VOV4.K’ho - Bè jơnau đơs Việt Nam neh yal broă bơh nam 2011 tus bồ nam 2016, Chủ tịch kơnhoàl Krông Păc, càr Dak Lak neh rơwah cau pơgru gal ir, tơnơ\ mờ hơ\ ai mu\t tơn tàm ală hìu bơsram mờ ờ geh ai bơh tàm broă kờ` mùl màl.

Bè tìs do, Đảng uỷ, UBND càr Dak Lak neh uă dơ\ pơyoa sră sồr UBND kơnhoàl Krông Păc bơsong jơh niam. Mơya tus tu\ do, nam bơsram pa neh mu\t mơya kơnhoàl do gam ờ g^t kờ` bơsong bè lơi; rơlao 600 nă cau pơgru geh rơwah gam ngai pah ngai di gơlan gơbàn ờ geh broă lơh.

Nam bơsram 2017-2018, geh 10 nă cau pơgru tàm biên chế hìu bơsram cấp 2 Ea Phê, xã Ea Phê, kơnhoàl Krông Păc ờ geh jơ bơto. Tài hìu bơsram pal tơmù bơh 20 ơdu\ tàm 480 nă kơnòm bơsram gam 15 ơdu\, di mờ kơrnoăt geh ai.

Bal mờ hơ\, g^t nđờ 10 nă cau pơgru tàm biên chế ờ gam geh jơ bơto tai, 7 nă cau pơgru hợp dồng jo\ tơngai kung pal ơm nggui gời sơl. Mơya broă 7 nă cau pơgru do sơlơ ngai sơlơ ờ niam ngan rơlao, tài bal mờ broă ờ geh jơ bơto, ală cau pơgru do ờ geh dờp priă nhai.

Ngai mu\t bơsram nam bơsram pa neh rơlao, mơya jơnau moăt jrùng gam geh sùm, 1 nă cau pơgru tàm mpồl “ờ geh jơh bơto, ờ geh dờp priă nhai” pà g^t”:

- Mùl màl moăt jrùng ngan, a` ờ khin ơm tàm hìu bơsram bu\ lah a` ơm nội trú tàm hìu bơsram tơn, sền ngai mu\t bơsram nam bơsram pa a` moăt jrùng ngan, cau lơi mờ geh nùs nhơm bè bol a` hơ\ sồng wă.

Là cau neh pơgồp bal tàm broă lơh gơbàn bơta kal ke tu\ do, tu\ k^ tai hợp đồng mờ 109 nă cau pơgru tàm tơngai lơh broă să tòm dê, ồng Y Suôn Buôn Yă, Chủ tịch UBND kơnhoàl Krông Păc đơs tòm, kơnhoàl gam bơsong bơta ờ niam do mờ broă yal mờ dan càr Dak Lak ai tai biên chế cau pơgru nam bơsram 2017-2018 in, kờ` rơwah mùl màl 1 bơnah cau pơgru hợp đồng jơnkah tu\ do.

Mơya jăt Phòng Giáo dục mờ Đào tạo yal, bơdìh mờ rơlao 500 nă cau pơgru hợp đồng jơnkah do, kơnhoàl Krông Păc gam 100 nă cau pơgru tàm biên chế ờ hềt geh ai bơto, den tàng broă dan tai biên chế cau pơgru kơnhoàl dê là ờ geh cồng nha.

Ală broă lơh ngan kờ` ndrờm bal, ntrờn cau pơgru kung ờ bơsong gơs broă jơnkah cau pơgru tu\ do. Ồng Phạm Xuân Vinh, atbồ phòng Giáo dục mờ Đào tạo kơnhoàl Krông Păc pà g^t:

- Gùng dà broă lơh là bè do, broă lài ngan k^ biên chế bồ nam bơsram sền tàm tiah lơi ờ tơl tiah lơi jơnkah kờ` ntrờn bơh tiah jơnkah tus mờ tiah lờ tơl, mờ broă hợp đồng den pal lơh sră nggal kờ` yal mờ uỷ ban pơlòng môn lơi gam kờ` môn lơi ờ gam kờ` den he ờ gơtùi pơlòng.

Kơrnoăt bơh UBND càr là nam bơsram 2017 là pal bơsong jơh ală cau do. Koh tơn den ờ gơtùi. Lời den sơlơ ờ gơtùi ngan tài gam jơnkah biên chế.

Tàm 2 tơngai lơh broă, 2 nă chủ tịch UBND kơnhoàl Krôgn Păc pơlòng bal rơwah cau pơgru, bu\ lah mùl màl neh jơnkah cau pơgru tàm kơnhoàl do.

Ờ hềt g^t loh làng nam bơsram pa neh mu]t bơsram, rơlao 600 nă cau pơgru tàm do gam ờ su\k ơm ngan. Priă nhai ờ geh, broă lơh ờ geh, mơya ờ geh cau lơi khin jòi 1 broă lơh ndai kờ` kis, tu\ hợp đồng lơh broă tàm ală hìu bơsram gam geh ngui.

Cau cih mờ yal tơng^t Ndong Brawl