VOV4.K’ho - Buôn Đôn  la kơnhoàl gơbàn kòp mprơm ua\ ngan bơh gơ geh tam tìp bal tiah nhàr lơgar  mờ bơnah ua\ làng bol geh kis mờ broa\ lơh brê, bic tàm mir ờ kơt kơmùng. Bulah bè hơ\,  rlau 2 nam  rềp do, cau gơbàn kòp mprơm tàm kơnhoàl Buôn Đôn neh gơmù ua\ ngan tài bơh git wa\, mờ broa\ lơh bơh làng bol bè rcang sơndra\ kòp mprơm go\ loh ngan. Lơh geh cồng nha do,  pal yal tus mpồl cau kuang lơh broa\ rcang sơndra\ kòp mprơm bơh Hìu sơnơm  kơnhoàl  tus tàm [òn neh sùm mblàng pơlam, lam sồr làng bol rcang sơndra\ kòp mờ bơyai lơh phàt kơmùng, iu\ sơnơm tàm kơmùng…nàng gàr niam mờ bơsong mo pơhìn kòp mprơm tus mpồl bơtìan. Jơnau cih  bơh  cau lơh broa\ bal Hương Xuân-Đình Thi.

            Pah nam  2 dơ\ tàm nhai 4 mờ nhai 8, hìu nha\ mò H’ Bour La Ka kis tàm [òn Trí A, ntum Krông Na, kơnhoàl Buôn Đôn kung  bè ua\ ngan hìu nha\ làng bol tàm ntum drờm geh cau  lơh sơnơm  tus mblàng pơlam iu\ kơmùng mờ [ồm sơnơm tàm hìu nàng rcang sơndra\ kòp mprơm. Bơh sơnrờp,  mò H’ Bour mờ ala\ cau tàm hìu ờ sền gròi ờ, mìng bơh tu\ tàm [òn geh cau gơbàn kòp do den jơh mờ hìu nha\ mò H’ Buor hơ\ sồng ờ suk ngan. Den tàng, jơh mờ hìu nha\ neh jòi gùng nàng git wa\ mờ broa\ rcang sơndra\ kòp mprơm. Mờ bơh tu\ geh mpồl cau kuang rê tus bồm sơnơm mờ kup sơmac nàng sền kòp, den mò H’ Buôr La Ka chờ hờp. Mò H’ Buor La Ka ai git:“Bồ nam geh cau kuang lơh sơnơm tus iu\ kưmùng. Tus nhai 8 den bồm sơnơm. Tu\ do, làng bol kung neh git wa\, git pal pès ru\ rơm, lơh kloh hìu đam ìol niam”.

            Đơs bè git wa\ bơh làng bol tàm tiah do bè broa\ lơh rcang sơndra\ kòp mprơm, bi Y Bun Toản Niê -cau kuang lơh broa\ cơldu\ sơndra\ kòp mprơm, hìu sơnơm kơnhoàl Buôn Đôn, ai git:“Pơndrờm mờ ala\ nam lài, den broa\ git wa\ rcang sơndra\ kòp bơh làng bol neh geh bơtàu tơngguh niam rlau. Khà cau gơnbàn kòp mprơm tàm nhai 1 mờ nhai 2 nam do neh la 9 na\, pơndrờm mờ nam 2015 gơmù 6 na\.”

            Kung tài bơh jòi sa den tàng ua\ hìu nha\ làng bol sùm mìng git lơh broa\ mờ  ờ sền ngac tus broa\ lơh  rcang sơndra\ kòp, ngan la tu\ lòt mir jo\ ngai. Mơya, kơnờm bơh ala\ broa\ lơh mblàng, lam sồr làng bol mut lơh ala\ broa\ lơh rcang sơndra\  sơmac kap, pah nam, bal mờ broa\ mut  lơh ala\ broa\ lơh  dà lơgar bè rcang sơndra\ kòp mprơm tus làng bol in bè iu\ kơmùng,  bồm  dà sơnơm…Hìu sơnơm kơnhoàl Buôn Đôn gam ai bơh bơta dong kờl  ala\ broa\ lơh geh phàt  kơmùng,  phàt  ơyun geh iu\ dà sơnơm làng bol in. Kờp is tàm nam 2015, geh rlau 16 rbô 700 nơm kơmùng ala\ bơta neh  geh phàt  gời tus làng bol ua\ cau in, bè hìu rbah,  cau lòt brê,  cau bic tàm hìu… di  7 ntum, [òn drà tàm kơnhoàl. Lam sồr iu\ kơmùng geh tus rlau 92% mờ bồm dà  sơnơm geh tus rlau 89% pơndrờm mờ broa\ jàu.

            Bal mờ hơ\,  bal mờ broa\ lơh pràn yal tơngit tàm ala\ gah  yal tơnggit jơnau, broa\ lơh mblàng yal tàm mpồl bơtìan geh sền kuơ, bè tus còp ala\ hìu nha\,  cri bơyai mpồl kung geh pơ gồp lơh tam gơl git wa\ mờ broa\ lơh bơh làng bol. Tu\ geh git wa\ bơh tài gơbàn kòp mprơm mờ bơta pơhìn bơh kòp do, làng bol neh git broa\ sền gàr pràn kơldang sa\ ja`  sa\ tờm mờ hìu nha\ mờ broa\ sùm bic kơt kơmùng, ngan la lòt brê, bic tàm mìr, lơh ngan   lơh jat ala\ broa\ lơh bồm sơnơm,  iu\ dà sơnơm,  pès ru\ rơm,  lơh kloh rbòng dà. Kơnờm bơh hơ\ khà cau gơbàn kòp gùt kơnhoàl la kòp mprơm tàm nam 2015 la 121 na\ cau,  gơmù 101 na\ cau kòp pơndrờm mờ nam 2014. Mìng is 3 nhai bồ nam 2016, kơnhoàl Buôn Đôn mìng geh 11 na\ cau kòp mprơm, gơmù rlau 30 na\ cau kòp pơndrờm mờ  bal tu\ mờ nam lài.

            Bác sỹ chuyên khoa I Phạm Văn Quang kuang jat jơng atbồ Hìu sơnơm kơnhoàl Buôn Đôn, càr Daklak ai git:“Broa\ lơh tàm nam 2016, bol a` geh pơnjat tai geh mblàng pơlam bơto bơtê làng bol rcang sơndra\ kòp mprơm mờ broa\ geh đơs lài tu\ lòt brê pal cèng bal mờ kơt kơmùng tu\ bic, dilah rê geh gơbàn kòp pal lòt sền mhàm  tus gah sền geh kòp mprơm lah ờ tàm [òn lơgar. Tu\ do,  khà cau gơbàn kòp neh gơmù, mơya he kung pal rcang lài broa\ lơh mblàng pơlam bè pràn kơldang sa\ ja` mpồl bơtìan tàm kơnhoàl Buôn Đôn”.

            Nàng broa\ lơh rcang  sơndra\ kòp mprơm tàm Buôn Đôn lơh geh cồng nha jơnhua rlau,  kờ` ngan bơta sền gròi geh lơh bal  bơh ala\ kơna\, gơnoar at bồ [òn lơgar tàm broa\ mblàng pơlam, lơh pràn ala\ broa\ lơh mblàng pơlam, ngan la tàm làng bol kòn cau, tiah nhàr lơgar bơh kơnhoàl… nàng tơl na\ làng bol geh  wa\ git, mờ git sền gàr sa\ tờm,  cau hìu nha\ he dê mờ mpồl bơtìan tềng pơhìn gơbàn kòp mprơm.

            Dilah sa\ tờm hala cau gùt dar geh  ai go\ gơbàn mprơm noat, duh sa\ mờ gơlik dà kơlhề,  bal  mờ jê bồ, bòl glar…kờ` tus mo hờ hìu sơnơm nàng kham,  git kòp mờ geh sơm kòp di pal. Tu\ do,  sơnơm kòp mprơm geh phàt gời. Tu\ sơm kòp mprơm kờ` pal hùc sơnơm di pal, di sơnơm jat geh pơlam bơh cau lơh sơnơm, ba` blơi is sơnơm nàng hùc.

                   Cau cih mờ yal tơnggit K’ Brọp