VOV4.K’ho - Kờ` lơh jăt Thông tư sồ 06 nam 2015 bơh Bộ Nội vụ mờ Bộ Giáo dục mờ Đào tạo ai bè khà măt broă lơh mờ khà cau lơh broă tàm ală hìu bơsram mầm non Dà lơgar lơh mờ khà uă ngan 2,2 nă cau pơgru tàm 1 ơdu\, den càr Dak Lak gam ờ tơl 1 rơbô nă cau pơgru mờ 1 rơbô 400 nă cau lơh broă.

Kờ` bơsong gơs bơta do, Sở Giáo dục mờ Đào tạo càr Dak Lak ai ală hìu bơsram ring bal is mờ cau mè, bèp kơnòm bơsram kờ` tă priă nhai ai cau pơgru lơh broă bal in, pờ tơl^k geh bơta cau pơgru bơto tàm hìu bơsram Dà lơgar lơh geh cau mè bèp kơnòm bơsram tă priă nhai.

Bơta do, gam lơh kal ke tus mờ ală cau mè, bèp kơnòm bơsram mờ khà priă tă pah nam bơh ală hìu bơsram mầm non geh tus g^t nđờ 10 tơmàn priă.

Tàm dơ\ pơrjum cau mè bèp kơnòm bơsram bồ nam bơsram, 1 nă cau mè bèp kơnòm bơsram tàm hìu bơsram Mầm non Sơn Ca, thị trấn Liên Sơn, kơnhoàl Lak, càr Dak Lak ờ su\k ơm tu\ nam bơsram do hìu bơsram ai tơl^k ală khà priă tă bè: tă priă nhai cau lơh broă, tă priă nhai broă sền gàr kòn dềt, gàr trồ ngai rơlao 1 tơlăk priă, tàm hơ\ ờ hềt kờp khà priă tă tàm kes priă mpồl ala măt cau mè bèp kơnòm bơsram.

Tàm hơ\, khà priă ờ di ngan là pal tă priă nhai cau pơgru sền gàr kòn dềt 350 rơbô priă tàm 1 nă kơnòm dềt 1 nam. Jăt cau mè bèp do yal, mè bèp kơnòm bơsram ờ geh kơnòl tàm broă tă priă nhai cau pơgru hìu bơsram Dà lơgar lơh  in:

- Ờ gơtùi 1 hìu bơsram Dà lơgar lơh lah ai cau mè bèp pal tă priă ròng cau pơgru. Di lah hìu bơsram ờ tơl cau pơgru kờ` bơto, sền gàr kòn dềt den tơmù khà ơdu\ bơsram, ba` ai tài ờ tơl cau pơgru mờ sồr cau mè bèp kơnòm bơsram pal tă priă, bơta do ờ di pal, bol a` ờ di nùs ngan.

Tàm hìu bơsram Mầm non Sơn Ca, pơgru Đặng Thị Thu Sương, atbồ hìu bơsram pà g^t, nam bơsram do, hìu bơsram geh 130 nă kơnòm bơsram, tam pà tàm 4 ơdu\ bơsram, mơya mìng geh 4 nă cau pơgru tàm biên chế mờ 2 nă cau pơgru hợp đồng.

Jăt Thông tư sồ 06, gơwèt mờ ơdu\ mẫu giáo bơsram 2 [ùi tàm 1 ngai geh ai uă ngan 2,2 nă cau pơgru tàm 1 ơdu\ den di lah bè hơ\, hìu bơsram do ờ tơl 2 nă cau pơgru.

Broă ờ tơl cau pơgru neh geh uă nam, ală nam bơsram lài ală pơgru tam jà bal lơh ngan ală broă, mơya ờ jai, bơta do lơh gơbàn tus mờ bơta niam tàm broă sền gàr kơnòm dềt bal mờ bơta pràn kơl dang să jan cau pơgru dê tai.

Kờ` niam broă sền gàr mờ bơto kơnòm dềt bơh 6 jơ 45 phút drim tus 5 jơ mho pah ngai, den tàng hìu bơsram neh ring bal mờ cau mè bèp kơnòm bơsram tă 350 rơbô priă tàm 1 nă kơnòm bơsram 1 nam bơsram kờ` tă priă nhai 2 nă cau pơgru in mờ khà priă tơl nă cau pơgru là 2 tơlăk 500 rơbô priă tàm 1 nhai.

Pơgru Đặng Thị Thu Sương đơs là, Hìu bơsram pal tơl^k khà priă tă do tàm khà priă tă is bơh cau mè bèp kơnòm bơsram dê, tài ờ gam geh broă lơh ndai tai:

- Nam lơi kung bè hơ\ sùm, tàm do geh rơwah kơnòm bơsram lài, geh khà ơdu\ bè hơ\ ală cau pơgru là kơ\p gơn, ngai pah ngai mpồl cau pơgru atbồ hìu bơsram kơ\p sùm, kơ\p sùm neh bơh 4 tus 5 nam do, mùl màl hìu bơsram neh lơh ngan jơh pràn 2, 3 nam mơya pa do geh jơnau sồr sồ 1038 bơh sở geh 1 khà pờ tai di gơlan hìu bơsram ờ tơl cau pơgru tàm biên chế, di gơlan pal ơpah jăt jơnau ring bal mờ cau mè bèp kơnòm bơsram.

Jăt ồng Phạm Đăng Khoa, atbồ Sở Giáo dục mờ Đào tạo càr Dak Lak yal, lơh jăt Thông tư sồ 06 geh ai 2,2 nă cau pơgru bơto mầm non tàm 1 ơdu\ den càr Dak Lak tu\ do ờ tơl 1 rơbô nă cau pơgru mờ 1 rơbô 400 nă cau lơh broă.

Tu\ do geh 80% khà kes priă tă gah bơto bơtê mờ bơsram ngui kờ` tă priă nhai, khà gam tai tă ală broă lơh ndai in. Mùl màl, khà priă tă do sùm ờ uă rơlao. Geh 1 bơta kal ke tai, pah nam Bộ Nội vụ ndrờm koh tơmù biên chế gah broă do, tàm tu\ hơ\, kơrnoăt bơh gah broă do gam pal gàr niam khà cau pơgru tàm 1 ơdu\.

Bơta do lơh gơbàn ală càr, tàm hơ\ geh càr Dak Lak gơbàn kal ke tu\ lơh jăt Thông tư sồ 06. Ồng Phạm Đăng Khoa đơs là, kờ` bơsong kal ke tàm ală hìu bơsram geh bơyai lơh bơto 2 [ùi tàm 1 ngai, broă gùt mpồl bơtiàn tă priă nhai cau pơgru hìu bơsram Dà lơgar là pal geh lơh:

- Tàm tơngai kơ\p kơrnoăt bơh Bộ Nội vụ bè đah Sở Giáo dục mờ Đào tạo bol a` neh geh jơnau bơto sồr ală kơnhoàl lơi geh tơl, gơtùi hòi jà mpồl bơtiàn tă bal priă mờ di gơlan gơtùi hợp đồng tai cau lơh broă, hợp đồng tai cau pơgru kờ` gàr niam broă lơh jăt tơl biên chế cau pơgru kung bè cau lơh broă tàm ală hìu bơsram mầm non.

Den mờ ală hìu bơsram tàm tiah sar lơgar ngài, kal ke tàm broă hòi jà gùt mpồl bơtiàn tă priă bal den tơnơ\ do bol a` geh ai rơwah lài cau pơgru tus bơto tàm tiah hơ\ in.

Di lah ală hìu bơsram mầm nòn tàm càr Dak Lak ndrờm tă priă jăt mờ broă gam geh lơh do, den pah nam, kờp jơh khà priă tă geh ờ uă ngan kung tus 48 tơmàn priă bơh tàm ală hìu nhă kơnòm bơsram.

Tàm hơ\, geh uă hìu nhă kơnòm bơsram gơwèt hìu rơ[ah, kal ke. Di lah broă lơh do ờ gờ` geh bơsong, kal ke gam pơn jăt tai tus mờ ală cau mè bèp tàm ală nam bơsram tus do.

Cau cih mờ yal tơng^t Ndong Brawl