VOV4.K’ho - UBND càr Dak Nông pa pơrjum mpồl đơng lam lơh Công viên địa chất tàm Krông Nô kờ` lơh jăt kơnòl tàm tơngai tus. Tàm pơrjum, kuang bàng đơng lam càr Dak Nông neh đơs tòm, broă lơh gơs sră nggal lơh Công viên địa chất gùt dunia ai tiah Krông Nô là 1 tàm ală kơnòl tòm mờ kuơ màng ngan. Den tàng, ală sở, gah lơh broă gơrềng bal pơgồp bal nền nòn kờ` lơh ală sră nggal, kơnòl mờ UBND càr Dak Nông jào.

Sở Văn hoá, Thể thao mờ Du lịch sền wơl mờ hòi jà ală anih lơh sa kă bro bơcri priă, kă bro nhơl chờ tơl pràn kờ` bơcri priă lơh ală tiah nhơl chờ tàm tiah bơnơm ồs Krông Nô mờ kơrian ờ ai ală broă lơh, kă bro nhơl chờ ờ di pal tàm tiah do. Ală anih lơh broă yal tơng^t pal chồl pràn broă lam sồr yal bè trồm rơgồng bơnơm ồs kờ` ală cau tàm lơgar bal mờ dunia in g^t tus bal.

Cau cih mờ yal tơng^t Ndong Brawl