VOV4.K’ho - Tàm tu\ drà tòm bơcri rơlao 1 tơmàn priă gơbàn lời gời, drà ing den ờ kơl jăp, gal ir cau, UBND xã Ea Kao, [òn dờng Buôn Ma Thuột, càr Dak Lak tơl^k kơrnoăt lơh tai 1 nơm drà pa. Broă lơh do neh gơbàn broă dră wơl uă ngan bơh cau tăc phan bal mờ làng bol.

Nam 2010, UBND xã Ea Kao, [òn dờng Buôn Ma Thuột bơyai lơh drà tòm, tềng gah hìu lơh broă UBND xã dê mờ kờp jơh khà priă rơlao 1 tơmàn priă bơh kes priă xã tă lơh.

Mờ ù tiah ơnàng rơlao 2 sào, drà geh tam pà gơs ală hìu tăc kờ` ai ală cau tăc phan in mờ khà geh bơh 8 tus 12 tơlăk priă tàm 1 hìu tàm 10 nam. Geh gơnoar atbồ xã yal bè broă sơbì drà ing kờ` tus tàm drà tòm tăc phan, den tàng mìng tàm 1 ngai ờ jo\, ală cau tăc phan neh blơi jơh hìu tăc phan tàm drà pa.

                                                             Drà tòm lơh rơlao 1 tơmàn priă wah rơwời ờ geh cau tăc phan

Mơya, broă tăc phan tàm drà pa mìng geh 2 nhai den ală cau tăc phan ơm ờ tăc tai, ha là ntrờm tus tàm ing kờ` tăc phan, tài ù tiah lơh drà ờ di pal. Bơh tu\ hơ\, drà tòm gơbàn lời gời. Ồng Vũ Văn Khôi, 1 nă cau tăc phan gam tăc tàm drà pa pà g^t:

- Lài ngan ală ồng lơh broă tàm UBND xã đơs là lơh gơs drà do, drà hờ bơdìh ne geh sờr jơh mờ mu\t jơh tàm drà do kờ` tăc phan.

Drà do là drà tòm xã dê den tàng bol a` là làng bol lòt càn priă ngân hàng blơi jơh ală hìu tăc phan do, gơs drà, mơya ờ geh cau. Lài do ală ồng hơ\ kờ` sờr drà hờ bơdìh ne jơh den mu\t tàm do.

Tàm tu\ drà tòm geh bơcri priă lơh rơlao 1 tơmàn priă den lời gời, drà ing den gơbàn ờ kơl jăp mờ gal ir. Do là drà ờs mờng xã dê geh lơh bơh nam 1982 tàm tiah geh gal cau, tềng gah gùng dờng den tàng [uơn ngan mờ broă kă bro.

Tu\ do, tàm do geh di pơgăp 200 hìu tăc phan, geh ală cau tăc phan lơh sàl ing tềng bơnàng ù, mơya broă kă bro geh gal ngan, l^k tus tàm gùl gùng lòt.

                                                           Drà ing geh gal cau ràng phan kờ` tăc

Jăt mò Trần Thị Hạnh, tăc phan tàm drà ing yal, jơnau kờ` đơs ngan là ù tam toh mờ drà ing do là ba ù ơnàng rơlao 3 sào geh UBND [òn dờng Buôn Ma Thuột ai lơh drà bơh nam 1991, mơya bơh rơlao 20 nam kung gam ờ hềt gơs sơl.

Drà tòm den lời gời, tu\ do kờ` lơh drà pa tàm tiah ndai tai gơbàn hoàc huơr mờ kal ke tus mờ làng bol dê tai:

- Drà ing do geh lơh bơh nam 1982, bơh g^t nđờ nam neh gơbàn ờ kơl jăp tai, mơya gơnoar atbồ tàm do ờ sền gròi, lòt lơh drà tàm tiah ndai wơl.

Tu\ do kơno cau yal geh rơndăp broă nhơl chờ bơcri priă lơh, mờ kờ` tăc ù do ntrờn bol a` tus tàm bă ù tam toh đah ne, mơya jăt broă lơh bal mờ khà 30 tơlăk priă tàm 1 hìu tăc ơnàng di pơgăp 5 thơ\k [uơng tàm 5 nam. Cau tăc phan 1 xã rơ[ah bè bol a` ờ tơl priă kờ` tă.

Ồng Phan Văn Trường, Chủ tịch UBND xã Ea Kao mblàng bè gùng dà kờ` lơh drà pa tàm bă ù tam toh tơn là tài drà ing neh ờ kơl jăp tai, ờ di pal mờ broă kờ` kă bro, ờ tơl niam tàm broă sơndră mờ crùh ồs sa.

Mơya tàm mùl màl drà ing neh ờ kơl jăp, gal ir bơh jo\ ngan – lài mờ tu\ UBND xã bơcri priă lơh dà tòm. Den tàng, mờ tơngu me tòm do ờ lơh di nùs sơl, den tàng cau tăc phan dră wơl.

Gam jơnau mblàng tài bè lơi drà tòm geh bơcri priă lơh rơlao 1 tơmàn priă bơh kes priă xã dê, lơh broă ờ geh cồng nha, lời gời 7 nam do, Chủ tịch UBND xã Ea Kao, ồng Phan Văn Trường mblàng bè do:

- Drà tòm tàm do geh gùng dà bơh nghị quyết HĐND xã, geh gùng dà bơh gơnoar atbồ [òn dờng dê tai den tàng bol a` lơh ờ go\ di là bol a` lơh is. Mờ tài broă làng bol đơs uă tàm ală dơ\ tìp mờ cau te\ khà bơh xã tus càr, cau geh jơnau đơs bè hơ\ den tàng bol a` lơh jăt bal mờ kơrnoăt tàm adăt boh lam.

Broă hoàc huơr cau blơi lời gời, tơnơ\ do cau ờ tus kă bro tai tus rài oh kòn ha bơdìh hơ\ gal ir den cau nhơl chờ mu\t di gơlan geh tơnguh broă lơh do khăt cau dê.

Mờ khà priă rơlao 1 tơmàn priă bơh kes priă xã kờ` lơh drà tòm xã Ea Kao, [òn dờng Buôn Ma Thuột dê ờ di là ờ uă, mơya làng bol ờ tus blơi phan, cau tăc phan mờ mu\t tăc mờ gơbàn lời gời neh pà go\ broă bơcri priă lơh ờ geh cồng nha, hoàc huơr kes priă mờ priă bơcri blơi hìu tăc làng bol dê.

Bè hơ\, broă UBND [òn dờng Buôn Ma Thuột pơn jăt tai lơh drà pa tàm bă ù ơnàng 3 sào tam toh tơn mờ drà ing tàm tu\ tàm xã do neh geh drà tòm gam lời gời, ờ hềt geh broă kờ` sồr, mờ gơnoar atbồ tàm do pơn jăt tai geh broă lơh tai drà pa den sơlơ hoàc huơr ngan.

Cau cih mờ yal tơng^t Ndong Brawl