs uă broă bè sơndră mờ sa kuề sa koà. Să tòm a` go\ là, he ờ hềt lơh jơh ală nùs nhơm bè broă sơndră mờ sa kuề sa koà. Bè sơndră mờ sa kuề sa koà mơya he mìng geh bơnah hoàc huơr hơ\ mìng geh 22,3% mơ, gam ờ uă ngan jăt mờ jơnau kơ\p kờ` làng bol dê ờ di bè hơ\. Gơnoar ala măt dà lơgar he kung neh ring bal adăt tam dră mờ sa kuề sa koà. Jăt jơnau đơs să tòm a` mờ uă cau te\ khà pà go\ là, adăt pal tơnguh uă den hơ\ sồng kơrian cau tìs sa kuề sa koà, kờ` ai wơl nùs nhơm pin dờn làng bol dê.

Tàm càr Lâm Đồng, mpồl kuang bàng tàm Gơnoar ala mat dà lơgar càr Lâm Đồng neh tìp mờ cau te\ khà tàm ală kơnhoàl Dà Teh; kơnhoàl Di Linh; kơnhoàl Lâm Hà, kơnhoàl Đơn Dương, kơnhoàl Lạc Dương, kơnhoàl Đức Trọng mờ [òn dờng Dà Làc. Tàm ală dơ\ tìp, ală cau te\ khà neh đơs uă jơnau tơrgùm tàm ală gah bè: broă dong kờl tus mờ cau geh sră dong kờl bơh dà lơgar; pal geh broă dong kờl di pal tus mờ hìu rơ[ah là hìu ờ geh cau lơh sa, cau kra; tơmù sơnam cau dờng sơnam; broă dong kờl ală kuang bàng tàm mpồl dong kờl sơnơm sơm ba phan bơna, cau dờng sơnam, kuang bàng lơh broă ờ di lơh tòm mờ kuang jăt jơng ală mpồl lơh broă tàm [òn; broă tă priă lơh niam wơl gùng lòt tus mờ rơndeh dờng mờ rơndeh Honda ờ hềt ring bal, lơh gơl^k geh ờ ndrờm bal mờ lơh kal ke tàm broă tă priă; broă tus bal tă priă sền gàr kham, sơm kòp ờ sa priă mờ lơh jăt broă dong kờl blơi sră kham sơm kòp ờ sa priă tàm ală hìu sơnơm gam kal ke, pal gờ` lơh di pal wơl. Kung tàm dơ\ tìp, geh uă cau te\ khà dan bè broă sơndră mờ sa kuề sa koà; phan ờ ngan, phan ờ geh khà nianm ờ hềt geh kơrian, tàm hơ\ uă ngan là phơng sih, sơnơm sền gàr phan tam, broă dong kờl cau geh sră dong kờl bơh dà lơgar gam kal ke, ờ tơl niam, broă lơh sa tàm anih lơh sa kă bro kơphe lơh ờ niam tus tiah kis tàm dà dờng Dà ~im, tus mờ rài kis làng bol; broă ngui ală broă lơh sơnơm bơh tàm sră kham, sơm kòp ờ sa priă gam uă kal ke; broă tăc dà toh kơnrồ, ală phan geh bơh tàm broă lơh sa suơn sre gam tìp uă kal ke, ku\p glài ờ di cau gam gơl^k geh…

Mpồl kuang bàng tàm Gơnoar ala mat dà lơgar càr Gia Lai neh bơyai lơh tìp mờ cau te\ khà tàm [òn dờng Pleiku. Tơnơ\ mờ tu\ neh iăt mpồl kuang bàng tàm Gơnoar ala mat dà lơgar càr Gia Lai yal bè cồng nha pơrjum dơ\ 8, Gơnoar ala mat dà lơgar kơnă 13 pa do, cau te\ khà [òn dờng Pleiku tơl^k nùs nhơm chờ hờp tài pơrjum neh tơl^k, ring bal uă broă lơh kuơ màng tus mờ broă tơnguh bơtàu lơh sa-mpồl bơtiàn dà lơgar dê.

Mờ cau te\ khà [òn dờng Pleiku kung neh yal tus mờ mpồl kuang bàng tàm Gơnoar ala mat dà lơgar càr Gia Lai in ờ uă broă gam gơl^k geh ờ niam bè: geh uă rơndăp broă lơh gam lời gời ờ hềt geh lơh, lơh ờ niam tus mờ broă tơnguh bơtàu mờ ring niam rài kis làng bol, ờ tơl ală anih nhơl chờ niam, broă lơh ală mpồl cau dờng sơnam gơtìp kal ke tài ờ tơl priă. Kuơ màng ngan, cau te\ khà [òn dờng Pleiku yal tàm tơngai pa do sùm gơl^k geh uă cau deh kòn gơtìp chơ\t tu\ deh, pal sền wơl kơnòl khà niam tàm broă lơh sơnơm. Cau te\ khà Thái Hồng Sơn kis tàm sơnah [òn Diên Hồng, [òn dờng Pleiku đơs:“Geh ờ uă hìu sơnơm lời gơl^k geh ală cau chơ\t ờ di ngan, bơta tòm là tài sơm ờ thàn, ha là tài broă lơh bác sĩ ờ di pal. Tàm [òn bol a` pa do gơl^k geh 1 nă cau mè deh kòn gơtìp chơ\t tài sơm ờ thàn. Dùl mpồl cau lơh sơnơm tu\ sơm kòp cau kòp in den dan priă bơh cau pròc mhàm cau kòp. A` dan ală gah, mpồl lơh broă geh gơnoar pal geh broă lơh kờ` gờ` lơh niam wơl gah lơh sơnơm”.

                                                           }au mblàng Ndong Brawl.