VOV4.K’ho - Bơh ngai 1/7, ală broă lơh tìs bè ờ do ờ dă phan sa neh geh lơh glài mờ broă lơh kup màng kờ` tơnguh bơta pơhìn tềng đap bơta uă broă lơh tìs tàm gah ờ do ờ dă phan sa. Jat jơnau cih, cau ròng phan ngui phan ờ geh ai ngui, cau git loh phan sa [ơ\ [ơl mơya kung gam lơh gơlik, tac tàm drà kă bro den gơtìp lơh glài bơh 50 tus 200 tơlak priă, halà gơtìp lơh glài kup jàm bơh 1 tus 5 nam, geh tu\ tus 20 nam. Do là ală khà lơh glài pa gơ rềng tus bơta ờ do ờ dă phan sa geh cih tàm adat lơh glài kup màng nam 2015.

Lơh glài kup màng ală broă lơh tìs bè kloh niam ờ do ờ dă phan sa tài bơta ờ do ờ dă phan sa là bơta sền gròi bal bơh jơh tơl nă cau dê mờ là bơta lòng dờng ngan tus mờ mpồl lơh broă geh gơnoar. Sền gròi bơta niam phan lơh gơs bơh suơn sre, chi brê phan tàm dà geh kơp kờ` gơtùi sền gròi bơta niam phan sa bơh tàm broă lơh gơlik bơh sơn rờp mờ ală mpồl blơi tac, mơya mùl màl kung gam uă ngan kal ke. Jơnau ai tơngit jơnau đơs do geh jơnau cih đơs bè bơta geh ngan do tàm [òn dờng Buôn Ma Thuột, càr Daklak:

Drà bơh sơn rờp geh pờ is tàm gùng Phan Bội Châu, sơnah [òn Thành Nhất, [òn dờng Buôn Ma Thuột, càr Daklak gal ngan cau tus blơi bơh 11 jiơ mang lài tus 5 jiơ àng drim tơ nơ\. Tàm do, geh jơh ală bơta phan ris bè plai chi, biap, kơnuh tus ală bơta phan tàm dà, geh anih lơh gơlik kung li la ngan. Bulah là drà pờ is, mơya do kung là tiah tac bơh sơn rờp uă bơta phan ris, tac drà kă bro Daklak in. Ală broă kă bro uă ngan là tac mờ blơi phan bơna khà uă, mơya là bơta ringbal đah cau blơi mờ cau tac. Sră pơ àr nàng ai go\ anih lơh gơlik, ală jơnau kờ` kuơ màng gàr kloh niam ờ do ờ dă phan sa là bơta ờ huan geh ngan tàm do. Dùl nă cau tac plai chi tàm drà mang do pà git: Băng:

“Phan do ờ geh bơta lơi nàng pal sền gròi ờ do ờ dă kloh niam phan sa. Cau go\ phan niam den cau blơi”.

Cau tac mìng sền gròi tus broă lơh bè lơi nàng tac geh phan. Ai cau blơi kung mìng kờ` blơi nàng tac, de tàng sền phan lơi niam, khà priă dipal den blơi. Ai bơta niam, ờ do ờ dă kloh niam phan sa tàm do ờ cau lơi khin đơs là tơl niam. Mò Vương Thị Thư, dùl nă cau kă bro gam blơi phan tàm drà bơh sơn rờp pà git: “Tài ndo phan bơh ngai tus den he ờ gơtùi git. Go\ ris niam den he blơi nàng tac, ờ git bè lơi. Kung gơ lơh ngòt sơl, mơya cau tac den he kung tac.”

Lài mờ tu\ pờ gơs drầmng tàm sơnah [òn Thành Nhất, uă ngan phan sa ris geh tac tàm drà Tân An, di sơnah [òn Tân An. Tơ nơ\ mờ tu\ anih duh broă làng bol [òn dờng Buôn Ma Thuột ờ ai pờ drà Tân An, broă kă bro geh ntrờn rê tus drà bơh sơn rờp Tân Hoà kờ` ai broă kă bro geh rơndap tap sèng, dong broă sền gròi bơta ờ do ờ dă phan sa niam rlau. Mơya jơnau kờ` do ờ hềt gơtùi lơh geh tu\ ală hìu nhă kă bro ờ bài mờ rơndap broă ntrờn drà, den tàng pờ is drà rê tac tàm Thành Nhất. Jat ồng Trần Quốc Toàn, kuang jat jơng atbồ đah sền gròi bơta niam phan lơh gơs bơh suơn sre, chi brê phan tàm dà, di gah lơh broă sa mờ bơtàu tơnguh [òn lơgar càr Daklak, tài crơng gơs mờ kă bro is den tàng broă sền gròi bơta niam mờ ờ do ờ dă phan sa là bơta ờ gơtùi. Ồng đơs: “Jơh ală cau kă bro ndrờm bè ờ cau lơi sền gròi. Tu\ do kờ` sền gròi ờ do ờ dă phan sa den pal geh anih prap ơn phan, geh sră kă bro hơ\ sồng jơh ală bơta. Ai tu\ do khi pờ is drà, ngai do tềng do, ngai hìng tềng ne den ờ gơtùi sền gròi”.

Kung là drà pờ is den tàng uă cau tac tàm drà gam kă bro ală phan ờ git loh anih lơh gơlik mờ ờ gàr tơl niam ờ do ờ dă phan sa. Den tàng, jơnau pơhìn roh ờ do ờ dă phan sa mờ pơhìn tus pràn kơldang cau ngui sa bơh ală phan sa do dê là dờng ngan.

                                                  Cau cih mờ yal tơng^t K’ Duẩn